सोनिया गांधी
देवनागरी
|
सोनिया गांधी हांचो जल्म 09 डिसेंबर 1946 ह्या दिसा लुसिआना हांगा जालो.
जल्म बदल
सोनिया गांघी हांचो जल्म 09 डिसेंबर ह्या दिसा लुसिआना हांगा जालो .तांचे जल्म नाव एड्विज आंतोनिओ आल्बायना मायनो अशें आसा. इटलींतल्या व्हेनेटोतल्या विसेन्झा हांगा सावन 30 किलोमिटराची आशिल्ल्या लुसिआना या ल्हानशा गावांत तांचो जल्म जालो. आवयचें नांव पावलो आनी बापायचें नांव स्टिफानो . तांचे मायनो घराणें लुसिआनांत सबार पिळग्यां सावन स्थायीक आसा. सोनिया गांधी हांचो बापूय दुस-या म्हाझुजांत सोव्हिएट मिलिटरी आड लडिल्लो . तांचे मुळावे शिक्षण ओर्बासानो हांगासरल्या कॅथलीक स्कुलांत जालो. 1964 ह्या वर्सा कॅब्रिज शांरांतल्या बेल एज्युकेशनल ट्रस्टाच्या लेंग्वेज स्कुलांत सोनिया गांघी हांणी इंग्लिशाचे शिशण घेतलें. 1965 वर्सा कँर्बिज शांरांतल्या व्हार्सिटी नांवाच्या ग्रीक रेस्टॉरंटांत तांची वळख राजीव गांधी हांचे लागीं जाली . राजीव गांधी तेन्ना कँब्रिज युनिव्हर्सिटीच्या ट्रीनिटी स्कुलांत शिकताले. वळखीचे रुपांतर मोगांत जालें आनी 1968 वर्सा त्या दोगांनीय लग्न केले. इंदिरा गांधी हांची सून आनी गांधी घराण्याचो राजकारणा कडेन घनिश्ट संबंद आसुनूय बी तांची वळख राजकारणा कडेन अचकीत जावंक ना. 1970 ह्या वर्सा राहुल आनी 1972 ह्या वर्सा जल्मल्ल्या प्रियांका हांचे वांगडा सोनिया गांधी कुटुंबिक बायलमनशे भशेनुच आशिल्ली. 1984 ह्या वर्सा पयलेच फावट आपली जाव मानेका गांधी हांच्या प्राचारा खातीर सोनिया गांधी हांणी राजकारणांत उडी घेतली . ते उपरांत ते आयज मेरेन भारतीय राजकारणांत अत्यंत प्रभावशाली बायलमनीस आनी काँग्रेसच्यो अध्यक्ष म्हुण तांची वळख आसा.