Romi
   

uponixod hem utor 'up+ni' upsorgopurvok 'sod' dhatuposun toiar zalam. forok itloch ki hatunt 'sod' chea 's' cho 'ox' zala. 'sod' dhatucho orth bosop. 'up' upsorgacho orth 'lagi'. 'ni' upsorgacho orth 'chodd' hea soglleancho mellun orth zata 'chodd lagim bosop'. purvil'lea kallant gurukoddlean xixeak atmgonean mellttalem. tachekhatir xixeak guruchea mho-iant sodanch ravchem poddttalem. khorem pollelear hakach 'uponixod' mhonnpak zai aslem. punn poreaian thoim xixeak ji vidhea mellttali tika 'uponoxod' mhonnunk lagle. hacho anikui ek orth oso ki je vidhiek lagun mokxachi itsa korpi monis broheachea (pormexrvorachea) lagim vochunk xokta, ti vidhea mhollear uponixod. kotthopnixodacher xonkracharean bhaxio kelam tatunt uponixod xobdantlea sod dhatuche tin orth sangleat:1. vixronn 2. goti ani 3.ovsadon. vixronn mhollear vidhvonsan. je vidhiek lagun mokxachi itsa korpi monxache ovidhiecho nax zata ani taka xrextth vidhiechi.prapti zata, taka 'vidhvonson' mhonnttat. oxem vidhvonson uponixod vidhientlean sid'dh zata.'goti' xobdacho hanga orth asa gonean. gomiorthok dhatu goneanarthok astat oso somskrit veakronn xastracho ek nem' asa. (gomiorthanam dhatunam goneanarthlotvat). orthat hanga brohmachem gonean opekxit asa. broheachem gonean mellovn mokxak vochpachem sadhon mhollear uponixod vidhea. 'ovsadon' mhollear zolm', mhatarponn, moronn hanchea tapantlean monis je vidhiek lagun sutt'ta ti vidhea, mhollear uponixod. he vidhiek xonkracharean 'ovidhiavidhvonsini brohmvidhea' oxem mhollam.

An early 19th-century manuscript of the Rigveda
Adi Shankara, expounder of Advaita Vedanta and commentator (bhashya) on the Upanishads
Impact of a drop of water, a common analogy for Brahman and the Ātman

he brohmvidhiechem ginean divpi upnixodam voidik vaddomiachea xevttak ietat. voidik vaddomoi mhollear somhita, brahmnn ani uponixod. dekhun upnixdak vedant oxem-i mhonnttat. upnixodank vedanchem goneanokandd oxem-i mantat. uprantchea kallant vedantachea achareamni he brohmvidhient gitam, brohmsutram hanchoi aspav kela ani tanche tin bhag korun tankam 'prosthantroyi' hem nanv dilem. te tin bhag mhollear xruti, smriti ani niai. xrutiprosthan mhollear upnixodam, smritiprosthan mhollear bhogovdgita, sontosuzat somhita gronth ani niaiprosthan mholluiar brohasutradi gronth.

upnixodant brohio, srixttichi utpot'ti, srixttiche ani broheache sombond, atmo, bohio ani atmeache sombond, tanchem oikio, sodachoronnachi goroz, giti oslea gozalinchi bariksannen ani vistaran foddnnixi kel'li asa. brohmvidhoiecho iuktivad korpi upnixodam, muktik upnixodachea adarar 108 asat. tantlea tatunt soglleant pornim ani chodd mhotvachim 10 upnixodam oxim-ix, ken, kott, proxn, munddok, manddukio, toit'tiri-i, oitrei, chhandogio ani brihodarnneok. xonkrachario ani kaim her achareamni aplea sid'dhantachi thaponnuk kortona upnixodancho adar ghetla. iagoneovlokio ho brohevidhientolo motto zannkar. tache uprant arunni,sontokumar, roikv, xanddily, oitrei, dodhichi hea pattangoddea achareanchim nanvam ditat. mornnacher zoit mellovpak iomachea dorbarant vochun takach aplo guru korpi nochiket ani vidhea mellovpak guruchea ghorant je koxtt korche poddttat, te koxtt sospi sotiokam' zabal he upnixodantle adorx brohmchari. bailambhitor gargi ani moitreyi hankam upnipodant 'brohmvadini' mhunn vollkhotat.

purvil'lea bharoti-i lokanchea gineanasombondichea vavrantlo unchelea panvddeacho kall mhollear upnixodancho kall. upnixodanchea kallant lok hom'-hovon kormak khub mhotv ditalo ani dhortorevelea sukhacho upbhog ghevpak vosvostale. hem pollovn upnixod kallantlea riximni lokamfuddem veglloch adorx dovorlo. dhormachem sukxim' svorup dakhovn bhog ghevop hem jivitachem dhiei nasun sukh hem bhogant nasun teagant asa oxem sanglem. zolm'-mornnachea chokrantolean suttun mokx mellovp hench monis jinnent dhiei asa. dekhun, upnixodamni sodachar, sodgunn, teag ani top hea xrextth asa. dekhun, upnixodamni sodachar, sodgunn, teag ani top hea xrextth totvanchem margdorxon kelem.

