Avatar
| |
Romi
|
Avatar doivi va otimanovi xokti va vyokti, monxachem va her pranneachem rup gheun dhortorecher yeun rauta ani aplem itsit kary purai korta, hea adikallasaun cholot ayil'lea dharmik somzutik ‘ovtar’ oxem mhonnttat.
‘ovtar’ hea utrant ‘ov’ + ‘tri’ him don utram asun tacho orth voile suvate velean sokoile suvater demvp oso zata. Somvsarantlea choddxa dhormant hea na tea prokaran ovtar kolpona manil'li dista.
Bhartant, hindu dhormiyam modim don oddech vorsam adim saun ‘ovtar’ hi kolpona ostitvant axil'li. Vedkallant hi kolpona voir sorli oxem mantat. Bhogoudgitechea fuddlea don xlokant ‘ovtar’ kolponechem soglleant poilim spoxttikoronn kel'lem mellttaH-
yoda yoda hi dhormosy glanirbhouti bharot।
obhyut'thanomodhrmosy todatmanom srizamyohom'।।
poritrannai sadhunam vinaxai cho duxkritam' ।
dhormosomsthaponarthai sombhvami yuge yuge।।
(bhogoudgitaH 4.7-8)
orth- he bhortokullantlea orzuna, jen'na jen'na dhorm' moddauta ani odhrm' mat'ta, ten'na ten'na hamv mhaka zolmak ghaltam.
Boretoren cholotleank soglle voxin rakhunk, vaitt ritin cholotleank na korunk ani dhorm' boren thapunk , hamv kallanokall zolmotam. (ho updex krixnn orzunak korta).
Itihasik nodren ovtarachi mull kolpona vixnnuchea vasudeubhktisomprodaya saun suru zata. Ddo. Ra. Go. Bhanddarokar hachea motan hea somprodayacho kall i. So. Poili chouthenxotoman itlo fachim tea velean ho somprodai hea adim legit ostitvant aslo oxem mhonnu yeta. Vasudevo ho narainn mhollear vixnnuchem monisorup hea orthan ‘vixnnucho ovtar’ hea svorupant pujy zalo.Vornnil'le mellttat. Mohabharotachem xantiprv vixnnu ovtarancho ankddo nnou tor horivonx atth
purvil'lim purannam vixnnu ovtarant budhd ani kolki hea ovtaracho aspavo korinat. Voixnnou purann ani mohabharot gronthant vixnnu ovtaracheo kotha tor xoiv purann ani mohabharot gronthant xiv ovtaracheo kotha yetat. Xoiv ani voixnnou naxil'lea markonddey purannant legit xiv ani vixnnuchench nhoi tor gonnex ani her devo, riximuni, gondhrv, opsora ani heranche ovtar atth manta.
Zoinancho poilo tirthonkor rixobhodevo (adinath) hacho bharot, bhagout, skondod purannamni aditirthonkoracho ovtar mhunn aspavo kela. Goutom' budhdak vixnnucho ovtar mhunn motsyopurann (47.247), ognipurann (16.1-7), nrisimhopurann (36.9), podmopurann (3.257) ani mobhdagout hea gronthant manyotai mell'llea. Mohayan ponthachea prosara uprant tisrea va chouthea xotmanachea odmasak hi manyotai budhdak mell'lli asumye oxem mantat.
Dhormosomsthapok mhollear ovtar hem totv apnnaun sogllea dhormosomsthapokacho hindu dhormant aspavo korpachi prourit'ti purvil'lea kallant bhartant a,soli. Tacho porinnam' zaun asa.
Baravea xotmanant somskrit kovi zoidevo ho aplea gitgovind hatunt doxautarachem vornnon korta.(1.1-12). Nimannem, ramdas ani tukaram' hea sontachea kalla meren (15 vem ani 16 venxtoman) ovtarachi kolpona cholnnukent axil'leachem melltta. Somrth ramdasan dasbodhant ovtaravixim fuddlo xlok boroilaH
‘dhormosthaponeche je nor। te ixvoracho ovtar।
zhale ahet puddhe honnar। denne ixvorache।’
orthH dhormothaponnuk korpi purux ixvorache ovtar asat. Oxe purux zaleat ani fuddem-i zatle hem ixvorachem dennem asa.
Dhormachi thapnnuk korche pasot ami riximuni portun portun zolm' ghetat oxem tukaram' mhonntta.
Ovtar kolpone fattle sidhdantH 1. Ixvor nity svorupant arle suvater asach, punn teach vangdda to her rupant , dhortoreroh raun itihasik kary korta. 2. Ovtaramodim osamany gunn ani vismit korpi chomtkarachi tank asta. 3. Ovtari monxachi kudd sodanch tejixtt asta. 4. Ovtar, maya va abhas nasun to soty asta. 5. Ixvorachea sogllea ovtarant, ixvorache soglle va thoddetori gunn astat.
