Verna

Ugom

‘Verna’ hem nanv Italychea Tuscany prodexant sthit 'La Verna' zagea savn ailam. Assisicho St. Francis, La Verna, hea zagear rautalo. Oxem mhonntat ki Vernachea pornnea Mardol zageak adi Varunapuri mhonntalet. Varunapuri mhonllear somdirache devachem xhar. Varuna mhonnllear somdiracho dev ani puri mhonllear xhar. Verna ganvche uttor purv dishent Sal nhoi vanvta. Hea ganvant doria vell na. Eke adle mog kannye promonnem Vishnu nanvacho cholo ani Aruna nanvachi choli ekamekacho mog kortalim.Punn ganvkarani hea zodpeak jivexim marlim ani tanchi modim laslim. Oxem mantat ki Arunacho ‘Varuna’ hea fullache zhadache rupan punorzolm zalo. Haka lagun Verna hem nanv hea ganvak podlem oxem mantat. Aruna mhonllear fantod. Fantod hi eka tajeponachem protik zavun asa. Teach bhaxen Verna ganvant kolkolte ani shitoll zori ani tollim hea ganvant shitoll ani tazem vatavoronn hadtat. Dekhun purtugezani hea ganvak tazi bhuim oxem nanv dovorlem.

Ganv

Verna ganvank Verna panchayat lagu zata. Hea ganvche 16 vadeanim vantlolo asa. Verna ganvche vadeanchim nanvam oxim asat Poribhatt, Cumborda, Dignnem, Povacao, Bamborda, Senaulim, Mathol, Old Mardol, Sodovi, Ambulor, Mungrupoi, Dulape, Manzo, Dando, Ambeqim, Ambebhag. Kaim vadeanchi nanvam vadekaranche dhondea promonnem podleant oxem mantat. Cumborda vadeant khubxe khumbar ravtat. Poribhat vadeant adlea tempar pori (devlantlim kolvontam) ietaleo. Heo pori Mardolchea devllantlean Poribhatant ietaleo.

Yeradarichi Sovlot

Verna ganvche National Highway 17 cher (Margao-Panjim) vochpi Kadamba buses ani private buses voitat. Hea ghanvat eke khaxelem bus stand na, punn igorje lagim ek lhanxem motorcycle stand asa.

Ganvcheo bhugolik khaxeltaeo

Verna uddegik xharak(Verna Industrial Estate) ‘Verna’ hem nanv asa pun to vattar atam Nagoa ganvak lagu zata. Poilim Verna anik Nagoa ganv ekuch ganv also pun uprant te don ganv zale. Verna uddegik xharak sodlear ho ganvti vattar. Hanga vhodloso bazaar ani sovloteo nant. Ganvkar gorjechem saman hadpak Madgaum vetat. Verna Madgaumche uttor dishent 10 km pois asa.

Igorz,Devull,Munument

Igorz: 1812 hea vorsa Povocao vadeant Holy Cross Igorz bandleli. Igorz sobit ani sundor dista. Igorje fuddem vhod moll asa. Devull: Mardol vaddeant Mhalsa Narayani (Kalimata) he devtechem devull asa. Punn 1560 hea vorsa poilim heach zagear ek vhodd devull aslem. Jednam purtugezani hem devull modlem tednam lokani he devtek fondechea Mardol ganvant vhorun dovorli. Dhovo khuris: 1519 vorsak Purtugez captain Rui De Melo ani tache vangdi saxtti talukeant bhitor sorun Mardol devlla sorxim pavle. Thoim tannim chudtancho ek adsar koso kelo ani saxtint poilem mis hanga bhetoilem. Uprant he ghodnnukeche ugdasak ek Dhovo khuris bandlo. Poribhatt vaddeant Holy Cross Kopel anik Mungrupoi vaddeant Lume saibinichem Kopel asa.

Her sovloteo

Ganvant Bholaiki kendr anik khaim dispensary asat. Dr.Roque Ferreira’s hospital asa. Toshench hanga panchayat ghar, forensic laboratory anik Igorjechem hall asa.

Khell

Ganvcho Mukhell khell monlear Football. Ganvcho lok Panchyatacho moidan khelpak vaportat.

