Ruzai Saibinnicho Ters - The Holy Rosary
| |
Romi
|
|
Ters Mhonnchi Rit - How to Pray The Rosary
बदल- Santa Khursachi Kuru kadd ani Apostalchim sot’manta mhonn.
- Somiache Magnnem mhonn.
- Bhoddveacho noman (Noman Marie) ti’in pavti mhonn.
- Mohima Bapa mhonn.
- Poilo mister mhonn ; uprant Somiache magnnem mhonn.
- Mister nihall korn, da povtim Bhodveacho noman mhonn.
- Mohima Bapa mhonn.
- Dor ek mistera uprant hem magnnem mhonn “Mhojea Jezu, amkam bhogos, emkhonddantlea ujeantle amkam nivar. Purgotoritleam otmeank pav, odhik korun chodd goroz asleleank.”
- Dusro Mister sang. Uprant somiache Magnnem mhonn. Voir boraila 6,7,ani 8 kor ani mukarsun tisro, chovto ani panschvo mister mhonn.
- Panch mistera uprant “Noman Rannie” mhonn.
- Somara ani sonvara –sontosache mister, Mungllara ani Sukrara – Dukiche mister, Budvara ani aithara – horkache mister, Brestara- Uzvaddache mister sangche.
Santa Khursachi Kuru - The Sign of The Cross - Signum Crucis
बदलSanta Khursache + kurven,
nivar amkam + amchea Deva,
amchea + dusmanantlem.
Bapache nanvim, + ani Putrache, ani Spirit Santache Nanvim.
Amen.
Apostolamchem vo Sotmandtam - The Apostles' Creed - Credo
बदलSotmandtam Deva Bapa Sorvhukumdara Bapak, sorga ani prithumechea Rochnnara.
Ani Jezu Krista, Tachea ekleach Putra, amchea Suamia. Zo Spirit Santa vorvim gorb sombovlo, Ankvar Morieche kuxint zolmolo, Pons Pilata khal upodrekoxtt soslet, khursar zoddlo, melo ani nikhipilo.
Limbant denvlo, tisrea disa meleleantlo jivont zalo. Sorgar choddlo, Sorhukumdara Deva Bapachea uzvea hata bosla, Thuim than ietolo jiveam ani meleleanchi mun'subi korunk,
Sotmandtam Deva Spirita Santa, Santa Igroz Katolk, bhoktancho ektar, Patkanchem bhogsonnem, kuddichem Jivontponn, Ogonnit jinn,
Amen.
Doniachem Magnnem, Amchea Bapa - Our Father, The Lord's Prayer - Pater Noster
बदलAmchea Bapa, Tum sorgar asai, | Tujem Nanv vhodd zanv, | Tujem raz amkam ienv, | Tuji khuxi zoxi sorgar zata, | toxi sonvsarant zanv. Amcho dispotto giras aiz amkam di, | ani amchim patkam bogos, zoxe ami amcher chukleleank bhogxitanv, | Ani amkam tallnnent poddonk dinv naka, | punn amkam vaitta vignantle nivar. |
Amen.
Noman Morie - Hail Mary - Ave Maria
बदलNoman Morie, Kurpen Bhorlele, Suam Dev Tuje thaim asa, Ostoream bhitor tum sodoiv, ani sodoiv foll tuje kuxichem Jezu
Santa Morie, Devache Maie, ami papiam khatir vinot kor, atam ani amchea mornnachea vellar.
Amen.
Onod Bapak - Glory Be - Gloria Patri
बदलOnod Bapak ani Putrak ani Spirit Santak: Zoso adim, tosoch atam ani sodam sorvotam.
Amen.
