Merces ho ek Tiswadi talukeantlo ek ganv. Hea Vorsa Merces Igorjek ji Merces Saibinnik bhettoilea tika 400 vorsam bortat. Vhodde umedin soglea Merxekaranim somarombhni suru kelea. Poilea disa survat kortana adim he Merxeche firgojent yeun gelelea padrink gheun dobajik mis bhettoilem, zaite padri hajir zale, tosoch zaitea firgozkaranim umedin vantto ghetlo ani Merxeche igorjent yeun gelelea padrink bhett keli. Merces Saibinichem fest 10ver Novemberache somarombhlem. Tea disa ek voznadik "souvenir" uzvaddak hadlo. Porbe disa soglleank umedir dovorpak sanjechea 7 vaztam Rosferns hacho "O My Lord" ho tiatr dakoilo. Toxench toddeach disanim anink 3 tiatr machier hadpache asa. (1) Mario Menezes-cho tiatr "Omtea Kollxear Udok" (2) Comedian Domnic-acho "Sonvsar Budla" ani (3) Comedian Agostinacho "Hem Amchem Ghor". Toxench Merxe Igorjent sogleam Merxechea padrink gheun 400 vorsanchi nimanni somorombi koxi, tankam gheun mis somorombchem asa.

Vorsache 24ver Agostache Merxe ganvant konsachi porob (Harvest cutting feast)somorombtat. KOnsache porbek Merxeche Igorjent 3 missam somorombtat, dor misa poilim Iadnik lokanchem ani Santanchem pursanv gheun konnos katrunk bhair sortat. Merxe tin zageancher konnos katortat, oxem Gõyant tin zageancher konnuch konnos katrina, fokt Merxe. Toddo temp zalo lok xetam rovpachim bond zaleat ani atam ekai zagear konnos katrunk vochonam, karan xetam roinam zalear konnos khoinchem astelem?. Fatleam vorsamnim jedna lok toddim xetam roitalo, tedna Merxechea ganvant konnos pikonaslem, tea khatir dusrea ganvchem konnos hadun tea zagear dovortale ani uprant Iadnik konnos katortalo, henvuim sarkem nhoim koxem dislem ani tenvuim bond kelem.

"https://gom.wikipedia.org/w/index.php?title=Merces&oldid=199678" चे कडल्यान परतून मेळयलें