मुखेल सूची उगडात
ह्या विषयावयर देवनागारींत बरयिल्लें पान वाच : सामुयेल आचीं पुस्तकां

Samuel achim Pustokamबदल

Books of Samuel

 
Ernst Josephson, David and Saul, 1878.
 
Hannah presenting Samuel to Eli, by Jan Victors, 1645.



Fuddareancho kall sompun, Israelant Rajaxaiecho kall suru zalo. Hea kallantli khobor Samuelachea Pustokant boroiloli mellta. Oso ho bodol ghoddun ieunk teg mukheli monis asat. Poilo zaun asa Samuel, zo nimanno mhan Mon’subidar aslo. Dusro mhollear Saul ho Israel desacho poilo raza aslo. Ani tisro mhollear David. Hea pustokant Samuel, Saul ani David hanchea jivitacho itihas ani tanche razvottkechi khobor boroiloli asa.

Hea pustokache panch vibhag keleat. Te oxe :

1. Samuel, 1 Sam. 1 – 7

2. Samuel ani Saulu, 1 Sam. 8-15

3. Saulu ani David, 1 Sam. 16-2Sam.1

4. David, 2 Sam. 2 – 20

5. Purvonnam, 2 Sam. 21 – 24.

Pustokache kanniecho vixoi Adlea Korarantlea her itihasik boroupam porim mhonnge Devak visvaxi asloleank zoit ani Tachea utrar add vochpeank khastichem formonn. Mha-iadnik Eli-k Sorvesporacho sondex ukteponnim sangta : “Zo konn mhaka man dita, taka Hanv manan lekhtolom. Ani zo konn mhaka unnak lekhta, taka okmanaitolom. “ 1 Sam. 2/30.


 
David and Bathsheba, by Artemisia Gentileschi. David is in the background, standing on a balcony.

Rajxai sthapche adim, fuddareanchim misoll bhavnnam hea pustokant nond keleant. Israelkarancho khoro raza, orxim Sorvespor aslo. Punn porjechea magnneak lagun. Sorvespor porjek raza vinchun kaddun dita. Tor, Devache niti khala ani razache podve khala, Israelkar koxe jiele, teo mhotvacheo gozali hea pustokant asat (2/7-10) Devachea updesam khala, soglle porjek, magir to girest zaum vo gorib zaum, ekech nodren polleunk zai aslo.

Rajaxaiecho kall suru zalo tea viximchi khobor ani porampora vachunk mellta. Korarachi arkpett luttun haddli ani Filistevkaramnim ti apnnaxim dovorli ti kanni asa (1Sam. 4-6). Hi kanni 2Sam. 6 hea ovesvorant chalu urta, punn Samuelachi khobor he kannient korunk na. 1Sam. 1-3 hea ovesvorant Samuelachea bhurgeaponnachi khobor kelear zalear 1Sam. 7 hea ovesvorant, Samuel nimanno fuddari ani konn porim to Filistevkaranchea hatantli suttka mellounk toiari korta tem vachunk mellta. Rajaxai sthapunk Samuelan mhotvachi bhumika kelea, (1Sam. 8 – 12).


Filistevkaram add Sauluchea zhuzanchi khobor kelea 1Sam. 13 ani 1Sam. 14. Tori Sauluk nakarta ti khobor, 1 Sam. 13/7b-15 ani 1Sam. 15 hea ovesvorant vachunk mellta. Magir Samuel, Davidak raza makhta. Ani ak’khem Israel Davidak raza mhonn mandun gheta (2Sam. 5/12).

2Sam. 6 hantunt arkpett hachi khobor novena chalu kelea; 2Sam. 7 hantunt Nathanachem bhakit, 2Sam. 8 hantunt sonkxep kela ani 2Sam. 8-24 hea ovesvorant Davidan ak’khea Israelacher koxe toren razvottki choloili tachi bariksannem khobor dilea. Aplem rajea vistarunk dusmana add zhuzam kelim tem vornnilam. David Devacher bhavarth dovorpi ani teach borabot aple porjek sodanch boreponn divpi mhonn hea pustokant chitarlam. Tech porim David mha- patok korta ani Nathan provadian tem mha-patok dakhoun ditoch David ti xikxa bhogunk toiar zata.

Samuelachim Pustokam amkam dhormik xikovnn ditat. Sonvsarant Devachem raj bandunk kosleo-kosleo addkholi ieun ietat tem ugddapem zata. David hea addkholincher zoit vhorta; tea adim Saulu ani tachea uprant aileat tanchea patkank lagun Dev desacho bhosm korta. Jezu, Davidachea kullantlo mhonn jahir kela ani lok Davidacho Put mhonn taka noman korun to Messias mhonn mandun ghetat.

Polleiatबदल

Samuel achem Poilem Pustok

Samuel achem Dusrem Pustok

Books_of_Samuel

Devachem Utor - Povitr Pustok

Books_of_the_Bible

Bible

ह्या विषयावयर देवनागारींत बरयिल्लें पान वाच : सामुयेल आचीं पुस्तकां


Sandarbhबदल

"https://gom.wikipedia.org/w/index.php?title=Samuel_achim_Pustokam&oldid=170029" चे कडल्यान परतून मेळयलें