…. Page needs to be Edited.

Iqbal and son Javid in 1930
The tomb of Muhammad Iqbal at the entrance of the Badshahi Mosque in Lahore

(November 9, 1877 – April 21, 1938). Urdu ani farsi bhasantolo kovi ani vicharount. Ikbal hea namvan tacheo kovita ujvaddak aileo. Tache purvoz kaxmiri brahmonn axil'le, oxem mhonnttat. Sialokott hangachea more kolezantlean tannem podvi merenochem xikop ghetlem ani magir lahorak vochun totvoginean vixeant em'.E.Chi podvi ghetli. Mukhar to zormonik gelo ani myunikchea videapitthantlean tannem totvogineanant ddokttorett melloili. Taka urdu, farsi, zormon, inglix heo bhaso yetaleo. Myunik hangachem xikop sompoun to inglonddak gelo ani beristtor zaun 1908 vorsa maidexak portolo. Survek kaim kall tannem lahor koljint pradheapok mhunn kam' kelem. Punn rokhddich tannem ti chakri soddli ani vokilicho veusai apnnailo.

Samke bhurge pirayer saun kovita rochtalo. Survatichea kallant tacher sufi vicharancho chodd probhavo poddil'lo. ‘hidayut-ul-islam'’ he somstheche machyeuylean tannem khub fautt kovita vachon kel'lem. Tachi gajil'li rochna ‘sare zoham se ochchha, hindostam homara’ hi survatichea kallant boryil'li kovita.

Tachi oin pirai yuropasarkea vicharanche nodren fuddaril'lea khonddant gel'lean ikbalachea vicharant khub bodol zal'lo. Taka lagun to islamovadak lagim gelo oxem zannkaranchem mot asa. Farsi bhaxentlean boroilear aple vichar ani totvoginean soglea islam' raxttramni pautolem hea vicharan tanne urdu soddun farsi bhas apnnaili. Bergosam ani nitxe hea don vicharountanchea vicharancho pogddo tache tatvik vicharosoronnicher axil'lo hi gozal tachea ‘osrare khudi’ (1915) ani ‘rumuje be khudi’ (1918) hea don farsi khonddkaveantlean ukti zata. Hea donuy khonddkaveancho inglix onnkar kembrizocho pradheapok niklson hannem kelo (1920). Hea gronthank lagunuch ikbal haka 1922 to, ‘sor’ hi podvi mell'lli. Dantechea ‘divhina kamedia’che dhorter tannem ‘poyame moxrik’ ani ‘zavedonama’ (1920) he jhele uvaddak haddle.

1935 saun tannem porthun urdu bhaxentlean boroupak survat keli. ‘bale jibroil’ ani ‘zorbe-kolim'’ (1935) he dom' urdu kovitam-jhele tannem hea kallant ujvaddak haddle. Tachea uloupancho jhelo ‘Lectures on the reconstruction of religious thought in Islam’ (1935) hea namvan ujvaddak aila, tachea islam' dhormauylea mhotvachea tatvik vicharancho tatunt aspavo asa. Tatunt tannem aplem sufivirodhi ani kormoyogachi xikounn divpi totvoginean manddlam. 1930 vorsa ikbal muslim' ligacho odhyokx zalo. Ani muslomanam khatir svotontr dexachi yeuzonn tannem manddli. Tachea kaveant tatvik, dhormik, noitik ani rajki vicharancho sundor mell ani kolatmok avixkar zala. Tachea kaveak urdu-farsit mhotvachi suvat asa.


Polleiatबदल

Muhammad_Iqbal

ह्या विषयावयर देवनागारींत बरयिल्लें पान वाच : इक्बाल, मुहंबद
"https://gom.wikipedia.org/w/index.php?title=Muhammad_Iqbal&oldid=163519" चे कडल्यान परतून मेळयलें