Krishnadas Shama Rajio Kendrio Vachnaloi

Goenchi Rajio Kendrio Vachnaloi (novean bautizm Krishnadas Shama Kendrio Vachnaloi 2012 vorsa dileli) hi adlea Purtugez Goenchea vosnnukech mukhel vachnaloi zavn asa. Ti Ponnje urta ani tichem ontorzallem ti poili vachnaloi Bharotant sthapleli survatechea 1830 vorsant oso davo korta.

Bharotant pornni बदल

Goenchi Rajio Kendrio Vachnaloi atam, Krishnadas Shama Kendrio Vachnaloi)Ponnji, Goem.

 
State Central Library Goa (now, the Krishnadas Shama Central Library) at Panjim, Goa.

Odhikrut thikanna pormonnem, ti “Bharotachi soglleam von pornni Bhovxik Vachnaloi)" ji 15 Setembrache 1832 vorsa ten’nachea Purtugez rajio korpi Goeant Viceroy Dom Manuel de Portugal e Castro, Academia Militar de Goa hachi Publica Livraria (Soinikachi Proxikxonn Sonvstha) hea nanvan hannem sthapleli. 1836 vorsa tika Bibliotheca Publica nanv dilem.Ti girestkaiechea bhanddvollan bhoroleli jem dhormik sonvsthachea konventani tacheant suvadin kelelem jem 1834 vorsa chidd’ddopant ailem 1836 vorsantuch, hi vachnaloi Nogorpalikecho karbhar choltalo thoim haloili. 1870[1] vorsa, tika Biblotheca Publica da Nova Goa hem nanv divpant ailem. Vachnaloichem sthan Raxttrio Vachnaloiant vaddoilem ani porot Bibliotheca Nacional de Nova Goa hem nanv February 1897 vorsa dilem. Uprant tika portun Bibliotheca National Vasco da Gama[1]dilem.

Ek hukum kaddun Marsache 18ver , 1956vorsa Kaidexir Sugur korpi kherit odhikar he vachnaloiek favo kelo, jea vorvim tika sogllea Portugal ani her pordesantlea vosnnukancheo porgottnneo mellunk odhikar favo zalo.[1] Sonvsthechi zoddnni koxem kam kortana, ti 35 vorsam ugti urli. Kakoddkar sangta ki Setembr 1959 savn, vachnaloiek Instrucaoe Saude (Xikxonn ani Arogio Seva)[1]hanchea nitt sot’tea khal cholpak lagli Fattlea kallant, vachnaloiechi punji fokot Purutugez, Franses, Spanish, Latim, Inglix pustokancho aslo[1]. Vachnaloiechi ek zontri 1907 vorsa chhap’pant aili. Uprant ek, borovpeachi, pustokachem nanv ani sondorbachi zontri toiar korpant aili.

Purtugalchean, pordexi “prant” बदल

1925 Marsant,ti Instituto Vasco da Gama hicho ek bhag zalo,ek xikxonnik- sonvskruti sonvstha, ani tichem namantor Biblioteca Nacional Vasco da Gama korpant ailem. Mars 18, 1952, ek hukum 38684 Deposito Legal (Delivery Act) kaido tichea odhikrut website pormonnem. vachnaloiek lagu kelo, Hachea porinnamant, vachnaloiek Purtugalchean ani tachea her pordexi prantam koddlean porgottnneo favo zaleo. Setembr 1959 savn, Bibliotheca sonvsthe koddlean kuxin kaddli ani Servicos de Instrucao e Saude (Xikxonn ani Bholaiki Seva) hachea karbhara khal keli ani tiche nanv Biblioteca Nacional de Goa kelem. Tika 175 vorsam purim zatokoch ek poilea-disachem ttopal kovor Bharoti Sorkarchea Ttopal Vibhagant porgott kelem.[1]

1961 vorsa Goenchem Purtugali rajio somplea uprant, vachnaloiek Kendrio Vachnaloi nanv dilem, ani tichem kario vaddovn pustokam usnnim divpachi, sondorbachi ani kherit bhurgeam khatir seva divpant aili.[1] Tinem Innglix, Moratthi, Hindi, Konknni bhasanchea pustokanchi toxench Bongaliani Urdu bhasantli punji keli.

