मुखेल सूची उगडात
ह्या विषयावयर देवनागारींत बरयिल्लें पान वाच : पेद्रुचें पयलें पत्र
The vision painted by Domenico Fetti.
Peter's vision of the sheet with animals

विशय सुची

Pedruchem Poilem Potrबदल

First Epistle of Peter

Pedruchem Poilem Potrबदल

Pedruk Simanv mhonn nanv aslem. To Galileiachea Bethsaida nograntlo, pun Kapernaum nogrant tachem ghor aslem; tachea bapaichem nanv Juanv; dhondean to kharvi also. Andren, tachea bhavan, take Jezu-xim vhelo ani teach poilea disa Jezun taka Kefas vo Khoddop mhonn nanv dovorlem. Tea uprant, Jezuchea apovnneak pallo diun, tannem Jezucho pattlav kelo, ani, Jezun Bara Dhormdut vinchun kaddlea uprant, Tannem Pedruk dhormdutancho Fuddari kelo. Ani ek dis, Jezu khoro Krist ani Jivea Devacho Put mhonn sogllea Dhormdutanchea nanvan Pedrun aplo bhavarth spoxtt uchartoch, Pedrucher Apunn Apli Povitr-Sobha bandtolo mhonn Jezun bhasailem. Aplea punorjivontponna uprant, Pedruchea hatant sogllea Aplea xelliam-menddranchi zobabdari gahlun, taka soglleancher Aploch mogacho ani khalte seve-chakrecho odhikar dita mhonn Jezun monzur kelem. Somiachea sorg-provesa uprant, Pedrun apli zobabdari pallunk suru kelem. Povitr Atmeachea iennea uprant hi zobabdari tannem odikuch nettan ani dhiran choloili. Jezuchea nanva pasot taka onekdam bondkhonnint-ui ghalo.

Bondkhonnintli suttka mell’llea uprant (D.I. 12/17 polle), Jerusaleant ani Palestinant Jezuchem Xubhvortoman tannem porgottlem. Palestina bhair anik khoi to pavlo mhonn sarki khatrechi khobor na. Thoddea vorsam uprant, poile vixv-sobhent vantto gheunk to Jerusaleak gelo (D.I. 15/6 polle). Kristi Xokachea poileam xenkddeam thaun khobor ailea tea pormannem, 67vea vorsa, Roma xarant, Jezu pasot taka khursar jivexim marlo : oxi Jezun hea vixim kel’li bhasavnni pallon aili ( Ju. 21/18-19).

Hem Potr Pedrun Dhaktte Aziechea Kristi sobhank boroilem. Onbhavarthi lokanche dusman’kaiek lagon, tea sobhank tras zatale. Tankam koxtt sosche podtat, tori kristanv dhorm ek khoro dhorm mhonn to aplea Kristi bhavam-bhoinnink sangta ani Jezuchea pattlavdarank sobta toslem jivit jieunk Pedru tankam ulo korta ani dhir dita. Jezu melo, punorjivont zala ani novena ietolo : hem sot amkam bhorvanso haddta. Hea uzvaddan koxttam-trasam dhumalleam modem tanchea bhavartachi porikxa zalea uprant, Jezu Kristachea Dorxonachea Disa tankam sasnnachem inam’ melltolem mhonn khatri diun Pedru hea lokak aplea Kristi jivitant thir korunk vavurta.



Polleiatबदल

Sondorbhबदल

"https://gom.wikipedia.org/w/index.php?title=Pedruchem_Poilem_Potr&oldid=170011" चे कडल्यान परतून मेळयलें