Losun
| |
Romi
|
(Moratthi - losunn; Hindi - loson; Gujrati - losonn; Kon'nodd - bell'llull'lli (ಬೆಳ್ಳುಳ್ಳಿ); Somskrit - loxun, ugrogondha; Inglix - garlik (garlic); lettin: Alliym' sottaivhom'; kull liliesi).
Losunn : 1) panam, fulamsoit vonspot 2)kadeacho ubo chhed 3)ful 4)paklli Garlic, losunn dhovi ani tambsar zamblli oxi don prokaranchi asta.
Ek vokhdi vonspot. Hi kando ani khorott hanche ॲliym' he prozatintoli. Ti mullchi modhy axiantoli asumye oxem mantat. I. So. Adim 5000 te 3400 hea kallant ijipti lok kando ani losunn pikoitale oso purave melltta. Yurop, ijipt, bhartant ti lagouddint asa. Voidik vafmoyant losnnicho ul'lekh na. Punn mohabharot, toxench kouttili-i orthoxastr, vatsyainachem kamsutr, chorkosomhita, suxrutosomhita, naunitok, monusmriti hea zaitea somskrit gronthamni vegvegllea sondrbhamni tiche ul'lekh mellttat. Zaitea gronthamni losunn opvitr, nixidhd ani tajy manil'li asa. Toxench tichea vokhdi gunnodhrmanchi mhaiti bhorpur melltta.
Hi vonspot zaite hongam' zogpi asunuy ti eka hongamantoleuri pikoitat. Tichem bhuygot khodd (kond) kandeaporosuy lhan asun tacho masol bhag pananchea kuxintlea paklleancho asta. Hea kondacher patoll auronn asta. Zomniuyor yeupi pachvim panam sadim, rexakriti, sopatt, tonnauri ani tonkdar astat. Sadaronnoponnan dhove ani tambsar oxe don kondache prokar vollkhiche asat. Ddisembor te zanevarint lamb dentth axil'lea ani vattkullosar chomvrauri tureacher tonkdar ani lamb danddear dhovim fulam ani lhan kondika yetat. Tachim her sam'many lokxonnam liliesi kullantlea vornnonauri astat.
Losnnichea paklleank ugr vas yeta. Purvil'lea kallasaun randpant losnnicho upeg kortat. Zaitea prokaramni losnnicho upeg zata axil'lean xetint ani vepari mollar tika mhotvachi suvat mell'llea. Losnnicheo paklleo vayusarok, kamot'tezok, kofotsarok, ut'tezok, jvorhari ani bhuk vaddoupi asat. Losnnicho ros pottdukhicher ani kandukhicher ditat. Fufusache ani xrvasonolikeche vikar, khank, kuxttorog, dont, mutropindd hancheruy losnnicho ros upegi asun katddeche vikar, zokhmo hancheruy to upegi poddtta. Losnniposun toyar kel'li pudd ani vokhdam bhartant ayat kortat. Mhoisuroche sonttrol fudd tteknolojikol risrch insttittyutt he somsthen sukxmomozonturedhi gunn ani vokhdi muly he babtint borem axil'lem losunn churnn toyar korpi prokria viksit kel'lea. Losunn rogot xudhd korta. Aharant losnnicho vapor kel'lean rogtant kolestterol vaddpachem promann unnem urta oxem sidhd zalam.
Rosainik songhttonn : losnnint 63.8% udok, 6.3% prothinam, 29.0% karbohaiddrett, 0.1% med, 0.03% kelxiyom', 0.31% fosforos asta. Tebhair 1.3 migre./ 100 gre. Lokhonn ani 13 migre./100 gre. Ko jiunostv asta. Losnnik yeupi vixixtt vas tatuntlea ॲlil 2 propin thayoslfinett (olisin) hea somyugak lagun yeta.
Lagoudd ani moxagot : losnnichi vadd somxitoxnn hovamanant bori zata. Toxench 900 – 1200 mi. Unchayechea vattharant hem pik borem yeta. Losnnichi lagoudd chodd korun ekttobor – nouhembor mhoineant kortat. Ut'torenk sopatt vattharant sopttembor – ekttoborant ani dongrall vattharant februvari te march mhoineant kortat. Bharot, chin, dokxinn koria, thailondd ani spen hea dexamni losnnichi mukheloponnan lagoudd kortat. Garlic.
Prokar : losunn dhovi ani tambsar zamblli oxi don prokaranchi asta. Dhovea prokaroche losnnikande akaran vhodd astat. Toxench purumentakoi bore tigtat ani tanchem utpadonuy chodd melltta. Zambllosar rongache prokar chodd tikhott ani vokhdi nodren mhotvache astat. Punn tanchem utpadon unnem melltta. Zomin : hea pikak modhyom' te chodd kalli ani nichreachi zomin manouta. Losnnichem pik char te saddechar mhoineamni toyar zata. Jen'na tachim panam sukun kond zomniuyor dixtti poddttat ten'na te hatamni humttaun kaddttat. 1 – 3 soptokam sukoitat ani uprant panam ani mullam kaddun kond meklle kortat. Bhartant dor hekttori sumar 3500 kigre. Itlem utpadon melltta.
Rog ani kidd : losnnichea pikar korpa rog lagta. Taka lagun panancher tambdde ani gobra korache thipke poddttat. Hea rogak allbonda haddpak borddo mixronn fovarotat. Hea pikak fuddkiddeachi-i bada zata. Tekhatir melethionasorokem kittkonaxok vaprotat.