Ramayonn
| |
Romi
|
Ramainn namnechem adikauy va chhondobdhd itihas. Valmiki muni ho hea mohakaveacho nirmato. Prostut gronthachim sat kanddam asun, sorgosonkhea 645 asa. Hea adiikxvaku vonxantolo puruxot'tom' xriram' hachem choritr vornnilam. Hatuntoli kotha thoddebhitor oxi asa. Ramainnokotha – ekdam valmikin nardak, prosn kelo, he dhortorecher gunnvan, porakromi, dhormogone, sotyouchoni ani rag ail'lo astona devankuy bhom-i ghalpi oso gunnsomppon purux konn asa? ten'na nardan taka, ikxvaku vonxant zolmol'lea ramachem namv sagomlem. Ten'na valmikin ramachem purai choritr aikupachi itsa nardakodde ukt'toili. Nardan valmikik purai ramkotha sangli. Ti aikun valmikik khub khos bhogli. Tannem nardachi puza korun tacho nirop ghetlo. Uprant bharvdaz namvachea xixeasoit tomsa nhomyecher nhaupak gelo. Vattent eka zhaddachemr taka krounch pokxeachem zoddpem boxil'lem dislem. Itlean eka nixadan bann marun tatuntlea noropkxeak marun uddailom. Tem polloun tachi zaddidar vhaddauhoddan akrox korunk lagli. Tea duxean valmikik vaitt dislem ani tea nixadacho raguy ailo. Ten'nach tachea tonddantlean xapvanni bhair aili – ma nixad l protixttham tvomgom': xaxvoti: soma: l yotkouchFmithunadekomodhi: kam'mohilom' ll orth – he nixad, tu hea bhutlacher chodd vorsam zogchona karonn tu kam'mohit oxa krounchyugmantlea ekacho vodh kela. Hi xapvanni pody axil'li. To ek sohojsfurt oso onuxttup chhond axil'lo. Valmikik te ghoddnnukechem ozap dislem ani tea xlokacho vichar korit to axromant ailo. Fattofatt pitamoh brohmadevo thoim ailo. Valmikin taka to xlok mhonnun dakhoitokoch, brohmadevan taka sanglem, tujeant sorsvoti avirbhut zalea, hea onuxttup chhondant somgr ramchoritrachem vornnon kora. Uprant valmiki ramchoritr borouk boslo. Chovis hozar xrlok, panchxe sorg, so kanddam ani satvem ut'torokandd zatunt asa, oxem tem mohakauy nirmann zalem. Valmikin taka poulstyoudh oxem namv dilem ani hem kauy tannem lou – kuxak xikoilem. Valmikiramainnachem balkandd, oyodheakandd, ornneakandd, kixkindhakandd, sundrokandd, yudhdokandd ani ut'torokandd oxe sat bhag asat.
Balkandd
बदल77 sorg. Oyodhea nogrint doxroth raza rajy kortolo. Kouslea, sumitra ani koikeyi oso tacheo tin ranneo, punn vonx choloupak taka putrosontot naxil'li. Ti zauchi mhonnun tannem rixyoxring rixinchea mukhel puroitoponnakhal oxrvomedh yogone kelo ani uprant putrokamextti namvacho yag kelo. Monxabogor her khoincheach pranneakoddlean tuka bhom-i na oso brohmodevakoddlean raunnak vor mellil'lo. Tekhatir doxrothager zolm' gheun raunnachem paripty korchem, oxi devamni bhogvan vixnnuk vinounni kel'li. Doxroth razacho putrokamexttit yag chalu astona ognintlean eka mhapurus ailo ani tannem sontan divpi, deunirmit pais doxrothan dilo. Doxrothan ho pais, kouslea, sumitra ani koikeyik vanttun ditkoch doxrothap ram', lokxmonn, xotrughn sumitreche ani bhorot ho koikeyicho. He bhurge vhodd zata astona, ek dis vixrvamitr muni doxrothakodde ailo. Mari-i ani subahu he don porakromi rakxos yogoneant vidhnam haddttale. Tankam marpakhatir munik ramachi goroz axil'li. Tekhatir ram' ani lokxmonn vixrvamitravangodda gele. Raman tea rakxosank marle, tattkechoi vodh kelo. Uprant vixrvamitran tankam videhoraz zonkakodde vhele. Zonkakodde xonkrachem xrextth dhonnu axil'lem. Tem dhonnu zonkan ram' lokxmonnak dakhouchem oxi itsa uktaitokoch zonkan tankam tea dhonnuchi kotha sangli. Zomin nangrotana tea nangrak lagun ek konea voir aili. Xet nangrotana mell'lli mhonnun te cholyechem namv sita dourolem hem dhonnu jea konnak peltolem tachekodde sitechem svoimvrant khub razamni tem ukhlopacho yotn kelo punn to nixfoll tharlo. Nimannem raman tem sohzotayen ubarun, taka protyoncha choddoun kanameren oddlem ani moddun uddoilem. Uprant ramachem logn sitekodde ani lokxmonnachem logn zonkachich dusri dhuvv. Urmila hichekodde zalem. Vixrvamitrache sangnnen zonkorazacho dhaktto bhavo kuxdhv hachea don dhuvo manddvi ani xrutkirti heo onukroman bhorot ani xrutkirti heo onukromat bhorot ani xotrudhn hankam dileo. Haya balkanddant modim modim her kotha aileat. Kxotriy vixrvamitr ani bramhann rixi vosixtth hancheantlea songhrxachi kotha, vixrvamitrak dirgh topchxroryen brahmonny prapt zal'leachi kotha, vamnautarachi kotha, xivput kartikey va kumar hachea zolmachi kotha asa.