Ovtaranche prokarH
kary somptokoch zo ovtar ontordhan pauta taka onxautar mhonnttat. Kary somptokoch legit zo ovtar kaim kall hea somvsarant rauta taka purnnautar mhonnttat.
OnxautarH bolram' ani ramacho bhavo lokxmonn xexache ovtar, tankam onxautar mhonnttat.
PurnnautarH ram' ani krixnn he purnnautar asle.
NiteavotarH ixvorache gunn ani adrx hanchi thapnnuk korche pasot zo zolm' gheta taka niteavotar mhonnttat.
GunnautarH brohma, xiv, monu, prozapoti, rixi ani sont hankam gunnautar somzotat.
VibhavautarH hanche ankddo 39 asun tatunt dhruv, kopil, modhusudon, podmonath hancho aspavo zatayo.
Satvautar hatunt kal, sobhavo, kary, karonn, mon, ponchombutam, ohonkar, trigunn, indriam, brohmayuxorir ani sthaurozongom' jivo hancho aspavo zata.
OrchautarH prannprotixttha kel'leo ani bhokta koddlean pujil'leo devacheo murti hatunt yetat.
Ontoreami- ovtarH pranneachea kallzant apli suvat zoddun raupi, tachea sogllea veuharachem niymon korpi pormatma (gita 18.61.)
lilautarH sontkumar, sonondon, sonaton, narod, vorah, motsy, yogone, nor-narainn, kopil, dot'tatrey, hoigrivo, homs, prixnnig, rixobh, prithri, nrisimh, kurm', dhonvontori, mohini, vamon, porxuram',ram', veas, boldevo, krixnn, budhd ani kolki. Protyek kolpant he ovtar ghoddot axil'lean tankam kolpautaroi mhonnttat.
MonvontorautarH yogone, vibhu, sotyosen, pori, voikuntth, ojit, vamon, sarvobhoum', rixobh, vixvokomsen, dhormosetu, sud'dama, yogexvor ani brihdobhanu.
YugautarH xukl, rokt, xeam', ani krixnn he kritoyugadi kroman char ovtar asat.
AvexH kaim mohapuruxant xokt, ginean ani bhokti he vorvim bhogoutancho avex zata. Xex ho xoktavex, sonok, sonondon ho goneanavex ani narod ho bhokteavex asa.
DoxautarH purannant vixnnuche je dha ovtar manun ghetleat te oxeH 1. Motsy, 2. Kurm', 3. Vorah, 4. Nrisimh, 5. Vamon, 6. Porxuram', 7. Ram', 8. Krixnn, 9. Budhd, 10. Kolki.
Her dhormiyam'modim ovtarachi kolpona
kiristamv dhormant poilea don xotmana meren ovtar kolponecho vichar zal'lo disna. Yexu krist devacho ovtar kai monxacho put he vixim zaitim xotmanam vad chol'lo. Monis zatik patkanchem praixchit divpak ani tankam mukticho marg dakhounk to kristachea rupant ovtorit zalo oxem kristi bhous manta.
Islam' dhormantolo xia ponth ovtar kolpona manta. Muhmod poigomboracho zaum-i ani kholifa oli hachea irannantlea onuyayamni oli ani tachea varos bhurgeank devacho ovtar manlo. Oli rupan deuch dhortorer ailo osem xiaponthi-i mantat.
Boudhd dhormant mohayan ponthant ovtar kolponek manyotai mell'llea. Dhavea xotmanachea sumarak budhdak mohayanoponthant ‘ovtar’ mhunn manyotai mell'llea. Bodhistv ho budhdacho ovtar asa oxi kolpona asa. Budhdachem nirvann zalear legit to moitrey, budhdachea rupan ovtar ghetlo oxi mohayan ponthachi xrodhda asa.
Zoin dhorm' hindi dhorma promann ovtar kolpona manina. Punn tirthonkor mokxomarg dakhoupa khatir monisorupan zolm' ghetat ani top korun deutvak pautat oxi kolpona asa.
Parxi dhormant ovtaravixim kolpona disnat. Punn te razak povitr ani kuddint doivi xokti axil'lo mantat.
Her ovtaravixim kolponaH (grik kolpona) devan monis rupan dhortorer zolm' ghetil'leachi kolpona grik purannant na. Punn devan khas prosongar tatpurtea khinna khatir monis va pranneacho zolm' gheun prozotpot'ti kel'leacheo kotha tatunt distat.
Semittik lokambhitor devo monxachem rup dharonn korta ani zai ten'na kaddun uddttota oxi kolpona asli.
Purvil'lea ijipt dexant, lokambhitor murtint va pranneam bhitor deuta rautat osi kolpona asli. Ekoch deuta eka poros chodd pranneache kuddint rauta oxi somzonni asli. Hi somzonni ovtar kolponek laginchi asa.
YogdanH vingodd vingodd unch va unnak dhormosomprodai tancheo deuta, dhormosomsthapok va sontacho, dhormik totvantlean sadil'lo ekchar zo hindu dhormant dista, tachem mullaunn ovtar kolponent poddlam.