Bagevonti Ruzariche Mister - Mysteries of the Holy Rosary
बदलSontosache Mister - The Joyful Mysteries
बदल1. Anj Boddvea Gabrielan khobor dili Ankvar Mariek, tichea kusveant zolmotolo mhonn, Devacho put, ani Povitr Atmeache kurpen ti ghorbest zali. (Luke 1:26-38) “Noman, Devache kurpen bhorelê. Somi Dev Tujê thãi asa”. (Luke 1:28) “Hi asma hanv Devachi Chakorn, Tujea utra promonnem mhojê sovem zaum (Luke 1:38)
2. Ghorbest astana Ankvar Mari, gorbhest Elizabetik aple mauxe-bhoinnik, bhett korunk gheli, ani tiche thaim tin mhoine ravli “Ostoream bhitor tum sodoiv ani sodoiv tujê kuxichem foll.” (Luke1:42) “Ani tunvem sotman’leim dekhun tum subhagi, tor Devan tuka sanglam tem ghoddtelem.” (Luke 1:45)
3. Belea nogrant, gorvanchea gotteant, monzatim modem, Ankvar Mari Ballka Jezuk porsut zali. (Luke 2:1-7) “Tor az Davidachea nogrant tumkam êk Soddvonndar zolmola to Krist Somi.”(Lk 2:11) “Devan sonvsarocho itlo mog kelo ki Tannem Aplea ekleach Putak vopun dilo, Tacher visvas thevtat team sogleancho nas zainam zauncheak, punn tankam sasnnachem jivit mellcheak.” (Juanvan 3:16)
4. Challis disam uprant, Ankvar Marien Ballka Jezuk dev-templant bhettoilo, ani dilo Taka Simeanvachea hatant, zannem taka ollkhol sonvasaracho Tarok mhonn vollkholo ani dilim vhodd argam. (Luke 2:22-40) “Tor Tuji soddvonn dekhli hanvem Sorv raxttram kukhar toiar kel’li (Luke 2:30-31) “Videxeank uzvadd ghalto divo, Man tujê Izrael porjecho.” (Luke 2:32)
5. Ballok Jezu porbechea disa sanddlea uprant, tin disanim, Jeruzaleachea templant mell’lo. (Luke2:41-52) “Ani tin disam uprant xastream modem bosun tanchem aikun ani tankam vichar korun also toso mell’lo. Tachem aikotale tankam somestank tachea gineanachem ani tacheam zobabanchem mottem ojap dislem. (Luke 2:46-47) “Tachi avoi hem sogllem aplea kallzant samballun dovortali.” (Luke 2:51)
Dukiche Mister - The Sorrowful Mysteries
बदल1. Somi Jezu Krist, Getsemanichea moleant magnnem kortanam, amcheam patkam pasot rogot humelo.(Luke 22:39-44) “Tallnnent poddonam zauncheak, magnnem korat” (Luke 22:40) “Ani mornnachea akantak sampddon, odik khotkhotean magnnem kortalo. Ani Tacho gham’ rogtacheam thembeam vori dhornnir golltlalo” (Luke 22:44)
2. Pilatachea raz-agnnant,Somia Jezu Kristak eka khambeak bandlo ani vhodde nixturaien, Tachi povitr kudd jerbondamnim fafxili. (JU 19:1) “Khorench mhollear, amchea opradhank lagun taka aspas vidhlo, amchea guneanvank lagun taka vollvollailo. Tacher xikxa poddlea tiche vorvim amkam xanti mell'lli, ani tachea ghaiank lagun amche ghai pekle.”(Isaiah 53:5) “Mhojea nanva pasot sogllo lok tumcho dvês kortolo; pun xevottak pasun thir ravot toch taronn zôddtolo.” (Mt 10:22)
3. Somi Jezu Kristachea mostokar, team nixttur Judevamnim ek kantteeancho mukutt bosoilo (JU19:2) “Novean bhair ieun Pilatan tankam mhonnlem: “Polleiat, tacho mhaka kosloch guneanv mellonam mhonn tumkam kollon ieuncheak hanv Taka bhair haddtam.” (JU 19:4) “…mhaka tacho kosloch guneanv mellonam.”
