Mika achem Pustok
| |
Romi
|
|
Book of Micah
Provadi Mika ek Judev ani to Hebronache ostomtek aslolea Moreshet hea kheddea ganvant ravtalo. Ahaz ani Hezekiah ea razam khal tannem aplem muinarponn choloilem. Mhonnge, Samiariechem nisontton zaunche poilim ani nisontton zalear uprant (721). Tachem muniarponn Sennakeriban veddho ghali porian (701) chol’lem. Zoxem Amos Provadian, raxttracher odruxtt ietolem mhonn bhakit kelolem tech toren, Judachea raxttrakui ghoddtolem mhonn Mika provadian bhakit kelem. Ani hea odruxttachem karannui tench aslem “ lokancher onit kortat, zulum’ kortat tankam Dev khast laitoloch. Dev aplea lokanchi nit korun, tankam khast lavun ietolo (1/3-4); Samariecho bhosm zatolo (1/6-7); Mika jieta thoinchea-I xarancho bhosm zatolo (1/8-15) ani Jerusaleachem-I nisontton zatolem (3/12).
Punn ho provadi bhorvanso naslolo nhoim (7/7). To Amos provadiachi xikovnn odik iskuttaun sangta ani Efrata raza zolmotolo mhonn bhakit korta. Ho raza Sorvesporacho hind sonsnnikaien choloitolo (5/1-5).
Mikacho probhav choddot gelo; Jeremiasachea kallantle taka vollkhotale ani Jerusalea vixim, tachea eka bhakitacho upeog kelolo (polle, Jer. 16/18). Novea Korarantui, Messiasacho zolm Bethlehem-Efrathak zatolo mhonn Mikachea bhakitacho upeog kela (polle Mt. 2/6; Ju. 7/42).