मुखेल सूची उगडात

Makabeus achem Dusrem Pustokबदल

2 Maccabees


Makabeusachem Dusrem Pustok Sirenachea Jason – hannem boroilolea Panch - Gronth kanniecho attap. Hem pustok, Mha-Iadnik Onias Tisro ( Sumar 180 Kristi Xoka adim) tem Nikanor hachem moron ( 161 voros Kristi Xoka adim), hea kallant Judevam modem ghoddlolea ghoddnneancho vakho dita. Toxench Makabeusachea Poilea Pustokant vachlolea ghoddnneancho nihall.

Makabeusachem Poilem Pustok somplam thoim thaun hea dusrea Pustokachi survat zaina. Hea pustokachi survat matxi adim suru zata mhonnge Sleukus IV hache razvvottke xevotta kallant ani Judas Makabeus, Mikanorak haroita tantunt sompta. Mhonnttoch hem pustok fokt pondra vorsancho kall hatallta him Makabeusachea poilea pustokachea sat ovesvorank zulltat.

Hem pustok mull Greg bhaxen boroilam ani tem Sirienchea Jason hacho vaur mhonn kollon ieta (2/19-32). Magir Jerusaleantlea Judevancheo don chitti asat (1/1 – 2/18).

Vachtoleak kormonnuk diunk ani teach borabor dekh diunk zaun asa boroupeacho haves (2/25, 15/39). Judas Makabeusache suttkeche mohimek, sorginchim disnnim fattboll ditat ( 2/19 – 22); Piddapidd zaun asa Devachea visvaxi mogachi khunna, zache vorvim lok patka vorvim nisontton zaunche poilim soirannar ieta, ( 6/12-17).

Heliodorous hachi kotha somptoch (3/1-40) poilo bhag Antiokus Epifanes hachea mornnant ani somorponnache porbent sompta, ( 4/1 – 10/8). Dusro bhag (10/9 – 15 /36), Nikanor hachea mornant ani ugddasachi porob suru korun sompta. Survatek jeo don chitti hea pustokant asat tancho vixoi ekuch, (1/1 – 2/18) Jerusalentle Judev, Ejiptant aslolea aplea bhageliank Mondirache xud’dhichi porob ani somorponnanchi porob somarombhunk amontronn ditat.

Hea pustokachem mhotv mhollear, melolim punorjivont zatat mhonn khatri dita ( 7/9c; 14/46); mornna uprant porian Sorvesporachea hatantlo suttonk zaina, (6/26); Meloleam khatir magnnem, (12/38; 41- 46); Rogtsakxeank otmik follam melltat, (6/18 – 7/41); Bhoktanchem modestiponn, (15/12 – 16, 14, 14e). Adlea Korarantlea her pustokamnim osleo xikovnneo amkam mellonant, ani hea voilea xikovnneank lagon, Povitr Sobhen hem Makabevanchem Dusrem Pustok mandun ghetlam – hantunt matui dubav na.

Hea pustokacho attap oso :

Ejiptantlea Judevank chitti ani prostavna 1/1 – 2 / 32 Mha-Iadnika khatir koxttavop 3/1 – 4/50 Antiokus Epifanes ani Judevank piddapidd 5/1 – 7 / 42 Judasachim zoitam 8/1 – 15/ 39


Polleiatबदल

Makabeus achem Dusrem Pustok

2_Maccabees

Devachem Utor - Povitr Pustok

Books_of_the_Bible

Bible

ह्या विषयावयर देवनागारींत बरयिल्लें पान वाच : माकाबेवस आचें दुसरें पुस्तक


Sandarbhबदल

"https://gom.wikipedia.org/w/index.php?title=Makabeus_achem_Dusrem_Pustok&oldid=169959" चे कडल्यान परतून मेळयलें