केशव महादेव टेंगसे

केशव महादेव टेंगसे केशव महादेव टेंगसे हांजो जल्म दि. 22 जुलै 1929 या दिसा काणकोणांतल्या लोलयें गावांत जालो.सुटकेझुजारी.ताणें मुळावें शिक्षण मराठींतल्यान घेतलें.1955-56 ह्या काळांत तो ‘नॅशनल काँग्रेस गोवा’ हे संघटणेचो वांगडी आशिल्लो.उपरांत तो गोंय सुटके सैन्याचो वांगडी जालो.तो सत्यारग्रह्यांक मार्गदर्शन करतालो.तेचपरी भूंयगत घातकी वावरांनी वांटो घेतलो.पुर्तुगिजांविरुद्द जायत्या क्रांतिकारी कार्याँत ताणी वाटो घेतलो. क्रांतिकारी मार्गान हादरे दिवन पुर्तुगेज सरकाराक नामोहरम करून स्वातंत्र्य मेळवपाचे ताणी थारायल्लें.भारताक स्वातंत्र्य मेळोनूयबी गोंय स्वतंत्र जाय ना हाजी खंत तांका उगी बसोंक दी नाशिल्ली.ताका लागून ताणी जायत्या सुटका झुजांनी वाटो घेतलो.इतलेंच न्हय तर ही झुजां येशस्वी करून दाखयली.1955 ते 1957 इतल्या वर्साँमजगती ताणी जायत्या फावटी पुर्तुगीजांविरूद्द झुजां दिली.पूण फेब्रुवारी 1957 मेरेन ते पुर्तुगिजांच्या हाताक मेळ्ळे ना. दि.15 जुलै 1956 ह्या दिसा काणकोणच्या सुपनगुडी पोलिस ठाण्याचेर हल्लो करपांत ताणें वांटो घेतिल्लो.दि.18 ऑक्टोबर 1956 ह्या दिसा पैंगीण पुलाचेर ताणें स्फोट घडोवन हाडलो. दि.19 फेब्रुवारी 1957 ह्या दिसा शिरगांव मिनाखणीचेर दुसरे फावट हल्लो केलो.सप्टेंबर 1957 त पोलिसांनी ताका धरलो आनी बंदखणींतल्यान सुट्टकच तो परत भूंयगत वावरांनी वांटो घेवंक लागलो. दि.19 मार्च 1957 ह्या दिसा सुपानगुडी पोलिस ठाण्यालागसार ताणें स्फोट घडोवन हाडलो. दि.15 ऑगस्ट 1972 या दिसा भारत सरकारान ताम्रपत्र दिवन ताचो भोवमान केलो.