Volleyball
| |
Romi
|
Vholibol zallvelean hatani bol marun khellpacho ek vixvoprosid'd khell. Inddor ani auttoddor vholibol oxem hea khellachem don prokar asat. Inddor ho lakddi va sinthettik ladyer (inntotgone), imaroti bhitorlea khellangonnant khellopacho khell. Hatunt dor eka songhant 6 khellgodde astat. Auttoddor ho bhair remv va tonnachea khellangonnant khellpacho khell. Somvsarant ho 'ttu men vholibol' mhunn prosid'd asa. Hatunt dor eka pongddan mukheloponnan don ani kaim vella tin, char va so khellgodde astat. Donuy prokarchea vholibol khellakhatir nem' sarkech asta. Bhartant auttoddor ho prokar chodd korun so khelgodde gheun khellttat.[1]
Viliym' ji morgon hea omerikon xaririk xikxokan hea khellachi kolpona 1895t mukhar haddli. 1811t suru zal'lea baskettoboddol khelantleanuch taka vholibol ho novo khell suru korpak prernna mell'lli oxem tannem sangle. 1918t hea khellantlean dor ek pongddachi sonkhea 's' oxi tharaili.
Vholibol khellachi poili otrorattriy sort 1918t filipinsochea manila xarant zali. 'inttoronexnol vholibol feddrexon' chi sthapnnuk 1047t zaun te somsthen poili zagtik sort 1949 ghoddoun haddli. Zalea elempik khellant vholabolacho 1964t provex kelo. Sodea freddrexonache 175 voir dex vangddi asun, hi somstha dor vorsa vholibol sort ayojit korta. Sodea ho khell axia ani yuropant chodd lokpriy asa.
Hea khellant vapor zaupi bolachem voilem auronn chamddeachem asta. Bolacho veas su. 20 sem'mi. Asun vozon lagim lagim 270 gram' asta.[2] khellangonn
Khellangonnachi lambai 18 mittor asun rundai 9 mittor asta. Mhollear dor ek choukott 9x9 mittor oso asta. Khellangonnachea modi don khambeank zalli (Net) bandtat. He zallyechi voili deg dadleakhatir 2.43 mittor unch zalear bailankhatir 2.24 mittor unch asta.[3]
Khellangonnant so khellogddeakhatir so suvati manddleat teo oxo- raitt bek, sonttor bek, leftt bek ani raitt forourdd, sonttor forourdd, leftt forourdd. Sorvhis korpa vellar dor eka khell goddeak aplea sorvhis promann vantteak ayil'lea suvater rauchem poddtta. Punn sorvhis kele uprant bol hovent astona te aplea suvati bodlunk xoktat. Punn fattlo khellgoddi zallyekodden yeun tto marpak xokna. Raitt bekak sorvhis korpak poili sond melltta. Mutth marun kel'li sorvhis zallyek tenknasotona sorvhis gheupak ordant paunk zai, sorvhis ghentleani bol boretoren portupak zai. Oxem toren doni-i eka meka add xott marun la plesing korun gunn melloupakhatir zhujtat. Punn sorvhis korotlea pongddakuch gunn melltta. Punn sodea hea nemant hodol zaun yoxsviponnan bol dusrea ordan portitleak gunn melltta. Sorvhis korotlea pongddachean chuk zaina va tanchea khellagonnambhitor zominik bol tekot zalear virodhi pongddak sorvhis korpachi sond melltta. Dor eka ordatlean khellogddeank zallyeuylea bol virodhokachea ordan marchepoili fokot tinuch khep bolak tenkpak melltta. Punn xott addoita astona (blok) bolak tenklear to sporx hixobak dhorinat techpori ekuch khellgoddi segit don khep bolak sporx korpak xokna.[4] pongddak gunn oxe ritin mellpak xokta
- Zor virodhokanchea khellangonnambhitor (inside the court) dusrea pongddan bol marlo zalear,
- Sorvhis ghetlea pongddan tinauyor choddkhep bolak sporx kelear,
- Sorvhis ghetleamni bol khellangonnabhair marlo zalea va tanka tekun bol bhair poddlo zalear,
- Sorvhis ghetna va bolak portitona khoinchyai pongddacho khellgoddo zallyek va kros lainik tenkot zalear va her chuk korit zalear.
Dor eka gunna fattlean raitt bekak sorvhis korpachi sond melltta. Xoidd autt zait meren sorvhis korpacho hokk tachoch. Dor ek saidd aittofattlean virodhi pongddak sorvhis korpachi sond melltta. Punn tachem poilim tea pongddatlean dor eka khellogddeak dokxinnaurt (clockwise) ghuvn dusri suvat gheunchi poddtta. Dekhik raitt forourdd raitt bekachi suvat gheta ani roitt bek ho senttor bek zata. Oxem ritin protyekachi suvat bodlota. Zo pongodd poilim pondra gunn zoddtta, to sett jikhta. Punn virodhi pongddachem gunn tera sokoil aspak zai. Punn khoinchoi sett sotra gunnamvyor aspak xokna. Sett 16-16 gunn mellun 'ttai' zait zalear sotravo gunn poilim zoddpi pongodd, to sett jikhta. Sodea ek sett 25 gunnancho asta. Vholibol sorti tin va panch settancheo ayojit korta.