Makabeus achem Poilem Pustok
| |
Romi
|
|
1 Maccabees
Makabevanchim Don Pustokam Judevanche Povitr Pustokache vollerint naslim, punn tim Povitr Atmeache sfurten ani preronnan boroileant, oxem Povitr-Sobha mandun gheta (tankam ami ‘deutero-canonical’ pustokam –oxem mhonnttanv. ) Seleusid razam add, konn bhaxen Judev porza dhormik ani rajkornnik sot’tea melloun gheunk sodtali, hem hea pustokamnim dakhoilam. He kannientlea mukhel patra fattlean – Makabeus – hea pustokachem nav ailam (polle 1Mak. 2/4). Magi rhea nanvan tachea bhavank-ui pachartole. Makabeusachem Poilem Pustok Antiokus Epifanes (175 Kristi Xoka adim) tem Juanv Hirkanus (134 Kristi Xoka adim) hanchea kallar Judevanchea itihasant ghoddloleo ghoddnneo ugddapeo korta. Pustokachi itihasik bariksan mhollear Hasmoneasachea vo Makabeu ghoranneantlo modlo bhag. Jea kuttumbak Israel porjechi rakhonn korunk vinchun kaddlea, he dixttent tancho adar. Hache xivai pustokant ek boreantlo dhormik vixoi asa : Sorvesporacho vavr he hannient dista. Ani zo konn Taka visvaxi asa, taka to inam’ dita.
Makabeusachea Poilea Pustokant, survatek Prostavna boroilea (ovesvor 1-2). Tantunt don khor dusmananchi khobor asa. Eke vatten Judevanchea sohokaream borabor, ek voir sortolem Grik raxttr ani dusre vatten Somurtik ani dev Mondirank visvaxi aslole Judevanchem raxttr. Piddapidd diupi ani Mondiracho bhosm korpi Antiokus Epifanes eke vatten zalear, dhormik meklleponna khatir zhuzpi Matatia dusre vatten also.
Hem pustok tin bhagamnim vantt’lam : Matatiasachea tegui putantlea eka ekak, dor ek bhag vantt’la Judas Makabeus (166-160 K.X. adim), 3/1-9/22 Antiokusacher zaitim zoitam melloita, Devmondir novena bandta ani aple porjeck dhormik mekllikai melloun gheta. Demetrius Poilo raza khal taka chodd mekllikai mellona toripunn to iesesvi zta ani Nikanor zo Devmondiracho bhosm ievjitalo taka to haroita ani jivexim marta. Magir Judevam ani Romkaram modem koblat zata. Uprant eka zhuzant to morta.
Tachea zagear tacho bhav Jonathan ieta (166-142), 9/23-12/53 Alexandr Balas, Jonathanank Mha –Iadnik korta ani Demetrius dusro mandun gheta ani Antiokus Sovo mhor marta. Romkaram ani Spartanakaram modem koblat korta. Xecttim Jonathan Tiygochea hatant sampoddta zo Jonathanak ani Antiokus Soveak jivexim marta.
Tea uprant Jonathanancho bhav Simanv ( 142-134), 13/1 – 16/24 Demetrius dusreak sohokar dita ani xinvason porot jikhun gheta. Magir to-I, Simanvank mha-iadnik, iadnikancho rajpak ani foujecho hukumdar mhonn nemta, Simanv hem mha-fuddareachem pod svikarta. Magir Antiokus Satva Judevancher portota ani tacho zanvoim Simanvank ani tachea dogui putank jivexim marta.
Hem Makabevanchem kothon challis vorsam porian veta : 175 vorsa Kristi Xoka adim jedna Antiokus Epifanesan hatant zutti ghetli, tem 134 voros porian jedna Simanv melo ani Juanv Kirkanus sodrer choddlo. Hem pustok Hebrev bhaxentlean boroilolem punn amkam tacho Greg bhaxentlo onnkar mell’lla. Tem eka Palestini Judevan boroilam sumar 134 vorsa Kristi Xoka adim punn Pompey razan, 63 vorsa, jerusaleacher akromonn kelem, tea adim jerul hem pustok boroilam. Hea pustokacheo nimnneo volli, Polle Mak 16/23-24 dakhoitat ki kem pustok Juanv Hirkanus razachea nimnnea vorsamnim boroilem, ghoddie rokddench to melear uprant, sumar 100 vorsa Kristi Xoka adim. Hem pustok tea kallavoilo itihas amchea dolleam mukhar dovorta, zorui osle sorospotint zaite pavtti Israelacho adlo itihas vapuddla ani tech porim borovpiachem monui zaite pavtti dixtti poddta.
Hea pustokacho attap oso :
Matathias-acho zulum’ ani bondd 1/1 – 2/70
Judas Makabeus-achem fuddariponn 3/1 – 9 / 22
Jonathan –achem fuddariponn 9/23-12/53
Simanvachem fuddariponn 13/1-16/24