मुखेल सूची उगडात

Upodexok hem Pustokबदल

Ecclesiastes

Grik bhaxen Ekklesiastes ani Hebrev bhaxen Qohelet, hea sobdancho orth mhollear eke dhormik Zomaticho fuddari vo ek dhormik zomat ghoddun haddpi ani hea orthan tea mon’xak ek provochonkar vo sobhemazar uloupi oxem mhonnum ieta. He kherit dixen Konknnintlean tea sobdacho onkar mhollear Upodexok.

Hea pustokachea boroupean (zaum to ek vo sobar lekhok) disa-dispott’tea jivitacho khol onnbhov ghetla. Dista te porim tannem mon’xachea jivitachea jin’nos bhazunchem barik xikop kelam ani zaiteo bhonvddeo marun, veg-veglli mon’xachi poristhiti onnbhovlea.

Tacho mukhel sondex pustokache survatekuch – eka xlokan (1/2) panch pavtt tench utor – ani xevottak (12/8), spoxtt zata : “Polkeponnachem polkeponn, sogllem mhollear polkeponn.

Mon’xachem jivit mhollear ek orth naxil’lea ghoddnneanchi sankholl 3/1-13! Soglleo vostu mon’xak fosoitat. Sogllo tacho koxtti vavr nirfoll (1/4-11); Zannvai odik guspagondoll anink noxtt vaddoita (1/12-18); sonvsari khuxalkai mon’xak togta toslem dhadosponn dina (2/1-12); borea ani vaitt mon’xacho, zannaracho ani pixeacho xevott ekuch (2/13-17); grestkaie ani vhoddponna pattlean dhanvtolo monis varea pattlean dhanvtolea eka pisatt mon’xa sarkho (2/18-26). Suria pondak ghoddtolea ghoddneancher mon’xak visvas na; soglleachi taka vaz ani vitt ailea; khoinchech vostuk mol na ! “Borea vo promannik mon’xak Dev hea sonvsarant inam’ dita tor vaittoveak ani noxttea mon’xak To khast laita’ – hi poromporechi xikovnn Joba porim, Upodexok noikarta ani tem totv sarkhem nhoi mhonn aplea khaxa onnbhovantlean sobar purave dita (7/25-8/14). Fuddarachem chintlear mon’xak khori surokxa ani xan’tatai mellona (3/21; 9/10; 12/7); khoreponnim, xanneak ani murkhak, grestak ani dublleak, mon’xak ani zonavorak ekuch xevott : moron konnakuch chukona (2/13-17; 3/18-20). Ak’khea pustokant, Upodexok tore-torechim noxttam vo vaittam dakholl korta ani suria pondak hea sonvsarant ghoddta titlem-I ek polkeponn mhonn portun portun sangta.

Polleiatबदल

Upodexok hem Pustok

Ecclesiastes

Devachem Utor - Povitr Pustok

Books_of_the_Bible

Bible

ह्या विषयावयर देवनागारींत बरयिल्लें पान वाच : उपदेशक हें पुस्तक


Sandarbhबदल

"https://gom.wikipedia.org/w/index.php?title=Upodexok_hem_Pustok&oldid=170080" चे कडल्यान परतून मेळयलें