Tichem thollavem itihas ani durmill punjent 16vea17vea xekddeantle mathalle, hatborovpam ani chhapop, Goenchea itihas ani sonvskurtichim pustokam,zantunt Bharoti-Purutgez itihasacho somavex asa,thollavim bandlelim nemallim ani Press and Registration of Books Act, 1867 vorvim favo zalelim nemallim asat.[1] Bharoti Sorkarachea Registration of Books Act, 1956, hi Kendrio Vachnaloi ek Goenchi malki hok’kachhi vachnaloi asa ani Goeant porgottlelea dor pustokachea uzvaddavpean tin proti he vachnaloiek patthonvk zai. Hi Kendri Vachnaloi sonkolon korun apli vorsuki pustokanchi namavoll Goeant uzvaddailolea pustokanchi Goenche Odhikrut Rajpotrant uzvaddaita.

Aiz, hi Kendrio Vachnaloi rajeachi unchli vachnaloi zavn asa. Tika Kola ani Sonvskrutik Sonchalonaloichea niontronna khal sat talukeancheo (up-zil’leancheo),hea xivai 121 sorkari ganvcheo vachnaloi, ponchaiot ani bin-sorkari sonvsthancheo vachnaloi sodheak Goeant cholpi vachnaloi asat.

Punji बदल

1961 vorsa purvichea (Purtugez Goeant) punjent chodd korun pustokam ani nemallim Purtugez, Fransez, Latim, Inglix ani thoddim pustokam thollavea Konknnii ani Moratthintlim aslim. Thoddim, 40,000 1961 vorsam adlim.

Her moladik utaream, modem, Vachnaloie kodden opurnn ekunnisvea ani survatechea visvea xekddeantlim vortomanpotram Moratthi,Konknni, Innglix ani Purtugez asat, jim Goeant ani Mumboint porgott zaleant, Tantlim thoddim chodd durust korunk zaina toslim aspavtat. Hi vachnaloi Mozambique ani her Purtugez Afrikechea vosnnukanchi 18vea xekddeantlem bhanddar sonvstha zavn asli. Thoim xikxonnik niall ani her odhikrut Afrikecheo porgottnneo asat. Ek vevsaik zontri hea punjechi Purtugalachea Aveirochea Videapitthant tachea website-int pollonvk meltta ji Memorias de Africa nanvam khal dista.

Kola ani Sonvskrutik Sonchalonaloie chea Citizen's Charter[2] pormonnem "Hi Rajeachi Kendri Vachnaloi sogllea von Bharotachi pornni vachnaloi sogllea vachpeank tancho vorg, bhavarth vo nagrikponn hispak dhorinnastana ugti asa. Hi punji sondorbak Durmill ani Goenchea Itihas bhagant ani Sondorb bhagant… Bhaddean pustokam divpachea bhagant… Vortomanpotr ani Nemalleam bhagant asa.”

Hea Rajeachea Kendrio Vachnaloient 180,000 odik pustokanchi punji asa ,[2] vegllea bhasamnim zoxem Inglix, Hindi ,Moratthi, Konknnni, Purtugez 1832 vorsa savn. Durmill pustokanchim 15,00,000 panam, odhikrut rajpotram ani vortomannpotram elektronik akarant (microfilm akarant). Rajio Kendri Vachnaloi ek bhanddar vachnaloi koxi Press and Registration Books Act, 1867 and Delivery of Books Act, 1954 khala vagta zoim sogllim rajeant porgott kelelim pustokam he vachhnaloient fuddle pillgechea boreponna khatir zomo korunk zai.

Mull sondorb zoxe sade ani vixoiache sobdkox, vixvkox, Konn Khoincho sobdkox, choritr sobdkox, rajpotram,nokxe, bhonvddecheo margdorxika ani vividh her mull sondorb vaporpeam khatir uplobdh asat.[2Sordhatmok porikxechim pustokam ani moladik pustokam vegvegllea vixoianchi he punjecho ek bhag zavn asa. Xikpi ani sodlavpi vidvanui hea vachnaoiecho upeog kortat

Tthikann बदल

 
Participants join in a workshop on book publishing at the Central Library, Panjim.

Ponnjechea Kendrio Vachnaloient vanttekari hea pustok porgottpachea kariosallent bhag ghetat.

