Mungllurkar Katolkanchem Jevonnkhann

Romi

Mungllurkar Katolk jevonn khann hem Mungllurkar Katolk somazachem asa ani taka Mungllurkar, Goenkar, ani Purtugez jevonn khannan probhavit kelam.

Mungllurkar Katolkanche pod’dhotin randlolem toll’llolem nustem

Mungllurkar Katolk, Mungllurche Romi Katolk asat ani te adlea Dokxinn Kanara jil’leache Bharotachea dokxinn ostompt doreadegecher ravpi asat. Te Konknni lok ani te Konknni bhas uloitat. Choddxe Mungllurkar Katolkanche purvoz Goenkar Katolk zavn asat je Goenchean Dokxinn Kanarant 1560 ani 1763 modem Goenchea Inkizisanvam ani Purtugez-Morattha zhuza vellar stholantor zale, Mungllurkar Katolkanchi sonskrutai Mungllur ani Goenchea sonskrutaiecho mell zavn asa, Stholantor zatoch, tannim thollavi Mungllurchi sonskrutai apnnaili punn zaiteoch Goencheo rivazo ani porompora samballun dovorleat.

Mansahari jevonn khann

San’na–Dukra Mas

Tanche koddient zaitench khobrem ani koddie panam vaportat ani tantunt alem, losunn ani mirsangui vaporpant ieta. Mungllurkar Katolk jevonn khannant ek veglloch Purtugez probhav dista zoxe porim Leitao, hea famad dukrachea bhazlolea masant ani dukrachea sorpotelant amkam dista jem Pièce de résistance koxem kazaranchea jevnnant vaportat. Bodhkothentle kuzner zoxe Davidam vo Alicebai hankam jevonn toiar korpak apovpant ietalem oxem vachunk melltta. Mungllurkar Katolk dukrachem rogot ani her jinos tanchea dukrachea pratamni melloitat zoxem amkam Pork Bafat, Cabidela adi Kalleze un Kiti (kalliz ani antkoddi) hantunt pollovnk melltta.. San’na–Dukra Mas (San’na – idli surent vo khomirant fugoiloli; Dukra Mas – )^[1] ani Undde–Dukra Mas (Undde – khomir kel’lo panv Dukra Mas – Pork) chodd famad prat zavn asat.

Kombiechem Indaz henvui loukik asa. Paromporik Rosachi koddi ek narlacho ros ghalun keloli nusteachi koddi hikai borich fank asa ani ti Ros (makhop) suvalleant vaporpant ieta jem 1 vo 2 dis Mungllurkar Katolk kazaram adim korpant ieta. Nusteachi koddi khas korun Nusteachea Gabollichi koddi, tiche ruchi khatir Bharotachea doreadegek famad zalea ani tanchem toll’llolem nustem henvui famad zalam. Xeveo Ros ani Patoll Bhakri (Kori Rotticho ek prokar) he sukoilole tandllachea pitthache kope je kombiechea rosachea pratant buddovn khavpant ietat.[2]^[2]

Xivrak jevonn khann

Kunsvar

"Balthazar Chettnni" ek bhov loukik mosaleacho prat zavn asa.Hea pratacho oromb Balthazar, ek Mungllurkar Katolk kullvont monis, zaka Tippu Sultan hannem 1784 vorsa bondhonnint ghatlo ten’na Mungllurkar Katolkank Seringapatam hanga bondist korpant ailem, Thoim dilolem jevonn pochnaslolean, tannem bondist Mungllurkar Katolkam khatir ek chettnni korpak tharailem.