Ayodheakandd
बदल177 sorg. Doxroth raza ramacho yuvrajeabhixek korpacho tharoita. Punn ranni koikeyik hea obhixekache khobrechi tiddok marta. Ti doxrothak khub vaitt dista. Bhortak rajeabhixek ani ramak chouda vorsam vonvas oxe don vor ti magta. Obhixek zaupachea disa koikeyi ramak hea don voranchi mhaiti dita. Ram', sita ani lokxmonnasoit vonvasak vota. Ten'na bhorot aplea azolli asta. Taka jen'na khori vostusthiti somzota ten'na to apleo rajeabhixek korun gheupacho nhoikorota. Ramak portun haddpakhatir to donddkarnneant vota. Punn ram' oyodhyek portun yena. Xeuttak to ramachea paduka rajyotontracher dourun ramache votin rajy korta.
Arnnyokandd
बदल75 sorg. Donddkarnneant riximuni sotot rakxosancho tras zait asta. Tekhatir riximuni ramakodde somrkxonnachi magnni kortat ani ram' toxem tankam axrvason dita. Raunnachi bhoinn xurponnokha ramak mellun tachekodde logn zaupachi itsa porgottaita. Raman nhoikarotokoch ti lokxmonnak vicharota. Lokxmonna koddlean nhoikar mellttokoch ti sitek jivi marpacho yotn korta, ten'na lokxmonn ramache agoneen tichem nak ani kan kapun uddoita. Ten'na ti aplo bhavo khor haka tachea chouda hozar rakxos sounikamsoit ramacher hol'lo korpak dhaddun sudd gheupachi yotn korta. Punn ram' tankam soglleank vattek laita. Hi khobor okompon namvachea rakxosa koddlean raunnak kolltta. Ten'na ramak dukhkh divpapasot sitek ubarun haddpachem tharoita. Marich ho khub rupam dharonn korpant kuxoll axil'lean to kanchnomrigachem rup gheta. Sita kanchnomrigak polloun bhulta ani apleak to zai mhonnun hott'tt dhorta. Ram' taka dhorpak ranant vota. Fattofatt lokxmonnakuy vochchem poddtta. Uprant raunn sadhucho bhes korun sitekodde yeta ani tika ubarun lonkent vhorta. Ramacho ixtt gridhroraz zottayu raunnacher vattent hol'lo korta, punn raunn taka marta. Lonkent raunn, sitek apleavangodda logn zaupak yachna korna. Punn sita taka bodna. Ram' ani lokxmonn kanchnomrigachi xikar korun axrmant portotat. Sita axrmant na ti polloun ram' bhieta ani doguy zann tika sodpak bhair sortat. Asn'nomononn zottayukoddlean tankam raunnan sitek vhel'leachem somzotat. Fuddem tankam manepoir voir tokli naxil'lo, fokot dhodd ani tondd pottant axil'lo oso, kobondh rakxosakodde gantth poddtta. To ram' – lokxmonnak khaupak polloita ten'na ram' – lokxmonn tache hat toddun taka marun uddoitat. Tachem dohon kortokoch, te chitetlean kobondh tejixtt rupant prokott zaun, ramak sugravo hea vanrorazakodde ixttagot kelear sita mellttoli oxem sangta. Kobondhache suchounne voilean ram' motongounant vota. Thoim taka xobri melltta.
