Romi
   

Raza ram'mohon roi (zolm' - i.So 1772; moronn - 1833) raza ram'mohon roi ho bhartantlea arvil'lea vicharancho ani somajik sudaronneche cholloullicho ady prourtok.

Roy in London, 1833, painted by Rembrandt Peale

Bongalchea bardan jilheantlea radhanogor gamvant eka girest ghoranneant roi hacho zolm' zalo. Tacho bapuy ho sonatoni brahmann axil'lo. Ram'mohonache bhomvtonni musloman lok axil'le. Urdu ani farsi bhaxancho ani tatuntole tatunt sufi ponthi-i xikounnecho tachea monacher odik probhavo poddlo. Kurannachea obheasan probhavit zal'lean tacho murtipujecher vixrvas naxil'lo. Hechkhatir bapaikodden motbhed zal'lean tannem ghor soddlem ani to rongpurak digbi hea ingroz odhikareavangodda ravunk laglo. Kiristamv dhormiankodden tacho lagxil'lo sombond ailo. 1805 te 1814 hea kallant tannem istt inddia kompnint nokri keli. 1815 to nokri soddun to kolokteak raunk laglo. Hanga tannem atmi-i sobha hi somstha sthapli. Hindu dhormachem mull axil'lea vedancho obheas korpakhatir tannem i. So. 1825 to vedant kolejichi sthapnnuk keli. Ostonti xikxonnacho prosar zaupakhatir tannem lokxikxonnacher bhor dilo. Dhormosudaronnechem va xikxonnprocharachem kary kortona tache mukhar lok zagritayechem ud'dixtta axil'lem.

Zo somaz dhormacher adaril'lo asta tacho udhdar korpacho zalear poilim dhormosudaronna zaunk zai, hea dhyeyan tannem aplea vaurachisurovat dhormosudaronnen keli. Murtipuza, lhan vhodd deudeuta hea vadant to ken'nach ghuspun raulo na. Somanotai ani bhauponnan monis jinn somudhd zata, tekhatir dhormant sudaronna korunk zai hi mokh nodremukhar dourun tannem i. So. 1828 to brahmo somazachi sthapna keli.

Bhurgeancho bolli gheup, ghovo fattlean bailen soti vochop toxench bailanchi somazantoli sthiti, tancher zaupi onyai pollounk nozo zaun tannem brittix sorkarak hache add kaido korpachi vinounni keli. Tachea hea yotnank yox mell'llem. I. So. 1829 to sorkaran sotichi pod'dot bailanchea hokkonkhatir poilo avaz kaddlo to raza ram'mohon roi hannench, dekhun stri mukti cholloullicho ani bailanchea xikxonnacho tem, ady prourtok tharta.

Kiristamv dhormantolo adrxovad ani somanotai hanchi hindu dhormakodden zodd ghalchi ani somazosudaronna korun somvsarik bhauponnachem dhyey sakar korchem hea ud'dixttankhatir zhogddopi raza ram'mohon royak lokancho virodh ani vaittoponn apnnauchem poddlem, punn to aplea nirnnoyasaun matlegit hal'lona. Vidhva bailanchem porot logn antorozati-i lognam hancho tannem 150 vorsampoilim purskar kel'lo.

Dexache xikxonn pod'dotint purai bodol zalebogor kudd'ddi xrodhda ani ruddhinchea bondhnant ghusopl'lea hea somazachi sudaronna xoky na hem taka holoml'lem takach lagun i. So. 1758 to sorkaran sthapon kel'lea bonaros mohavidealoyak tannem khor virodh kel'lo, hangasl'lea videartheank vigoneanik ani odeayaut xikxonn divchem, obheaskromant vigonean ani gonnit hea vixeancho aspavo korcho oxi-i vinonti tannem kel'li. Hoch ardox tannem poilim inglix xalla suru kortona aplea mukhar dourolo.

Ruso, volterapromann taka svatontreavixim vhodd atmiyotai axil'li. Rajki-i mollar to soimik hokkanchi povitrotai manpi axil'lo. Monxak jinn, duddu ani svatontreacho hokk zai, oxem tachem mot axil'lem. Mat he soimik hokk samajik sudaronna ani monxachem boreponn hanche add yeunk zaina, oxem taka distalem. Brittixanchem bhartacher rajy ailem, tekhatir tannem khoxi uktail'li dista. Mat hindusthanantlea lokancher ani sorkari nokrent axil'lea hindi seukancher je onyai zatat, tachi dokhol tannem ghetil'li. Mulki ani foujdari vidhiniyom' toyar korop, xet sareachem promann, hebios korpos onkttachi karvai, kiristamv lokankhatir nemil'le jyurint hindu-muslimancho aspavo, hindi sorkari chakrak odhikaracheo suvati hea vixeancher tannem nemalleantlean lekh boroile ani sorkarakodden kagalli-i keleo.

1820 to aplea motachea prochar khatir tannem miratul okhbar hem farsi vrit'toptr kaddlem. 1826 to tannem somvad koumudi hem bongali khobramptr suru kelem. Brittix sorkarachea novea pres onkttak virodh korpakhatir tannem suprim' kortt ani king – in- kounsilikodden kagalli keleo. Somvsarantlea raxttranchi kosli-i modhyourti songhttona aschi oxem taka dislatem. Manoutai ani somanotayecho tannem sogllea dhormamvixim atmiyotai ani adar lokank xikoilo. To bhartantolo modhyoyugin kall sompoun arvil'lo kall suru korpi d'doxtto yugpurus axil'lo.

Sondorbh बदल

"https://gom.wikipedia.org/w/index.php?title=Raja_Rammohun_Roy&oldid=199876" चे कडल्यान परतून मेळयलें