4. Somi Jezu Krist, Aplea khandar to bharadik khuris gheun Kalvar dongrachi vatt tankta (JU 19:17) “Taka gheun vetastanam konneklea Simanv Siren’karak tãnnim vetthik dhorlo. – to kheddea-ganvathlo ietalo, ani Jezu pattlean khuris gheun vochunk tachea khandar to dilo.” (Luke 23:26) “Konnak mhozo pattlav korunk khoxi asa zait, tannem apnnakuch patt korchi, aplo khuris gheuncho ani Mhojê pattlean ieunchem.(Mk 8:34)
5. Amchea Somiak sobhe mazar ani Ankvar Marieche dixtti mukhar vingllo korun dogma choram modem khursar zoddlo (Luke 23:44-46) “Aplê avoik ani tichê kuxik aslelea mogachea xisak polleun, Jezun avoik mhonnlem: Ostorê, ho tuzo put!” Uprant xisak mhonnlem: “Hi Tuji avoi!”. (JU 19:26,27)
Horkache Mister - The Glorious Mysteries
बदल1. Somi Jezu Krist tisrea disa Aplech podven mele’leantlo jivont zalo.(Mk 16:1-8) “Punnorjivontponn ani jivit Hanvuch.Zo konn Mhojer visvas dovorta, to melo-i zalear jivo astolo (JU 11:25) “Satolleacha poila disa, sokallim jivont zaun, To poilo Mari Maggdalinak dixtti poddlo”.(Mk 16:9)
2.Somi Jezu Krist jivont zatoch challis disani porzollit zaun sorgar choddlo. (Mk 16:19; D.I. 1:6-11) “Mon’xacho Put Apleam dutam borobor Aplea Bapaichea voibhovan ietolo.” (Mt 16:27) “Hanv Alfa ani Omega poilo ani nimanno, oromb ani xevott” (PROK. 22:13)
3. Somi Jezu Krist sorgar vetoch, patthoilo Povitr Atmeak Ankvar Mori ani Aplea Xisancher. (D.I. 2:1-12) “Ani ujeacheo koxeo jibô tankam dixtti poddleo. Teo fanttleo ani tancher ek-ekleacher bosleo. Te sogle Povitr Atmean bhorle.” (D.I. 2:3,4) “Devan Amkam bhivkutto Atmo diunk nam, bogor ghottaicho, mogacho ani amkam domavun dovota toslo.” (2 Tim 1:7)
4. Ankvar Moriek kuddi-atmea soit sorgar vheli. (Luke 1:46-55) “Jednam lhan’vikai aplê dasichi Dulobaien tannem ollkhun ghettli, Polleiat, atanchean soglleo pillgeo Subhagi mhonn mhaka pacharteleo.” (Lk 1:48) “Hê porim, zoxem patkan mornna vorvim rajvoddki choloili, toxem amchea Somia Jezu Krista udexim, sasnnachea jivitak pavoita tea nitivontponna vorvim kurpen rajvoddki cholounchi (Rom 5:21)
5. Ankvar Moriek mukuttaili ani sorga-sonvsarachi Ranni tika keli. (PROK 12:1) “Tednam sorgar thavn êk motti kunna dixtti poddli; ek bail surean nhesleli; tichea pãiam tolla chondrim’ ani tichê tokler bara noketrancho mukutt. ” (PROK 12:1) "Podvedarank sodrer thaun denvoile ani khalte asle tankam voir ukol’le” (Lk 1:52) “Mhojea Jezu, amkam bhogos, emkhon'ddantlea ujeantle amkam nivar. Purgotoritleam othmeank pav, odhik korun chodd goroz asleleank”
Sorv-vornitam tuka Rannie - Hail, Holy Queen - Salve Regina
बदलSorv-vornitam tuka Rannie Kakutiche Maie,
Tum amchem jivit,
ambrut ani bhorvanso;
tuka sorvornitam. Ami pordexi Evechim ballkam,
hea dukhanchea konndant astana, askar ani susnar
soddun, rudon korun tuka prarthanv.
Tor tum amche xeratini te tuje kakutiche dolle
amche voir porot ghe Maie, ani hea pordesa uprant, tuje kuxichem
sufoll foll, Jezu amkam dakhoi;
Eh xanti, Eh konvalle, Eh dulobi sodanch Ankvar Morie.