Bazar

Adim Verna saxtintlo mhotvacho ganv also. Verna eka kallar saxtiche rajpatonn aslem. Atam Verna ganvat bazarachi sovlot soddlear sogleo sovloti asat. Ganvat viz khatyachem upvibhag asa ani Igorje lagim nusteacho bazaar asa.

Xikxonnik sonstha

Vernant thodi sikxonneachim kendram assat. Vernant Government Primary High School police stationalagim asa. Firgojechem school Marina English High School, Fr. Agnel Multipurpose High School Mattolant (Ashramache lagim asa), Agnel polytechnic, Industrial Training Institute, Fr Agnel Higher secondary and College, ani Padre Conceiçao college of Engineering heo xikxonnik sonvstha asat. Marina English High School 1963 vorsa suru zallem ani tea uprant 1999 vorsa DSE chea hatakal ailem. Sumar 1200 burgim hea ishkollant xinktat. Fr. Agnel multipurpose High school 1979 vorsa suru zallem. Hea ishkollant anikui zaitea bhasanchem diploma course bhurgeank xikunk melltat te mhonnllear carpentry, cookery, auto mobile, electronic, electrical adi.

Mon Bulloupacheo Suvatteo

Mon Bulloupachiek khaxelli suvatt zaun asa uddearchi zor Amblorchea Vaddeant asa. Zaitea bonvdeakarani her dusrea ganvchem lok thui apli mouza ani picknic korpak vetat. Zaitea bhurgea zhorichea uddkant uddeo marun kuxall zatat.

Dhorm

Vernant chodd christanv dhormachem lok ravtat. Thantunt thoddea bhamonn tor thodde gaudi zatiche asat. Sumar 11000 kristi lok vernant ravtat. Hachem bair her dhormachem, Hindu ani Musalman lok ravtat.

Pikh

Vernechem lok choddxem xentant kam kortat.Xentant thandul vo bhatt roitat. Lok vaigonn roitat tea bair xineacheam disanim lok xentant kangam, osandea, chonvlleo, tamddibhaji, mullo, piao, misango chibdam aplea xentannim pikoitat.

Rosto ani Railway Station

15% Railway Station khaxeaVernantPoddta.35% Railway Station Consulimpoddtaani 50 % Railway Station NagoacheaGanvantPoddta. Verna IndustrailEstatetiklagun Verna Stationaknanvverna Railway Station mhunghatlam. National Highway-17 vernantlean passar zata.

Hear anik maiteo

Vernant 41 BPL caddam asat, ani104 NREGA caddam asat. Verna xetkaranchi Sangatna, ho ek vernachea xettkarancho ek club. Venant, Verna- Nagoa- Cooperative Society Fair price shop assam.

Gorjecheo Porbo

Vernechem mukhel Porob Mhunllear Firgojechem Fest jem Septemberachea moinneant dusrea aitarak zata. Vernechem firgojent anik don festam zatat, Gheichem ani saint Minguelachem fest jea janerachea nimannea aitrak zata. Hindu lokh Navakavri porob Novemberachea moineant manoitat.

Famad kholakar

Dodbismsaib, Julius Alvares ani Dom Custodio de pinho Zaun asa Kass Vernechem putt. Sorgest Suttkeazuzari, Karangate bi heach vernechem putt. Verna ganvant zaittea tiatrist ani kantorist asat. Sorgest Patrick fernandes ek famad tiatrist. Toxench tiatrist ani kantorist Willy Silveira Poreibhantantlo ani Sebastiao calado Mungrupoicho.

Dhuventik illaz diupi voiz

Dr. Joao Brito Araojo Senaulimcho, Dr. Francis Pantaleo Noronha Bambordacho, Dr. Rachel Estebeiro Mascarenhas senaulichim.

Vernechemadvogadd

Brian Fernandes Manza voilo, Melvina Fernandes Poreibantantlim, Lsekar Dignneantlo ani Josphina Rebello Mungrupoichi.

Famad Pradd

Vernechem lokhanchem famad pradd xittkodi ani nistem, pez, nanchneachim ambil, godxem ani tisan. Vernant zaiteo khannavolim asat, alua poreibhatant, O’quartomanzar, Saul SufleUddear aniLeonaras Mattolant.

Sanskruti ani poromporam

Vernachea lokhanchim sonskrutik kariavol mhunlear tanch kunbi dance ani Fuggdi. Tea bair zagor bi vernant zatat.