Kixkindhakandd
बदल67 sorg. Pompa sorouramhoreant ramachi sugrivakodde bhett zata. Vali ho sugrivacho vhoddlo bhavo. Tannem sugrivache bailecho ophar korun taka vonvas apnnaupak layil'lo asta. Mhonnut valichem paripty korun apunn tuka tartolo oxem ram' sugrivak ut'tor dita. Sugrivuy ramak sitecho sod korpachem obhivchon dita. Uprant sugrivo ramavangodda kixkindhek vota ani valik yudhdachem auhan dita. Vali ani sugrivo hanche yudhd chalu astana, tharail'leapromann raman valicher bann soddun taka marpacho asta. Punn daguy zann ek sarke dixil'lean ram' gondllotta ani sugrivo vali koddlean mar khaun pollun vota. Punn vollkhikhatir gojpuxpi val sugrivachea golleant ghalun portun yudhd zata ani ram' taka marta.Kixkindha nograchea ximvasonacher sugrivacho rajeabhixek zata. Uprant sugrivuy sitecho sod gheunk lagta. Tekhatir vanranchim pothkam sogllea dikamni dhaddttat. Dokxinneutten gel'lea vanrambhitor honumont ani valicho put ongod asta. Eka porvotachea pottharacher tankam zottayucho vhoddlo bhavo sompati melltta ani tachekoddlean tankam kolltta ki raunn, lonka namvachea romnni-i vdipacher rauta. Punn sagor par korun lonkent vochpacho prosn yetkoch honuman ti zobabodari apnnacher gheta ani mohendr porvotachea xikhracher ubo rauta.
Sundrokandd
बदल68 sorg. Hatunt choddxo chomtkarik kotha asat. Mohendr porvotauylean honuman trikuttachol porvotacher voxil'le lonkechem dorxon gheta ani rati vellar lonkent bhitor sorta. Sod ghetna oxokounant taka sita dista. Raunn thoim yeun tika vox korpacho yotn korta ani sita taka jhddokarota. Sitechem hem dukhkh polloun honumonak vaitt dista. Uprant sitek mellun vollkhi khatir tika ram'mudrika dakhoita ani tika vhorpakhatir ram' vhodd soiny gheun yetlo oxem axrvason dita. Siten dil'lo chuddamonni mhollear vinnyent ghalpachem rotn gheun to ramakodde vota. Punn vota astona raunnak aplea xoireachi zannvikai korun divpakhatir toxench tachi-i xoky polloupakhatir raunnachem upoun udhvost korta. Uprant lonkechem-i dohon korun ramakodde vota.
Yudhdokandd
बदल128 sorg. Hatunt ram' ani raunn hanchea zhuzacho vrit'tant asa. Ram' lokxmonn vanrosenesoit doreadeger yetat. Punn yedo vhodd dorea koso humpop oso tankam prosn poddtta. Ten'nach vibhixonn, sitek lagun raunnakodde vad zal'lean ramak yeun melltta. Vibhixonnache sangnnen, ram' doreachi upasona kortokoch dorea, ramak, vixrvokomreacho put nol hacheurovim setu bandun lonkekodde vochpak suchoita. Vanranchea adaran nol sagracher setu bandta. Zhuz suru zauchepoilim valicho put ongod raunnakodde xixtti korun vota punn tatunt taka yox mellna. Zhuz suru zata. Indrojit ram' – lokxmonnak nagpaxamni bandta, punn thoim gorudd yeta ani nag pollun votat. Ram' raunnachi roth moddun, raunnak bexudhd korta punn jivo marna. Uprant kumbhokrnnak marta. Indrojit svota odhxy zaun vanrosenecher hol'lo korta, brohmastrachea adaran ram' – lokxmonnak nixrchextt korta. Ten'na honuman tankam mohoxodhincho vas divn zago korta. Fuddem indrojit mayavi sita nirmann korta ani vanranchea samkar tika jivi marta. Tem polloun ram' portun ghumvll yeun poddtta. Vibhixonn ramak ti mayavi sita mhonnun sangtokoch ram' – raunnachem zhuz suru zataani raunn morta. Ram', vobhixonnak raunnachem rajy dita. Sitek ram' mhoreant haddttat ten'na ram' sitechea choritreavixim dubavo gheta, sita ognidivy korta. Sita povitr axil'leachem ognideuta sangtokoch ram' tika apnnaita ani oyodhyek yeta. Ramacho rajyobhixek zata.