Vinot kor amche pasun bhagivonti Devache Mai, amkam favo zanvcheak jem Jezu Kristan bhasailam. Amen
Saibinnichi Ladin - Litany of Loretto
बदलSorespora Deva, amchi Kakut kor
Krista Somia, amchi Kakut kor
Sorespora Deva, amchi Kakut kor
Krista Somia aik amkam
Krista Somia, Doien aik amkam
Deva, Sorginchea Bapa – Kakut amchi kor
Deva Puta, Sonvsarachea Soddvonndara – Kakut amchi kor
Deva Povitr atmea – Kakut amchi kor
Bhov Povitr Trindadi ekleach Deva - Kakut amchi kor
Bhagevonti Morie, Amchea pasot mag
Bhagevonti Devache Maie, Amchea pasot mag
Bhagevonti Ankvarinche Ankvari, Amchea pasot mag
Kristache Maie, Amchea pasot mag
Povitr sobheche Maie, Amchea pasot mag
Dev Kurpeche Maie, Amchea pasot mag
Bhov nitoll Maie, Amchea pasot mag
Bhov nirmoll Maie, Amchea pasot mag
Bhoxttav naslele Maie, Amchea pasot mag
Khot lagonk naslele Maie, Amchea pasot mag
Mogall Maie, Amchea pasot mag
Ojapanche Maie, Amchea pasot mag
Bore bud’diche Maie, Amchea pasot mag
Rochnarache Maie, Amchea pasot mag
Sorvonddarache Maie, Amchea pasot mag
Bhov Xanne Ankvari, Amchea pasot mag
Man favo aslele Ankvari, Amchea pasot mag
Onod favo aslele Ankvari, Amchea pasot mag
Podvedar Ankvari, Amchea pasot mag
Kakutsar Ankvari, Amchea pasot mag
Visvaxi Ankvari, Amchea pasot mag
Niai-Nitichea Arxea, Amchea pasot mag
Zanvaiechea Arxea, Amchea pasot mag
Amchea Sontosachea Prestava, Amchea pasot mag
Dev Kurpechea Aidona, Amchea pasot mag
Manachea Aidona, Amchea pasot mag
Ut’tom hokitichea Aidona, Amchea pasot mag
Ghuttachea Gulaba, Amchea pasot mag
Davidache Minari, Amchea pasot mag
Marfinche Minari, Amchea pasot mag
Bhangarachea Ghora, Amchea pasot mag
Ekvottachea Arka, Amchea pasot mag
Sorgachea Darvonttea, Amchea pasot mag
Fanteavelea Nokhetra, Amchea pasot mag
Piddevontach Bholaike, Amchea pasot mag
Patkeanchea Asrea, Amchea pasot mag
Dukhestanche Bhuzvondare, Amchea pasot mag
Kristavanchea Alaxirea, Amchea pasot mag
Bhoddveanche Rannie, Amchea pasot mag
Kul-bapanche Rannie, Amchea pasot mag
Provadiance Rannie, Amchea pasot mag
Prexitanche Rannie, Amchea pasot mag
Dhorm-viranche Rannie,Amchea pasot mag
Ankvarinche Rannie,Amchea pasot mag
Soglean Bhoktanche Rannie, Amchea pasot mag
Soimbhachea khotavinn gorbh sombhovlele Rannie, Amchea pasot mag
Kuddi-Atmea soit sorgar vhelele Rannie, Amchea pasot mag
Kuttumbache Rannie, Amchea pasot mag
Sovostaieche Rannie, Amchea pasot mag
Devache Xellie sonvsarachim patkam kaddtele – Amkam Bhogos Saiba
Devache Xellie sonvsarachim patkam kaddtele – Doien Amkam Aik Saiba
Devache Xellie sonvsarachim patkam kaddtele – Amchi Kakut kor
Bhov Povitr Ruzariche Rannie, amche pasun mag Kristacheo bhasavnneo amkam labhum-xeo zauncheak.
MAGUIM-IA: Tujea gopant ami uddun ietanv, Devache eh bhagevont Maie, amcheam
gorzamnim, amchea magnneannchi beporva korum naka, punn sorvoi vaittantle, eh sodanch
onodvont ani sodoiv Ankvari amkam nivar. Amen.
PRARTHUM-IA
Deva ekleach Tujea Putan Aplea jivita mornna ani jivontponna vorvim, amkam sasnachea
sukhacho mukutt zoddlo; Bhagevont Ankvar Marieche bhovpovitr Ruzaiche mister ami
nihaalltoleamnim tantun attaplelem asa tachi dekh gheumxi ani bhasailelem asa tem tankam
mello-xem kor mhonn magtanv. Teach amchea Svamia, Jezu Krista vorvim.
Amen.
Devacho adar sodankal amche thaim asum.
Oxem Zaun.