Xivoli

Xivoli
Xivoli ; शिवोली; Siolim
	village
Country	सांचो:देश आँकड़े India
Rajya	Goa
District	North Goa
Population (2001)
• Total	10,311
Languages
• Official	Konkani
Time zone	UTC+5:30 (IST)
PIN	403 517
Telephone code	0832 227

देवनागरी

Romi

Siolim Bardez talukeantlo ek ganv asa , ani lokanche sankya pormonen ek census town . Siolim, Bharatache astent kinaracher, uttar Goy Zilla podta. 2001 censusachem pormonen lokanchi sankya 10,311. Siolim goyche vidansabhechea zagache naum asa. Siolim Vidansabhechea zagyan Assagao, Anjuna and Oxel, Siolim-Marna ani Siolim-Sodiem, hea soglea suvatancho aspav asa. Hea borop Siolchea gava boddol asa. Siolim ravta tea munsheak Siolcar (सांचो:Lang-knn) muntat.

Bhugolic Sthol

Mhapxechean 7 km uprant siole ganv yeta . Shapora nhoiche deger ho ganv vosla . Hi nhoi huppak aata ek pul bandla , poilim hea pulachea zagear ferry astalim . Siolchea uttorek ‘Oxel’ ho ganv asa ,udentik ‘Camurlim’ ho ganv asa . Ostomtek Shapora nodi vhavta. Ani nodichea poltodi morji ganv melta.

Binduchi Suvat Nishit Korpak Gorjecho Don Rego

15.620’ N 73.767’E

Vadde

Siolent he soglle vadde asat : Gaunsavaddo , Bamonvaddo , Portavaddo , Tarchi Bhatt , Guddem , Dando , Raim , Mulgavaddo , Moddlembhatt , Fernandes vaddo , Pereira vaddo , Xell , Dongormarg , Costavaddo , Afframento , Querem , Vaddi , Marna ganvche vadde legit siolchea igorje sokol asat tem mhollear : Igrezvaddo , Cruzvaddo , Valadaresvaddo , Chaudddivaddo , Modlovaddo , voilovaddo . Tropa igorje sokol hem vadde ietat :- Terrirovaddo , Rodriguesvaddo , Sodiem , Tropa , Aframent , Maina , Chunnavaddo , Bancarvaddo ani pilimbi vaddo.

Shobd Xatr

‘Xivoli’ hem nanv don utram ekttai ieun zalam tim utram mhollear ‘Xinv’ ani ‘Halli’. Xinv mhollear ranacho raza ani Halli mhollear ek ganv. Poilim xivolchea ranant khub Xinv aslole . hacho puravo amkam Fr. M. De. Souza hanchea pustokant mellta.^[1]

Lok Sonkhya

2001 Bharat shirghotnne proman , siolchi lok sonkhya 10,311 asli. Tantunle 48% dadle ani 52% bailo . siolchim vachunk – borounk yevpachi sthiti 82% asa. Dadleachim vachunk borounk yevpachim sthiti 87% asa toxench bailanchim 77% asa. 9% lok sankhya 6 vorsanchea ponda asa. . siolche purai xetrfal 1403.8 hectare asa. Siole gavant 5500 kristanv lok asat ani 7000 hindu lok ravtat. .

Panchayat Ghor

Siole gavant 3 panchayat ghoram asat ti mhollear . Siole – Marna , Siole –Sodiem , Siole – Oxel .

Communidade

Don communidade asat , siolchim communidade hatun ‘Accoes’ hatun 489 Accionistas asat. Ani dusri mhollear marna communidade, jonos. Hatun 365 ‘joneiros’ asat

Bholaike Kendr

Hea bholaiki kendrachi uktavonn 2 october 1988 hea vorsa zalli. Ho bholaiki kendr igrezvaddo , marna hanga asa.

Siole Gavantleo Madhyamik ani unch Madhyamik Shalla

Siole gavant 5 madhyamik shalla asa ani ek unch madhyamik shalla asa , heo soglleo shalla eka jheleant gunthlolea vori asat ani ek songotnna goddoita ti mhollear ‘ super school complex.’ Hi songotnna dor vorsa 10 vi xikpi burgeank ek porixa ghoddoun hadta . toxech veg- vegleo sorti ghodoita. Hea panch-ui madhyamik shallanchim navam oxim asa :-

Holy Cross High School

adlea kallar , hem skoll girls convent mhunn khub nanv vostem aslem. Hea skollache sonsthapak ‘Congregation of the Daughters of the Cross ‘ 1933 hea vorsa suru kellem . ani magir 1977 sun hem skoll choleam toxech cholieam khatir ugtem zalem. Hea skollachi mukeadhyapak zaun asa Sr. Julie Rodrigues.

