Arvind Ghosh
| |
Romi
|
Arvind Ghosh (zolm 15 egostt 1872, kolokt'ta; mornnH 5 ddisembor 1950).
Namnecho bharti-i vicharount. Orvind ghox ho ddo. Krixnnodhoun ghox ani svorgolota devi hancho tisro put. Ddo. Krixnnodhoun hannem inglix bhaxentlean unchele xikxonn ghetil'lem. Ghorant to bongali bhaxa vaprinastona inglix va hindi bhaxa vaprotalo. Orvind ani tache don vhoddle bhavo darjiling hangachea loretto konvhentt skul hanga xikle.He xallent choddxe yuropi-i bhurge xiktale ani madhyom' puraiponnan inglix axil'lem. Darjiling hanga don vorsa xikxonn purai zalea uprant orvindak tachea bhaundda soit inglonddak xikxonna khatir dhaddlo. Thoim to ddrevett namvanchea brittix kuttumbache dekhrekhi khal axil'lo. Hea vellar tachi pirai sumar sat vorsanchi axil'li. Ani ddo. Krixnnodhoun hannem aplea bhurgeank bhartiyom kodden kosloch somprk yeucho nhoi oxim zotnai ghetil'li. Ddo. Krixnnodhoun hanchi vagnnuk toxi asli, tori tankam bhartantlea brittix razouttivixim tiddok axil'li. Haka lagun bhurgeponnatoch orvind ani tachi bhaundda hancher dex bhoktiche somskar zaunk paule. 1891 kembriz hanga ‘bharti-i mojlis’ he somsthechi thapnnuk zali, ten'na orvind te somsthecho sekrottori zalo.
Inglondd ani inglonddoche rajkaronn hachevixim monant vaitt mot nirmann zata astonach orvindachea monant airlonddoche svatontrotayechea andolonacho fuddari, parnel hache vixim apuloki nirmann zali. Parnel haka moronn aile ten'na tannem parnelochi tust korpi ek kauy ghoddoilem. Bhartantlea movall rajkaronnavixim orvindachea monant ken'nach mog nirmann zalo na. Urfatte zohal bhartiyamni ‘lottos ondd ddegor’ namvachi gupt krantikarok songhttona nirmili, ten'na orvindoi te songhttonent samil zalo. He gupt songhttonechea sobhasodamni maibhumyeche svotontrotaye khatir morsor zhujpacho soput ghetil'lo. Fuddem hi songhttona lhou lhou korun kabar zali.
Inglonddantlea chouda vorsanchea rabiteant orvindan inglix , lettin ani grik bhaxancher probhutv melloilem. He bhair french, ittaliyon, spenix ani zormon hea bhaxanche ginean melloun ghetlem. Auybhaxa bongali mat taka bhartant porthun ailea uprant xikchi poddli.Inglonddant astona 1890 to orvindan ai.Si.Es. Porikxa dili. Punn ghoddear bospache porikxent napas zalean to ai.Si. Es. Zaunk xoklo na. Orvindachea monantoi brittixanchi chakri korpachi itsa naxil'lich
1892 to orvindan kembrijchea kingz kolezantlean podvi melloili. Ani 1893 to bhartant ailo. Boddoda somsthanacho raza soyajiravo gaikovadd hannem aplea somsthanant reuhenyu khateant taka nokri dili. Kaim disa uprant boddoda mohavideantlean tannem poilim french ani uprant inglix bhaxechem odheapon suru kele. Kaim kall tea mohavidealoyacho to prachary legit zalo.
Svotontrotayechea andolonant vantto gheuchem nodrentlean orvindan ‘vonde matrom'’ namvanchem disallem ujvaddaunk survat keli. Hea disalleacho sompadok astona brittix sorkaran rajdrohacho arop dourun tacher khottlo bhorlo. Punn neayaloyant tachi nirdox mhonn mekllik zali. 1907 saun tannem rajki cholloullint nettan vantto gheunk survat keli. 1908 to brittix sorkaran porthun tacher rajdrohacho ani brittix samrajea add kott kel'leacho arop dourun khottlo bhorlo. Hea vellar chit'toronzon das tachem vokiloptr gheun khottlo zhujlo. Vorsobhor ho khottlo choltalo. Xeuttak porthun orvindachi nirdox mhonn muktotai zali. ‘kormoyogi’ hem inglix ani ‘dhorm'’ hem bongali satollem tannem choloilem.Boddoda hanga astona orvindachem logn ranchi hanga sthayik zal'lea bhupalochondr hanchi dhuv mrinnalini hiche kodden 1909 vorsa zalem.
Orvindache dexobhktichem ani rajkaronnachem mull tache adheatmik prourit'tint axil'lem. 1907 to gvalherocho lele namvacho moharaxttri-i yogi taka mell'llo ani orvindache adheatmik sadhnek arombh zalo. Fuddem rajkaronn ani loukik jivit hancho purai somneas gheun 1910 to poilim chondronogor hanga ani uprant panddicheri hea french vosnnukamni vochun tannem axrom' ukte kele. Axromache thapnnuke uprant choddant chodd vell ekantovasant raun orvind yogsadhona korunk laglo. 15 egostt 1914 disa saun ‘ary’ namvachem adheatmik vixeak ompil'lem mhoineallem tannem mira richrddos ani pol richrddos hea zoddpeachea polvan suru kelem.
1918 to orvindachi ghorkan'n mrinnalini, panddichiri hanga yeunk bhair sorli, punn vattent kolokt'ta hanga imflyuyenzhachea duyemsan tika moronn ailem. 24 nouhembor 1926 disa orvindak yogsidhdi prapt zali ani to purai ekantovasant raunk laglo. ‘esez en do gita’, ‘laif ddivhain’ hea sarkea gronthanchi borpaull tannem ‘ary’ mhoinalleantlean keli. ‘savitri’ hem tache mohakauy borench namnechem asa.