बांबोलेच्या खुरसा मुळीं पवित्र त्रितवेक मागणें
देवनागरी
|
|
|
बांबोलेच्या खुरसा मुळीं पवित्र त्रितवेक मागणें
बदलBambolim Cross - Prayer
देवा आमच्या बापा, तुवें मनश्याची सोडवण करूंक, खुरसाची
वाट विंचून काडली. तुवें तुज्या पुताक खुरसाचे वळवळे
आनी कळवळे ससूंक निर्मिल्यां, आनी ताणें तुका मोग दाखोंवक
आनी मनशाचें तारण करूंक ते तुका ओंपले. आमच्या जिवितांत
हे खुरीस तूं आमकां धाडताय ते ससूंक आनी मनीसकुळाचे
सोडवणे खातीर अरपूंक, तुजी कुरपा आमकां दी. मोगाळा, जेजू,
तुका खुरसार उभारतोच, तूं सगळ्यांक आपणाशीं ओडून हाडटलय
म्हण तुनवें भासावणी केली. असो तूं ह्या बांबोलेच्या दोंगरार
सगळ्या जिनसाच्यां मनश्यांक ओडून हाडताय. तुज्या कडवळांतल्या
उदकान आमकां न्हाणय, आनी रगतान आमकां कुरपा, आनी मोग आमकां दी,
इतलेंच आमकां पुरो. पवित्र आत्म्या, जेजू क्रिस्तान तुका कालवार दोंगरार
सायबिणीचेर आनी आपल्यां शिसांचेर फुंकलो. आयज ह्या मळार आनी
दोंगरार सोबार धर्मांचे मनीस एकवटतात. तांचीं मनान उजवाडाय,
काळजां मोगान पेटय, जेजूचें राज विस्ताराय, आनी सगळ्यां मनश्यांक
ताच्या राज्यांत पावय.
जे उपकार आमी मागतांव ते आमकां दी.
म्हय मा बापाक आनी पुताक, आनी पवित्र आत्म्याक.
आमेन