Sant Emerentiana

Sant Emerentiana, hi Roma xarantli, chovtea xekddeantli martir.

Emerantiana ani Agnes hancho sombond

Tichea jivitacher sod laun, Kristi borovpi boroitat ki, Emerentiana hichi avoi, Sant Agnes hanchea ghorat vavurtali ani kheritponnim Agnesacho samball ani poramos korop ho ticho mukhi vavr also. Sant Agnes eka khub girest ghoranyantlem, punn Kristi dhormak tem thir ravlem ani Kristanvponna khatir tannim martirponn zodl'lem. Emerentiana ani Agnes ekamekachim ghott ixtt axil’lim ani tim dogui zann’am bhoinnio koxeo bhon’vtalim.

Lok-kanni

Emerentiana hicho ullekh, Cardinal Nicholas Wiseman hanchea Fabiola hea pustokant asa,zoim ti aplea manlel'li bhioinnichea morn'na uprant vilapun roddt'ta ani prarthonn korta.

Emerentiana hichem Jivit ani Moronn

Emerentiana Catholc dhormant vo Kristanv dhormant bhitor sorunk Jezuchi Ollokh ani dhormachi vollokh ghetalem ani povitr snanacho sonvskar ghevpachem aslem. Heach velar taka martirponn favo zalem. Martirponn mhollear, udkan nhoi punn rogtan bavtism gheup oxem mhonntat. Heach khatir tankam sorginche rajachem daiz, povitr snanacho sonvskar ghenastana favo zallem.

Aplea mogachea ixttachea mornann Emerentiana khub dhukhi zalem. Agnesak martirpon’nachem moronn favo zalea uprant tod’deach disam’nim, tem tachea fondache samkar ravun magnnem kortalem tedna taka dorlem, ani taka vinnchar kello tednam tannem apunn Kristanv mhonn sanglem, ani apunn Agneschi manlel’li bhoinn mhonn sangunn, Agnesak tannim fatraun marlem mhunn Emerantiana onbhavartanchea tondar marlem. Tednna Emerentianak-ui, Agnesabaxen tea onbhavarthi lokhanni fatrranni' marlem.

Tika Via Nomentana hea suater ximiterint purlli ani uprant tichi relick Sant Agnesachea Firgojent dhovorl'i.

Patron

Sant Emerentiana, zaun asa askarinn, pottak ani antkoddeank zaupi dunvensa khatir.

Khunna

Tornnem cheddu hantint chudtti ani lili hem ful gheun, ani aplea mand'dear fotor gheun asa he Sant Emerentiana hiche chittr amkam polleunk melta. Toxench tika fattravn martirponnache mornn favo zalo hea dekhaveachem chittr amkam polleunk mellta.

Fest

Sant Emertiana hika Ankvari ani Martyr mhonn pachartanv ani tichem fest vo somorombh Povitr Sobha, Janerache 23ver somorombhta.

Emerentiana hichi Somadhi

Tichi somaddi, Sant'Agnese fuori le mura hea Romantle firgojent asa.

Agone hea ganvant, Sant Agnesache Firgojent, eka paxantallacher, Ercole Ferrata hannem kantilli, vedi Sant Emerentiana hika bhettoilea ani tichem martyrponnacho dhekav tacher asa.

Sant Emerentianak Magnnem

Somia, Tujea dhuv Bhagivont Emerentiana hicho mog ani bhokti amchea kallzanim ghall mhonn magtanv. Jim konn sacramement gheunchi asat tanchim magnnim Sant Emerentiana hichea magnnean ekttovxem kor ani hea vorvim tuka sodam- sodamkall, Tuka vonddunk ani mhoima diunk ami adhar di. AMEN

Adharavoll

A.J.M. Mousolfe, J.K. Mousolfe, Saint Companion for each day, 5th Print 2011 Catholic Encyclopedia

Bhaillo adhar ani guntn'ni

Polleiat

List_of_Catholic_saints