Ramokrixnn Mixon (Ramkrishna Mission)

देवनागरी

Romi

Rramokrixnn mixonsvami Ramokrixnn Pormohoms hache xikounnukecho prochar ani prosar korcho hea ud'dexan tacho xixy Svami Vivekanondan suru kel'li somstha. ‘Ramokrixnn Mixon Ososiexon’ he somsthochi sthapnnuk 1 me 1890 hea disa zali.

Itihɑ

Ramokrixnn Pormohoms mornnachea darant astana, monis zatichea udhdarakhatir svarthacho teag kel'le ani lokank upegi poddttole oxa somneaxanchi songhttona ubi korunk zai, Oso vichar tachea monant ayil'lo to tannem sogllea xixeam'mukhar uloun dakhoil'lo.Vivekanondachea margodrxonakhala soglleamni kam' korche oxem-i tankam suchoil'lem ani aplea samkea laginchea ikra xixeank bhogvim vostram-i dil'lim Ramokrixnnachea mornna uprant mhollear i. So.1898 to Svami Vivekanond

रामकृष्ण

bhartache bhomvdder gele uprant to Amerikek sorvodhrmo porixode khatir gelo. Te uprant tannem sogllea somneaxank ani gurubhavank ekttham-i apoun ramokrixnn mixon sthapon korpachi kolpona tanchemukhar douroli.Kolokteachea almobazarantlea motthant hi somstha sthapon zali.

Vedantachim mullot'tvam lokank somzaun divʘ

Vedantachim mullot'tvam lokank somzaun divp, sahiteadi soglleo kola, bhoutik xastram,ud'degodhonde hanchem xikxonn divp hea xikxonnakhatir zai tosle xikxok toyar korop,xalla, mhavidealoyam, dovakhane, bhurgeankhatir ghoram adi upegak poddpi somstha sthapon korop ani hea sogllea gozalincho prochar korpakhatir zai poddpi vafmoi ujvaddaun vikop him panch mixnachim dhornnam thorlim. Punn somstheche sthapnnuke uprant rokhddoch bhumykamp zalo ani tatunt ho motth udhvost zalo. Ten'na svami vivekanondan belurak somsthechem karealoi suru kelem. Gonga nhoinche ostont deger belur hea kheddegamvantlea nilambor mukhrji hannem tachem udeanogrih somsthek dilem. Uprant motthakhatir novi imarot bandli. Hea motthant svami ramokrixnnachi protima ani tacho parthin ovxex dourleat.

Somsthechem bodhchin'ɲ

Uprant somsthechem bodhchin'n thorlem. Vivekanondan Mixonchea vaurak purai ritin ompun ghetlo. Tannem hindu dhormiyam'modim novi urba nirmann korpacho vaur nettan suru kelo. I. So. 1902 to beluromotthantuch svami vivekanondan sonadhi ghetli. Tache uprant brohranond, xivanond, okhonddanond adi somneasi ramokrixnn mixnache mukheli zale.Bhartachea adheatmik probodhonant ani monxachea ud'dharachea kamant nixrchoyan ani pott'tiddoken vaur korpi somstha mhonnun ramokrixnn mixon namnek paulam.

Tebhair svami ramokrixnn pormohoms ani Svami Vivekanond hea don vhodd monxanchem tem zagrit yadstik thorlam.Lokam'modim zagritai nirmann korpachem ani lokanchi seva korpachem mukhel kam' hem mixon korta. Zat, rong, ponth, dhorm', dex oso kosloch vegllochar korinasotona lokanchi seva korop hich vhodd mokh mixnan dourlea.

Somazant zagritai zauchɪ

Somazant zagritai zauchi he nodren mixnan atam'meren ramokrixnn pormohoms, xardamata, vivekanond, bhogini nivedita hanchim choritram ani updex toxench her dhormosomsthapok, sadhu sontanche updex, xikoupi pustokam ujvaddaileant. Somskrit gronthanchi-i sottip ujvaddaunni kelea. Somsthecho svotontr oso prokaxon vibhag karyorot asa. Ramokrixnn mixnocho axromovasi zatlo zalear kaim otti asat. Ramokrixnn vivekanondachea vicharancher xrodhda ani pormatmeachea sakxatkarakhatir jivo omppachi toyari axil'leak, kuddin ani bholaiken ghottmutt axil'leak ani kuttumbachi koslech torechi zapsalodaroki naxileankoch hanga provex melltta.

Svami Vivekanonda vangoddac

Svami vivekanonda vangoddach svami brohranond, svami xivanond, svami sardanond, svami premanond, svami obhedanond, svami turiyanond, svami ramokrixnnanond, svami trigunnatitanond, svami okhonddanond, svami yoganond, svami nironzonanond, svami ovdoitanond ani svami obhdutanond hamnni-i ramokrixnn mixon namvaloukikak haddpak borech koxtt ghetleat.

Mhonnunoch ekunnisavea xenkddeache nimannekodden bongalant sthapon zal'li adheatmik mollauyoli sevabhavi oxi ogronni somstha mhonnun somvsarobhor he somsthechi kirt fanklea. Somstheche bhartachea sogllea vattharant mellun nnouvod motth va tor frams. Inglondd, omerika, orjenttina, svitzhorlondd, singapur, morixos, fijizumve, xrilonka ani bangla dexant mellun tisamvyor fantte asat. Omerikentlea vedant monddllacho vaurui mixon polloita ani tiche dexavidexantlea xombramvoir fantteamvorovim adheatmik sondex aiz somvsarant sogllekodden paula. Bhartant tera vhoddlim ispitollam ani khubxe davakhane asat.

Xombhramvoir axrom', panchxamvoir xikxonnosomstha mixnache dekhrekhekhala cholta. Te bhair onathaloyam ani vachpoghorant choltat. Duyemsacheo dhami, dukoll, bhumykamp, vhoddlo humvar oxe soimik apt'tichea vellar somsthen vhodd seva kary kelam. Sardamateche zolmoxotabdiche nimtan 1954 to bailankhatir svotontr oso somneasinincho sardamotthuy sthapon kela. Hachebhair xriramokrixnn- sarda mixon hi ek veglli somsthai kary kortona dista. -kom. Vi. Som. Mom.