sadaronnponnan atmo ani brohio he donui xobd ekach totvak mhollear gupit xoktik ud'dexunn vaportat. akax zoxem kollsulechea bhair-bhitor asta, toxem brohio legit srixttichea konnakonnant bhailean-bhitorlean bhoril'lem asta. pinddant mhollear pranneanche kuddint asa to atmo, zalear brohmanddan soglleank veapun asta tem brohm', him donui totvam khorem mhollear ek asun legit maiechea iogan tancheant bhed dista. ten'na hi gozal motint ghevn monxache kuddintlea atmean porbrohmaborobor ekrup zavop hi ovostha soglleant velea panvddeachi asa oxem upnixodam mantat.'tomenv viditva otimritium' eti no onio: ponea vidhiote oinai' orth:' takach (atmeak) zannun ghevn monis mornnachea pelean vota. mokx mellovpak ani dusro marg na.' pinddant axil'lo atmo ani brohmanddant axil'lem brohm' ek zavop, ho ek upnixodacho soglleant motto sid'dhant. monxachi bud'dh, bhavna ani itsa-xokt hanche viskottavnnentlean hem totv toiar zalem. upnixodant zagriti, svopn, suxupti ani turea oxeo atmeacheo char ovostha manleat. poileo tin gozali soglleanchea onnbhovacheo. punn brohmvidhiechi sadhna zo korta taka chovthe ovosthecho onnbhov ieta. he ovosthent atmo ani brohm' ekuch axil'lean goneato konn ani goneei konn ho bheduch urna. upnixodantlem brohm' choitonean iukt ani sorvxoktiman, sochchidanond svorupi toxench svoiombhu asa. gonean, bol ani kria he tache svobhav. hem brohm' sogleanchem mull ani adar asa

purnnomod:purnnomidom purnnat o

purnnosio purnnomadai o

orth:tem purnn asa, hem purnn asa. purnnantlean purnn zata. purnnantlean purnn kaddun ghetlear legit nimannem purnnuch urta.

upnichodant jivavisinchi poili koliona oxi asa ki jiv ho prannrup (vayurup) asunk zai. jiv vannibogor, dolleambogor, kanambogor, monabogor jienvk xokta punn prannbogor jienvk xokna. punn hevixinche vichar fuddem vochun jivatmo ho prannrup nasun to monomiorup aspak zai oxem tharlem. tachi suvat hodd'ddeantlem akax oxem mantat. chhandogio upnixodant tez, ap (udok) ani on'n hanchepasun jivatmo toiar zala oxem mhollam. jiv ho bud'dh ani atmtotv hanche bhorsonnin zala oxem toit'tori-i upnixodant sanglam. punn vicharanchi anikui viskottavnni zali ani jivatmo monomoi ani progoneasvorup asa, itlench nhi tor brohmannddachea mullak je totv asa tench totv jivatmeantui asa oxem manpameren vichar fuddem pavle

mukti va mokx mhollear zolmomoronnanchea feneantolean suttop. muktiche solokta, somipta,sorupta ani saiujio oxe char bhed asat. muktichea hea kolponank upnixodancho adar asa. totvgineanachea mollar vikasvad manlo zalear ovdoitvad ani soiujiomukti mollar vikasvad manlo zalear ovdoitvad ani saiujiomukti upnichodancho okhercho sid'dhant mhonnpak horkot na oxem dista. punn hea sondorbhant vegvegllim motam asat.

saiujiomuktint 'hanv' chem bhan urna. mhollear viokti nax pavta oso tacho orth nhi.sonkuchit chioktit'tvak mhollear dehantlea atmeak sotiot'tv na oso tacho orth. jivakodden sotiotv ani xivotv khub asun legit dehachea mogak lagun taka tem disna. dehachi vansa na zatokoch sotiot'tovachem, xivot'tovachem purnnotvan dorxon zata ani jivatmeak pormanondachi propti zata. ten'na jiv ani brohm' purai tonmoi zatat. hich khori mokxachi kolpona. hi sthiti bhavorz, onubhvozonio asa. mukt jivateakodden veglleponnachi bhavna nasta, fokt tatuntolo 'hanv' mekllo zal'lo asta. he nodren ho xlok polleia

ioda sorve promuchointe kama ie ox sin hdi xrita:o

oth motoreo ox mrito bhovotiotr brohm' o

orth: jen'na jivatmeachea kallzant axil'leo soglleo vasna noxtt zatat ten'na mor'tio jivatmo ho omrit zata ani heach lokant brohmacho onnbhov gheta. jivacho ani pormatmeacho iog mhollear omrotv. vevharant hakach mokx oxem mholla.

he kheriz upnixodant, srixttiche utpot'tichi kolpona, sadhnomarg, iogachem mhotv, soteachi protixttha, sodachar nit, somajik jinnechi nodor adi gozali viskottavn sangleat. heo gozali apnnait zalear sonvsarantoleo khubxeo onixtt gozali ttolltat ani jivatmo unchelea panvddear pavn mokxak pavta, oxem upnixodant samkem uktem korun sanglam.

"https://gom.wikipedia.org/w/index.php?title=Upanishads&oldid=200111" चे कडल्यान परतून मेळयलें