Sao Joao
| |
Romi
|
Sonjeamv hem sam zumvavo mhollear sentt zon hea utrachem thollavem rup. Sonjeamv hi kiristamv somazantoli vixex korun gõyantoli ek bhouxik porob. Zun mhoineache 24 tarkhek hi porob monoitat. Profett isahakoddchean baptijma mellil'lo, sentt zon, hachea namvan hi porob gõyant vhodda umedin monoitat. Sentt zon hannem vallvontti vibhagant dhormokareacho prosar kelo. Lokamni ekamekank somzun gheunchem ani boreponnan vagchem oso tacho sondex axil'lo.
Hea disa kiristamv somazantole dadle, sanjeamvacho ugddas korpi podam mhonnttat, tachea namvancho zoizoikar korit rosteavoilean mirounnukek votat. Gamvche lok he mirounnukentlea pongddak ambe, ponnos, onnsam sarkel'lim hea mosmantolim follam ani soro toxench poixe ditat. Mirounnukentole lok koplak chutt'tteanchi, kattyechi koploptt'tti(kopel) bandtat. Noveanoch logn zaun gel'leo gamvcheo dhuvo aplea ghova vangdda khasa sonjeamvache porbek upsthiti laitat. Yetna zamvean follanchem vojem haddpachi protha asa. Him follam gamvchea lokank vanttop zata. He nove zamvy sonjeamvache mirounnukent samil zatat.
Xeuttak soglle zann gamvchea bamyanchi, nhomyamni uddeo marun nhatat. Kaim nhomyanche degeuylean gamvamni sonjeamvachea nimtan sozoilea sangoddaurovim nhomyentlean mirounnuk kaddttat.
Gõyant (bardes), kormolli (tisvaddi) ani bannauli (salset) hanga sentt zonachim kopelam asat.
-kom.Vi.Som.Mom.