भास्करबुवा बखले

भास्करबुवा बखले हो एक नामनेचो संगीतकार.

जल्म

भास्करबुवा बखले म्हणल्यार भास्कर रघुनाथ बखले हांचो जल्म 17 ऑक्टोबर 1869 दिसा जालो.तांचो जल्म सुरतांतल्या कठोर ह्या गांवांत जालो.

शिक्षण

बडोध्यांत किर्तनकार पिंगळेबुवा हांचे लागी तांणी गायनकलेचो श्रीगणेशा केलो. फुडें ख्यातनाम बीनकार बंदे अली खाँ हांचे लागी बखलेंची शिकवणी जाली. फेज महंमद खाँ, नथ्थन खाँ आग्रेवाले हांचे लागीं भास्करबुवांचे मुखा वयलें शिक्षण जालें. सगले अथक मेहनती उपरांत भास्करबुवा बखले हांणी ग्वाल्हेर, आगरा, जयपूर घराणयांच्या गायकींचेर प्रभुत्व मेळयलें. नाट्यगीत, ठुमरी, भजन, टप्पो, पंजाबी लोकसंगीत, लावणी, गझल, ध्रुपद धमार, आनी ख्याल गायन ह्या सगळ्यांचेर भास्करबुवांची विसक्षण हुकमत आसली.

वावर

भास्करबुवा बखले हे हिंदुस्तानी संगीत परंपरेंतले गायक, संगीतकार आसले.शास्त्रीय संगिताचेर आधारीत चिजांच्यो चाली मराठींत हाडून भास्करबुवान मराठी नाट्यगितां संगीतबद्ध केली. किर्लोस्कर आनी गंधर्व नाटक कंपनींत तांणी संगीत विशयाचे प्रमुख गुरू म्हणून काम केलें. बालगंधर्व, मास्टर कृष्णराव, गोविंदराव टेंबे ह्या व्हड गायकांक भास्करबुवा बखले हांच्या मार्गदर्शनाचो लाब जालो. जालंधर, सियालकोट, कराची, म्हैसूर ह्या सुवातां वयल्यो मैफली भास्करबुवांनी गाजयल्यो. 1911 वर्सा भास्करबुवांनी भारत गायन समाज ही संस्था हिंदुस्तानी संगीत पद्दतीचो प्रसार करपाक स्थापली.संगीतकले वयलें तांचें प्रभुत्व पळोवन लोक तांकां देवगंधर्व म्हणपाक लागले.