Ut'torokandd
बदल111 sorg. Sonxodhokanchea motan hem kandd mhollear mullchea kaveant poddil'li bhor. Ram' oyodhyek yetkoch soglle riximuni ani proza tachem svagot korta. Uprant sitek dis votat. Punn siteche xudhdivixim lokopovad patllotta. Ramak mat tichevixim il'loi dubavo nasta. Punn lokank dekh ghalun dvopakhatir dukhkhi monan to sitecho teag korta. Lokxmonnuy dukhest monan tika gongeche poltoddim, tomsa nhomyedeger valmiki munichea axroma lagsar soddun yeta. Uprant valmiki muni tika alaxiro dita. Thoinch tika uprant valmiki muni tika alaxiro dita. Thoinch tika uprant kuxi ani lou oxe don zumvlle put zatat. Ram' oxvomedh yogone korta, ten'na valmiki aplea xixeank gheun thoim yeta. Lou kuxak to ramainn gaupak laita. Ten'na ramak te aple put mhonnpachem somzota. Uprant sitechi itsa aslear tinnem aple xudhdotecho nirvallo divcho oso ram', valmikikodde sitek rokad dhaddtta. Sita apli xudhdota sidhd korpak yeta punn dhortimatek ul'lekhun mhonntta ki apunn xudhd aslear pottant ghe. Toxench ghoddtta. Lokank ozap zata. Ram' khub dukhkhi zata. Uprant lou kux ramachem bhovixyochoritr sangpi ut'torokauy gaitat. Ut'torokanddache nimannem protyokx kall yeun ramak melltta ani ramak ott ghalta apunn tujekodden uloitona konnuch tika mellunk yeunk fauna.
Toxem zalear tuvem taka marcho poddttolo. Tekhatir kall ani ram' uloita astona, lokxmonn daracher rokxok mhonnun rauta. Teach vellar durvasomuni ramak mellpak yeta. Ramak mellunk dilo na zalear ramak, nograk mellpak yeta. Ramak mellunk dilo na zalear ramak, nograk ani dexak apunn xap ditlo mhonnpachi dhomkaunni dita. Tekhatir upai naxil'lean lokxmonn bhitor vochun durvas ayil'leachem ramak sangta. Niymobhong kel'lean lokxmonnak xason korchench poddtta. Sojzonancho teag korop ani vodh korop heo donuy gozali sarkeoch axil'lean ram' lokxmonnak marinasotana kheast mhonn tacho teag korta. Lokxmonn xoryu deger vota thoim tachem nirvann zata. Uprant lou kuxak rajeabhixek korun ram' mohaprosthanak vota. Soglle prannteag kortat. Ramavangodda ayil'lea soglleank bori goti melltta. Ut'torokanddant yoyati deveani kotha, indran vritroudhachi kotha, mitr ani vorunn hanchi ani puruchi kotha, brahmannanchem mahatmy vaddoup mojkur asa. Valmikimunin mull ramainn rochlam aslem tori tache uprant kitlinxinch ramoinnam boroup zalim. Tatuntlean ramachea ani sitechea vyoktirekhank aplea vixixtt totvik dhormik vicharank susongot oxem rup divpache yotn zaleant ani oxa yotnantleamnuy kaim ramainnam toyar zaleant. Somskritantlea ramainnant bhuxunddi ramainn, odbhut ramainn, odheatm' ramainn ani anond ramainn him chodd ul'lekh korpasarokim asat. Bhuxunddi ramainnant modhuri bhokticho purskar kela. Odbhut ramainnant siteche vyoktirekhek durgechem rup divn xotmukhi raunnacho vodh siten kel'leachem dakhoilam.
Sita hi raunnachi dhuv koxi zali hachoi vrit'tant hea ramainnant asa. Anond ramainnant choddxo ramachea rajyokarobharacheo kotha asat. Moharaxttri prakritantolem vimlosuriche pumochoriy ani mohakovi svoimbhu hachem bhaxentolem pumochorivo hi zoin mohakaveam ramkothecher adaril'lim asat. Vingodd vingodd bharti-i bhaxamni jim ramoinnam zaleant, tatunt tulsidasachem ramchoritomanos hem khub lokpriy asa. Xikhancho dhavo guru govindosing hannem ramautar hea namvan ek ramoinn boroilem. Dokxinnent kombnachem tomill bhaxentolem komb ramainn prosid'd asa. Kon'nodd bhaxent kouxik ramainn asa. Telgunt ‘rongnath ramainnom'’ , ‘bhaskor ramainnam’ asat. Moratthint, sont eknathan’ bhavarth ramainn’ rochlem. Somrth ramdasan ramainnanchim sundri ani yudhd him don kanddam rochlim anim ramoinnachem sar sanglem. Lagim lagim soglleach bharti-i bhaxamni ramainnacheo aurit'ti prosid'd zaleat. Axiai chodd korun agney axiantlea lokancher ramainnacho khub vhodd probhavo disun yeta. Prachin zavaniz bhaxent ek ramainn rochil'lem asa. Nepall ani xrilonkent ramainn asach punn zopan, molexia, filipins, thailondd, laos, brohmodex hea dexamni-i ramainn paulam. Ramkothecher adarit kauy – nattkam oxem khub sahity vingodd vingodd bhasamni asa. Toxench xilpakriti ani ruponn kolantleanuy ramainnacho avixkar disun yeta.
Sondorbh
बदल
