Razanchim Pustokam
| |
Romi
|
|
Razanchim Pustokam
बदलBook of Kings 1 and 2
Razanchim Pustokam (Poilem ani dusrem) toxench Samuelachim Pustokam (Poilem ani dusrem), Hebrev Povitr Pustokant ekuch Pustok koxem aslem.
Samuelachea Pustokant xevottak ieta tem Razanchea Pustokant chalu urta. Dekhik : 1 Raz. 1-2 he ovesvor 2Sam. 9-20 hache xevottache ovesvor zaun asat. Solomon hache karkirdicho bhag (1Raz. 3-11), tache Zannvaiechi, tache girestkaiechi, tanchea bandkamachea vaurachi odik korun Jerusaleachea Mondirachea bandkamachi bariksannen khobor dita. Solomon 931 vorsa morta ni Rajki ani dhormik futt poddta (1Raz. 12-13). 1Raz 14 tem 2 Raz. 17 hantunt, Israel ani Judah hea donui razvottkeancho itihas dila – Ejipt, Judacher akromonn korta; Siriekar ut’torechea kullancher akromonn kortat. Punn jedna Assiriechi fouz bhitor sorta tedna akant vaddta, poilim nnovea xenkddeant ani magir atthvea xenkddeant jedna 721 vorsant Samariacho bhosm zata. Judachi kotha chalu urta (2Raz. 18-25/21) ani 587 vorsa Judachem nisontton zaum meren cholta. Hea pustokant don razvottkeancho ul’lekh asa: Hezekiachi razvottki (2Raz. 18-20) ani Josiachi razvottki (2Raz. 22-23). Hea kallantleo mukhel ghoddnnio mhollear Hezekia raza astana, 701 vorsant, Sennakerib bhitor sorta, ani Josiachea kallar, Assiriecho bhosm zaun, Kaldiekaranchem rajea unch sorta. Hea pustokachea xevottak don lhan purvonnam asant ( 2Raz. 25/22-30).
Razanchim Pustokam boroileant toxim vachunk zai: Soddvonnecho itihas, venchun kaddlole porjechem onupkarponn ani raxttrancho bhosm zata tem polleun Devachi ievzonn puri zaunchi na mhonn bhirant asta. Punn thodde bhavarthi, ‘Baalak dimbi moddinant’, hem khub bhorvanxeachem zata. Ani Devachi ievzonn konnachean addaunk zaina mhonn kollon ieta.