San Jacinto

देवनागरी

Romi

Sao Jacinto Zunvo

Aichea hea kallant, nizachi sundorkai melpak bhov khottin. Harea udkacho tazo vas ani tond xitoll varo tuka eka veglleach zogant vorta. Ponelant sopneli bhovddi monxak ek torwche somadhin pavoita. Sao Jacinto zunvo zaun asa Devachea girest mogache spoxtikoronn. NH- 14 hea rashtria mahamargacher axilea Dabolim vimantolachea uttor- poschim dixen to asa zalear Cottali tiska uprant 6–7 km cher ho zunvo vosla.

Shabdshar

Tollavea bhaxent hea zunviak ‘Zunviar’ oxem mhuntat. Concanim , tanchea avoi bhaxent ‘Zunviar’ munllear zunvo.

Sthadd

Sao Jacinto Island Chicalim panchayatichea mukelponna kallam ieta. Hea zunviachea charui vattanim udok asa ani ek vixall pool taka dusrea ganvakode zoddta. 11 km-cher ashillem Vasco Da Gama xhar ani bazaar taka khub lagincho asa.

lokan kanni

Ek kotha asa ji sangta. Hea kopelachea pondak bhuier asa je atanchea ‘Siridao Beach Resort’ meren zodtta. Mukhar sangtat, ek padre aplea sunnek gevun toi mis korpak voitalo pun ek dis sunne potota pun padre iena. Oxem muntat tea padrik sorpan ghas marlo vo taka bhootani vhelo. Ani hi kotha azun loka modhem gholta.

Vayvasai

Nustemari hea lokanche mukhel dondho pun toi dorji, randpi ani chammar bhi asat. Toi tisreo meltat. Ganvche zantte ugddas kadtat ki tisreanche pantle 25 poisheank vikun Fatima saibinnichi murti hadloli ji dor vorsak ghora ghoranim bhonvdaitat.Sumar Ordo lok kharewada, Vasco hanga vochun ravle. Karan xharant tankam khub faido zalo. Tornattem soglle tarvotti zalea karanan nustemari kon korna. Pun kuttumba vangda mojia munn donpra itlea udkant tisreo kadpak voitat.

Paryatak Aakarshann

Zunver ek sobit zor asa zaka lagun hare udok eke vatten ani taje udok eke vatten asa. PWD udak ievchea poili udkachea sobar upeoga khatir fokt don bai ani ek zor mukhel sadhon aslem. 1970 vorsa toi vizechi vevostha ailea. ‘Sao Jacinto church’ hea nanva kalla ek igorz toi asa ani hea igorjiche fest Septemberachea nimmanea aitara vhodda dobajean monoitat. Igorje fatlean purtugez kalla voilo ek dipsthab asa jache voir ravun zunveachim sundorkai ek aglich dista. Unch dongrar dhakte ek kopel asa Ani Sant Jacint ho Dominican panthacho dekhun hea kopelache nav St. Domnic. Aiz legun Povitr sukhrara ani Paskancho aitara disa Jezu kalvar dongrar choddun gelo toso lok hea dongrar choddun voitat. Poili mukhel rosteak ani hea zunviak ek lhanso rosto zodtalo zo ata ek vhodd pullant bodol’lo asa. Ratchi hea zunviachi oprimit sundorkai poriotokank bhul ghalea xivai ravna.