Vachnaloi poilim Ponnjechea, hea Goenchea rajdhanichea Pulis Imarotent poile mallier asli. 2011 vorsa savn vachnaloi novea zagear Pattear Ponnjechea mukhel bos sthanar asa.Ti eka viskoll zagear, sov mallianchea imarotint atam asa zachi bandavoll inam jikhpi bandavoll xastri Gerard D'Cunha hannem ankhlea. Abril 2011 hanchea khobranche niall sangtat tea pormonnnem Goa State Infrastructure Development Corporation (GSIDC) hinnem tika 32 Kotthi Rupia (320 milhanv rupia) prokolpak khorch aila ani tantunt sov malio asat ani 13,369 chovkott metr zago aspavta.[edit]

Prochar madhiomachea niallam pormonnnem he vachnaloiek ord milhanv odik pustokam“astolim” oso odmas kela—hem adlea ankddeam von dobrad jen’na ti xarachea modem aslim—hache xivai 200 nemallim ani 20 vortomanpotam astelim. Ani oxi-I bhas dilea (vachnaloi sador korche poilim) e LIBSYS software vachnaloiechem apoap korpant vapddun (LIBSYS pustokanchem mellovop vo pustokam viktem ghevop, namavoll ani dostovezachi manddavoll korop; segid nemalleanchem niontronn; vanttop zantunt vangddeanchea nondnnecho ani pustokam divpacho ani porot ghevpacho aspav asa; borovpanchi suchi korop jea vorvim borovpanchi nemalleant uzvaddailelim hanchi mullmhaiti rochop).Ek kherit, vaporpeank sompeponnacho vibhag bhurgeam khatir bosoila (dusre mallier),ek braille vibhag dolleanchea piddestanchea vachpeank, ek ontorzalleacho vibhag.. Odhikari sangtat " microfilmachi sovlot ani pustok samballpachi proiogsall ...korpant ietli (hantunt) 27 bhaganchea hea vachnaloient ji novi air-conditioned rajio vacnaloi zavn asa."

Kendrio Vachnaloiecho Mukheli Carlos Fernandes sangta ki LIBSYS pod’dhot ek vachnaloi-karbharacho software asa zo sogllea sorkari Goenchea vachnaloienk Ponnjechea Kendrio Vachnaloiek zoddttolo. Tujea ghora savn vachnaloieche website-ik log korunk zata ani omuk pustok vachnaloient asa vo na tem topasunk zata.

Vavracho Vell बदल

Vachnaloi satolleache satui dis ugti asa, satolleachea akhrek pasun, punn bhovxik suttiank bond asta. Donparchea jevnna vellar pasun ti ugti asta ani ticho vavracho vell sokallim 9.30 tem sanje 7:00 poriant zorui ti satolleachea xevttak,Sonvarak ani Aitarak vegim bond zata ani ticho vell sokallim 9:30 tem sanje 5:45 asta.

Her Kario बदल

Maria Pia de Menezes Rodrigues[3]sagta Kenndrio Vachnaloi pustokam bhaddean divpachi, vachpachi ani sondorbachi sovloti dita, ji nond kelelea vangddeank poili uplobdh asa.Goenche ani Bharotachi her xikpi "chodd promannnant punjecho upeog kortat", Rodrigues-a pormonnem. Sod lavpi sovloti Bharoti toxench pordesantlea vidvanak asat, chodd korun Goem sombondit vixoiank ani Bharoti-Portugez itihasik. Vachnaloient Sonvsarik Pustokam Dis, Gronthpal Dis,Raxttrik Pustokancho Satollo ani her pallttat. Ontor-vachnaloieche usnne divoi seva koideam khatir,sorkari ani bin-sorkari sonvstham khatir uplobdh asa, oxem ti sangta.[3]

Goenchem Pustok बदल

Dr. Archana A. Kakoddkar[1]promonnem Carriera da India, vo gol-bhonvddi Portugal ani Bharotammodem, pustokam Lisbon, Africa ani Brazilak savn ani her Portugez vosnnukam savn don vordanche ieradarint haddlim jim bonddolanim ani boksamnim bottinchea mhalant haddlim.