Pollu, eke torecho Sambhar Gallmea soit (pittho kelolem kharem vo Kambulmas (sukoilolem Daionn) bhov famad asa. Paromporik Fodd ek loukik lonnchem zavn asa, Thail Piav, zacho utra pormonnem orth torkari telant ani piavant buddovn lankddanche ujear sollsollavop; henvui bhov famad asa. Karomb (tovxeanchem salad) ani Foka (bhendde kazubiam sangata). Ap’pam (tandllancheo guttleo) ani Panpole (alebele) ruchiche prat asat je tandull ani mitth udkant fugovn korpant ietat.Thath Bhakri ek kellmeachea panachea tandllancho prat zo tambddea ukoddlolea tanddlant zantunt kantoiloli chun ghalun toveacher kellmeachea panacher bhazpant ieta. Mitais, Mandas, Ushae, Pitae ani Mani hevui nanvlovkik prat asat.

Kunsvar ek utor jem ekmev Natalancheo vanttpacheo vostu jeo Mungllurkar Katolk somazachea jevnna khannacho ek bhag zavn asa. 22 vegllea paromporik jevnna khannache jinos asat je Natalanchea suvalleak Mungllurant ek vegllo pormoll haddttat. Nevreo, pokoll pateant plom, bio, ani bhazlole till ani sakhor bhorpant ietat. Kidyo vo Kolkol hem mudiallem toiar kelolem mixronn jem sakhrechea melant buddovn kortat, pathekas ek goddxem jem hirvea nandarkai kelleanchem korpant ietat, till laddu ani jaw snapping Golios. Macaroon hanche khatir Mungllur famad asa ani nazuk pormollacheo rose cookies chodd avoddtteo zavn asat. Punn Supik Plom kek korpak boroch vell lagta. Candied follam, plom, pasam, kismisam kosben katorpant ietat ani rum-ant buddovpant ietat. Pitth gallun votak dovorpant ieta. Bio solun katorpant ieta ani sogllem kuttumb ektthaim zavn kek kortat.Vavr vanttpant ieta, ekleak tantiam marpak, dusreak molai, mosko ani sakhor mixronn korpak, kekache ddobe vollin dovorpak, ani ek mozbut hat xevttacho mell ani firop korpak apovpant ieta.

Kunsvar

Patrode vr Pathrade, colocasia panacho prat zantunt tandull, dall, godd, narl ani mosalo bhorpant ieta tovui bhov famad asa. Mungllurkar Katolk hea bafecho pratachi tora Tuluva jevonn khannacho ek thoddo bodol zavn asa, Chodd tikhott, taka Mitth Mirsang (salt and chilly), ek tambddea mirsangacho mosalo, Mungllurkar Katolk pratant zo ek famad mosalo vaporpant ieta.

Tipnneo

↑ D'Souza, Stephan (2008-01-08), What's in a Name?, Mangalore: Daijiworld Media Pvt Ltd, archived from the original on 2012-02-05, retrieved 2017-08-16 {{citation}}: Unknown parameter |dead-url= ignored (|url-status= suggested) (help)
↑ Nayak, Amrita (2007-08-11), "Typically home", The Hindu, Mangalore, archived from the original on 2012-11-03, retrieved 2017-08-16 {{citation}}: Unknown parameter |dead-url= ignored (|url-status= suggested) (help)CS1 maint: bot: original URL status unknown (link)

Bhaileo zullovnneo

Mangalorean Catholic Cuisine by RoseMary Albuquerque Pai from The Summer Sands Online newspaper
Mangalorean Cuisine by MyNation easy Recipes and Dishes

[DAJ-1] D'Souza, Stephan (2008-01-08), What's in a Name?, Mangalore: Daijiworld Media Pvt Ltd, archived from the original on 2012-02-05, retrieved 2017-08-16 {{citation}}: Unknown parameter |dead-url= ignored (|url-status= suggested) (help)

[2] Nayak, Amrita (2007-08-11), "Typically home", The Hindu, Mangalore, archived from the original on 2012-11-03, retrieved 2017-08-16 {{citation}}: Unknown parameter |dead-url= ignored (|url-status= suggested) (help)CS1 maint: bot: original URL status unknown (link)

[1]

[2]