Uday Shankar
Romi
|
(zolm': 8 ddisembor 1900, kolokt'ta). Somvsarik namna mellil'lo bharti-i nrityokar. Pirayechea otthra vorsancher to chitrokolechem xikxonn gheupak inglonddak gelo. Thoim tannem nachacheo kaim kareavolli korun dakhoileo. Hi kareavoll polloun somvsarik namna favo zal'li roxiyn nortika an'na pauholouha hi probhavit zali ani tinnem taka nrityokolekhatir urba dili. Pauholouhachea pongddavagodda tannem vigonddovingodd dexanchi bhomvddi keli. Deddoursa uprant to parisak ailo. Thoim tannem vegvegllea ani chodd korun udentekoddlea somskritayancho ani kolancho kholayen obheas kelo. Nachacheo zaiteo kareavolli polleleo. Ho niall korta astona tachi kola lhoulhou akar ghetali.
Fuddem to inglonddak gelo ani ‘madam' simki’ he aple french xixye vangdda tannem svotontr kareavolli sopru keleo. Videxant astona tannem bhartak khub bhetti dileo ani bharti-i nriteak vavo dilo. Taka bharti-i lokonriteachi audd. Svotache nrityoxoilik tannem favo toxem podlality ani mudrabhinoi hanchi zodd divn hi kola ostontechea lokam'mukhar douroli. Ostontechea dexant ‘udoixonkor mhollear bharti-i nach’ oxi tachi namna zali.
1938 vorsa to bhartant ailo ani tannem olmodda hanga ‘inddia kolchor senttor’ chi thapnnuk keli. He somstheurovim tannem obhizat bharti-i nach xikoupachi veustha keli. Tachea ‘lebor ondd moxinori’, ‘do rhidom' ef do laif’, ‘samany kxoti’ hea sarkea bele nriteamnim khub namna melloili. Tannem nachache kareavollint noveo noveo kolpona haddleo ani rongmachoyecho ochuk vapor kelo.Tache vixy chalu sthitikodden bandil'le astat.Toxench tache kareavऴichi ankhnni-i yeujil'li asta. Tachea nachachim nirmonni muleam unchelea pamvddeachim astat.
Nachachea khoinchyai ekach prokarakodden to eknixtth raulo na.Xastri-i nachant to aple kolponepromann bodol kortalo oso tacher arop zala.Tacher ostontekoddlea ani udentekoddlea nachacho probhavo axil'lo. Paromparik nachaurovim arvil'leo oddchonni orthopurnnotoren lokam'mukhar manddpachem tachem dhyey axil'lem. Hea kamakhatir zai axil'li proyogoxilota tachekodden axil'li. Tannem 'timir boron'hea songitotgoneachea adaran nachadea songitant kitlexech bodol ghoddoile.
Bharti-i poromporek khobor naxil'lo vhodd vadhyourind tannem haddlo। he proyog kortona to ken'nach aplo bharti-i atmo visrolo na, tannem apli veglli nachachi podhdot suru keli.Hatuntlean tachi bail omla xonkor toxench xantirdhon, sochinoxonkor, kamexvor, zouhor soigol, noroindr xorma adi kolaunt nirma kele.Namnecho sotarovadok ponddit rovixonkor tacho bhavo.
1959 vorsa taka songit nattok okademicho purskar favo zalo.Tanne nachacher kolpona namvacho sinema kaddla. Bharti-i nachache poromporent tannem arvil'lea nachacho aspavo kela.Bharti-i nachak arvil'lea tontramni somridhd korpi kolaunt mhunn udoi xonkor hachi kamgiri nachachea itihasant khub mhotvachi asa.