Vachnaloiechem Vangddiponn बदल

Bhovxik vachnaloi aslelean, jika Rajeachi nidhi melltta, ti soglleank ugtti asa, ani dor ekleak ticheo sovloti vaprunk porvangi asa. Ghora vachunk divpacheak matr vachnaloiecho vangddi zanvk zai, je sodheak 200 Rupia tem 750 Rupia khorch ieta (jivit vangddeachi tthev, vorsuki xulk na). Vangddi zavunk, jem sadarponni vegan kario zata taka sumar ord vor lagta, zonn ekleak ek vo don passportt akarache fottu, ani ek thollavea ravpacho dakhlo (zantunt tujem nanv, namo ani fottu- zoxem vahon cholovpacho porvanno, pasportt, Adhar kardd, adi.).

(Vaddleleank)vangddi zavpak sokoilem gorjechem::

  • Ek, passport akaracho, svotacho fottu.
  • Ek fottvachem vollokh kardd zantunt orz korpeachem ravpachem tthikann asunk zai. (Adhar Kardd, somajik surokxechem kardd, passport, vavhonn cholovpeacho porvanno, laiok odhikarean dileli tthikanneacho dakhlo, ofisantlem vollokh potr, kolejichem vollokh potr, ek Benkecho pasbuk zantunt fottu ani tthikann aslolo, hem soglem hea khatir laiok asa.)

Bhurgeank (10 vorsanchea khalcheank) vangddi zavunk gorjechem tem sokoil asa:

  • Don passport akarache fottu.
  • Ek iskolachem vollokh potr, vo Adhr kardd vo pasportt

Vachnaloiecho xulk oso, vachnaloent mhaiti dakholl kelea tea pormonnem:

Tthev xulk (porot korpant ievpi) Vorgonn Uxnni sovlot asun
50 Rupia Bhurgeank (10 vorsanchea khalcheanks) 1 pustok + 1 nemallem
200 Rupia AC-1 1 pustok + 1 nemallem
450 Rupia AC-2 2 pustok + 2 nemallem
750 Rupia AC-3 3 pustok + 3 nemallem

Aicho karbhar बदल

Goem Rajiachi Kendrioo Vachnalo sodheak Goenchea Sorkarachea Kola ani Sonvskrutik Sonchalonaiechea niontronna khal asa. Ticho Mukheli Rajio Kendrio Vachnaloiecho voddil asa ani ticho sodheacho Mukheli Carlos Fernandes zavn asa.

Vachnaloiechi Manddavoll बदल

Vachnaloientli torekvar samugri sokoili zontri dakholl korta:

Malli Uplobdh sovlot
Poili Vangddi korpachem mez. Vortomanpotr/Nemallem vibhag. Braille vibhag,Pustok divpachem /Porot korpachem mez. Svotachem bhitor sorpachi/Bhair sorpachi Kiosk. Pustokam dovorpachem boks.
Dusri Bhurgeancho vibhag. Nokse/Pruthvigol vibhag. Bhurgeancho Ausdio Visual vosro.Ontorzallem Challpacho vibhag, KARBHARI KOKX, Viakheann Vosre, Viaiamsall, Xikpachi Kudd, Delivery of Book Act vibhag.
Tisri Golltti vibhag/Pustokanchi Mach, KARBHARI KOKX, RRRLF vibbhag. Tantrik vibhag. Manddavoll ani Hixobacho vibhag, Porixodecho Vosro, Mukheleachem Sobhaghor, Sod lavpeancheo kuddi.
Chovti Durmill ani Goenche Itihasichea Pustokanncho vibbhag, Hatborovpancho vibhag, Pornnim Vortomanpotram/Nemallim vibhag, Microfilm Challpacho vobhag, Data Imaging Kendr, . Fumigation vibhag. Zotnaiechi Proiogsall.
Panchvi Sondorb vibhag, Vachpachi Rost, Laptop Kuddi..
Sovi Purtugez vibhag.

Fottvanchi Agaxi बदल

References बदल

  • Public Libraries of the 21st Century. Panjim/Panaji, Directorate of Arts & Culture, Government of Goa, 2010, p. 59-74

External links बदल

सांचो:Commonscat

"https://gom.wikipedia.org/w/index.php?title=Krishnadas_Shama_Rajio_Kendrio_Vachnaloi&oldid=214293" चे कडल्यान परतून मेळयलें