प्रा. अंजु प्रजल साखरदांडे

प्रां. अंजु प्रजल साखरदांडे ही कोंकणींतली एक शिक्षिका. ती फाटली 18 वर्सा कोंकणी विशयाचे अध्यापन करता.

जल्म

13 जून 1974 वर्सा मडगांव - गोंय

शिकप

कोंकणी विशय घेवन 1996 वर्सा एम् ए, नॅट मेरेन शिकप.

वेवसाय

फाटली 18 वर्सा म्हळ्यार 9 ऑगस्ट, 1996 वर्साच्यान वर्साच्यान मिरामार - पणजेच्या धेंपे कला आनी विज्ञान महाविद्यालय सहायक प्राध्यापक म्हण कोंकणी भाशेंचे अध्यापन करता.

सुरवेक कोंकणी कोंकणी विभाग मुखेली आनी 2000 वर्सांसावन भारतीय भाशा विभाग मुखेली म्हुण वावुरता.

हेर वावर

साबार राज्य तशेंच राष्ट्रीय पांवड्यावेल्या परिसंवाद, कार्यशाळांनीं प्रपत्र सादरीकरण केलां. गोंय विद्यापीठाच्या कोंकणी अभ्यास मंडळ समितीचें 2003 -2006 ह्या काळांत वांगडी म्हुण काम केलां. गोवा कोंकणी अकादेमी आयोजीत 2004, 2005, 2006, 2009 त जाल्ल्या कोंकणी प्रमाणपत्र परिक्षेच्या पणजी केंद्राची संयोजक आनी मार्गदर्शक. कोंकणी भाशा मंडळ आयोजीत 2001 वर्सा नागेशीं जाल्ल्या 6व्या गोवा युवा महोत्सवाची सरचिटणीस आनी 2005 वर्सा काणकोण जाल्ल्या 10व्या गोवा युवा महोत्सवाची कार्याध्यक्ष म्हुण वावर केला.

कोंकणी भाशा मंडळाची सर्वकाळ वांगडी म्हुण मंडळाच्या वावुरपी समितींतूय 2010-2012 ह्या काळांत काम केलां.

भारतीय भास संस्थानाच्या (CIIL)पश्चिम विभागीय भास केंद्र, पुणे हांच्या ‘Advance level Konkani Language Diploma Course’ अभ्यासक्रम तयार करपाखातीर 2009-2010 वर्सा घडयल्ल्या समितीची वांगडी म्हुण काम केलां.

केंद्र सरकाराच्या ‘कमट्रोलर ऑफ ऑडिटर जनरल’च्या अधिकाऱ्यां खातीर (CAG) तशेंच गोंय सरकाराच्या राजभास संचालनालया वतीन सरकारी अधिका-यांक प्रशिक्षण दिवपाच्या धोरणांत आसपाव जाल्ली प्रशिक्षक.

साहित्यीक वावर

• ‘गोवा युवा महोत्सव - कार्यावळ आनी आंखणी’ (2005) हे पुस्तिकेची जोड संकलक जावन आसा.
• ‘प्रातिनिधीक कथांझेलो’ (2012) ह्या पुस्तकाची सह संकलक आनी संपादक जावन आसा.
• सुनापरांत दिसाळ्यांत 24 जुलय, 2004 जानेवारी, 2005 त प्रस्नमंच नांवाचो सदर चलयला.