Mhonn'nneo achem Pustok
| |
Romi
|
|
Book of Proverbs
Hea pustokant mhonn’nneo melltat, ji zannvai porje modem asli, ti aple fuddle pillgek ek bapui aplea putak koso dita. Hi porjechi zannvai mhonn’nneanchea (Hebrev bhaxen mashal) rupan thoinsor ektthaim kelea.
Hea pustokant don mukhel Solomon patxaichea mhonn’nneache zome ektthaileat, ani uprant her zannaranche, ani Agur ani Lemuel razache slok dileat. Xevttim ek kovita asa, ti sugunni ostorechi vakhann’nni korta, ani lipiechea okxoramnim vinnloli asa (alphabetical poem).
Mhonn’nneo sadhea-sudhea lokak xikovnn dita, ok’kol nasloleanchem aikona zanvcheaj xittkavnni dita, Punn zannaranchi bud’dh manun, ek sugunni, promannik jivit vhorunk, dev-bhirantin ani bhoktin, Devak respet-man diunk, ulo marta. Khori-niz zannvai-bhokti hich. Mon’xall onnbhovan ani bhavnnamnim teo bhorleat, teach borabor, khorem-niz such ani deivik darzonnem mellche khatir, dharmik probhav thoinsor mellta. He porim such sodun, ttike-ttike unch dharmik panvddear, Devachea uzvaddan, lok pavtolo.
Hea pustokant sonvskrutai mellta, ti Solomon razachea kallar thaun ( dhavea xenkddean Kristachea iuga adim) tem panchvea-sovea xenkddea porian, ek Israelache zannvaiecho tthevo koso urla.