सुनील पालकार

सुनील पालकार हांचे पुराय नांव सुनील हरी पालकार ।तांचो जल्म सुपुल्ल्याशा ,दोंगर आनी दर्याच्या मदीं आशिल्ल्या नावशे गांवांत जालो। सोशीक आनी शांत सभावाचो मनीस तोंडार सदांच पुनवे हांसो।ओंठार उतरांचो घसघसो।

वावर

• कथा,एकांकी,नाटक तशेंच कविता बरोवपाची आवड।
• कोंकणी नाटकांनी आनी तियात्रांनी भूमिका करता।
• कोंकणींतल्या व्हीडीओ फिल्मांनी,टेलिफिल्मांनी भूमिका केल्यात।
• गोंयच्या लोकनाच्याच्या पंगडांनी कलाकार म्हूण भाग घेता।ते वांगडा लोकनाचाच्या पंगडांचें संचलन करता।पेडण्यां सावन काणकोणां मेरेन,अशें गोंयभरच्या पंगडांक लोकनाचाचें प्रशिक्षण दिलां।देशाच्या साबार प्रांतांनी लोककला सादर करपाचें भाग्य लाबलां।
• सुरबूस बालगितां रचयल्यांत।
• गितां आकाशवाणी आनी दूरदर्शन केंद्रावेल्यान प्रसारीत जातात।
• कविता थळाव्या नेमाळ्यांनी आनी दिसाळ्यांनी प्रसिध्द जातात।
• २००८ वर्सा भारत सरकारच्या सर्वभाशा कविसंमेलनांत कविता सादर करपाचो मान फावो जाला।
• कवितांचो भारतांतल्या हेर भाशांनी अणकार जाला।

उजवाडाक आयिल्लीं पुस्तकां

• नागीण (कवितासंग्रह)
• राष्ट्रज्योत(देशभक्ती गितांसंग्रहाचें संकलन)
• रंगमंच(एकांकी संग्रह)
• घुडी लागली रे (देशभक्ती गितांसंग्रहाचें संकलन)