Kristavanchea Kajrani Zaupi Riti Rivaz
Romi
|
kristavanchea kajrani zaupi riti rivaz mhollear kistamv dhormant kazaram vellar her dhormam promann khupxem riti-rivaz zatat।te ek ek korun amkam hanga polloupak mellttat।
chitt
kristamv kajram igrjent chitt vachlea xivai zainat ani hi chitt vhonklelea ani nou-yale igrjent padri mis zal'lea uprant vachta hache karonn mhollear omkea gavant cheddeache va cheddvache kazar asa mhonn kollit korpak .Chitt tin aitar vachtat ani uprant kazar zata .Zori tor chitt vachtat tea disani kosli-i addkholl asa zalear va koslyai her karnnak lagun kazar zaina na zalear kajrachi tarikh fudde vhortat.Kristamv dhormant chitt vachop khub gorjechem .Chitt vachlea bogor kristavanchi kazara zainat.
sadd
saddo hi rit vhonkleger ani noureager zata .Hea riti rivazant eka mezar tambdde rongache lugott dourotat ani tache voir khursachi imaz va dhovea rongachea lugttacho khuris korun tambddea lugttacher dourotat . Toxench eke thalyent sakor ,abolechi fulam ani saibinnichi imaz dourotat kiteak tor tancho fuddar (vhonklecho ,noucho ) boro zaupak ani goddsannenn ani fulamni bhorpak .Uprant ximvpi saddeak kator laita ani ghorchi vhoddil magnne korta .Konn eklo baibol vachta ani magir vhonklek noureak saibinni lagi yeun magnne korpak sagta . Tanchi xezari ani tanchi ghorchi monxam punn odhik korun zanntti vhokle nou-yak besamv ditat ani saddeacher aple dan poixanchea rupan dourotat ani te dan uprant ximvpi vhorta .Vhonkleche vattin saddeacher ji saibinn dourotat ti saibinn vhonkleli auy bapuy tika ditat kallar saddeacher bomp partt saibinn(saibinn jichea hatant ballok jezu asa)dourotali.Tacho hetu oso, vhonkleche borem zavo tancho ghorabo bhurgea ballam soitouyor sorunk punn ata khoinchi-i saibinn va satanchi imaz saddeacher dourotat ani uprant tich imaz vhonkol denneak nou-yager dhaddtta.
dennem
dennem zaun asa ani ek rit rivaz ji kristamvanchea kajramni zata .Hi rit fokt vhonkol korta . Hanga vhonkol saddeak douroleli imaz ,bhangor , rop ,aidonam , moderachi almar ani her moderacheo vostu noureager dhaddtta .Adi noureachi famil vhonkle kodden kitem zai te sangtali ani vhonklek te divonkoch zai astalem chodd korumn tambeachi aidonam punn vhonklek apleak je kitem zai te ata oxem kaich cholna.Noureager vhorta ani noureachi famil vhonkle kodden koslis mang korna. Chodd korun dennem rosachea disa noureager dhaddttat.
chudd chuddo zaun asat kaknnam ji vhonkol aplea donuy hatamni ghalta .Chuddo ghalpachi rit vhoklecho mama mhollear auycho bha bhavo tika ghalta ani chuddo ghalunk vhonkol mamager vota ani porot yeta astona te aplea vagddam oje haddtta dekhik:-dos,kek ,kelli je mama taka dita ani uprant he oje vhonklechea gamvchea lokank vatt'tat kiteak gamvchea lokank kollpak vhonklek maman chuddo chuddeachi kaknnam vegvegllea rongachi asta। ti mhollear panchvi ,dhovi , tambddi ,hollduvea rongachi astat .Vegvegllea rongachi aspache karonn mhollear vhonkleche jivit borem borea rongani fulonk .
xir
xir mhollear chutt'ttanchi ark korop ani ho ark ros zauche poili laitat. Xir noureacheam ani vhonklecheam ghorafuddlean laitat kiteak tim xir zaun asa ek kuru ji tea ghorant kazar asa mhonn dakhoita.Xir vhonkol noureachea donuy ghoramni laitat.Xir laupache mukhel karonn mhollear kitem-i vaitt,noxtte,bhoxttem ghorant bhitor sorchem nhi ani donuy ghorani povitrai ani sukh urchem.Kajracho dusro dis zaleam uprant vhonkol ani nouro aplea hantani xir kallar chutt'ttachem mol'l korun xir kortali.