ST. Francis Xavier High School and Higher Sceondary School

Poilim Siole hem skoll suru zaunchem adim hem skoll Corlim gavant aslem 1937 hea vorsa , ani tea velar hacho sonsthapok Minguel Antonio D’souza aslo ani magir hem skoll 1950 hea vorsa Siole gavant vhele. 1953 sunn Missionaries of Francis De Sales (MSFS) hem skoll choloitat. 19 jun 1989 hea vorsa unnch madhyamik shallechi ugtavonn zali. Ata hea skollacho Pradyapak Fr. Paul Sagayam zaun asa ani Mukeadhapok Fr. Santow Jacob zaun asa.

shri. Shanta Vidyalaya

Hem skoll sodiem vaddeant asa. Hea skollachi stapnni 9 july 1973 hea vorsa zalli. Hea skollacho mukeadyapok shri. Kamlakant Hari Vaigankar zaun asa.

Shri. Vasant Vidyalaya

Hem skoll portavaddo hea vaddeant asa. Hea skollacho pradyapok Dr. Dipak Gaitonde ani mukeadyapok Mr. Avadit .P. Moye zaun asa.

Keerti Vidyalaya

Hem skoll portavaddo vaddeant asa. Hachi stapnuk 1969 hea vorsa zalli, hem skoll Swami Vivekanand Seva Sangh , Siolim hi sonsta choloita.

Sorkari Shalla

Hea 5 mukhell shallank soddun sorkari prathamik shalla asat teo hea vaddeanim asat:- Bamonvaddo, Guddem , Danda , Querem , Vaddi , Igrezvaddo, ani Sodiem.

Sioleche Igorzo

^[2]

Sonarkhettir Franciscan Firgozecho kalea fatracho Khuris

Poile Igroz bandche adim, Franciscan Missionarani Siole ani Assagao modem Sonarkhett mhonlolea dongrar Mae De Deus Igorz bandli. Ti mode bandleli ani novea Christaum zalelea Anjuna, Assagao, Siole ani Oxel lokachi Otmik goroz samballtalli. Punn chotter aslimkotche bandkam kelele dekhun ti chodd vorsam ubi urli nam. Atam fokot kalea fatracho Khuris Sonarkhettir assa.

The black stone cross from the Franciscan church at Sonarkhett.

Siolechi Igroz

Siolechi Igroz 1568 vorsa Gaunsavaddea atam Mae De Deus kopel assa tea zagear bandleli. (Oxem boroup asleli fatorn kopelachea compoundan assa). Hache bandkam kotche asle zait ani ti fokot 32 vorsam ubi urlim. 1600 vorsam Missionorani ek vhoddli Igroz eka dusrea zagear ji vortotali Siolechea modem ani sogllea lokhak faideachi bandunk eujili. Punn favo te poixe nasle dekhun ti bandunk zateli von am oxem vhodil chintana don Portugez karbari Portugalak- sun ietana eka bhari tufanak sampodle. Tanche kode St. Antonichi murti asli ani tani agoun keli kit e bondiak bore bashen pautat tea zagear te ek Igroz bandtele. Tanchi vhodde Chapora dorean bhitor soro dhavea vatten Marna paulli. Hangasor tanchi bhett Franciscan missionarashi zali ani 1630 vorsa Mae De Deus Saibinik bhettoun nhu pun St. Anthonik bhettoun bandli.

Siolechi Igroz atam Paduache St. Snthonik bhettoilea. Igorjek don tori assat ani ek frontpiece assa tossech Serpentik eke doriek/ razvak bandun hatan asleli Sant Anthonichea murti Igorjechea bandkam korunk di nasli. Lokhani St. Anthoni lagim adar maglo ani St. Anthonichea hatan aslelea razvak farouli. Igorjent murteo, chitram ani Igorjechi ghantir hea murtecho chitr khunaileli assa. 20vea Xekdeache survatek St. Antonichi Igroz ekdom porni zali. Igorjeche pare ani moder anig sarkem korunk zaina zale ani sogli Igroz poddtaxi zali. Firgozkarani teach zagear novi Igroz bandche tharailo. Hea Igorjechi buniad Novembarache 1902 vorsam ghatli ani Decemberak 28ver 1907 hachi Consecration/ sthapnni zali.

Statue of St. Anthony of Padua in the church of Siolim showing a snake caught in a cord

Tropachi Igroz

Hi Igroz Percucessao Saibinik bhettili. (Our Lady of Consolation of the Persecuted). Ti 1962 poili Tropache kopel bandleli. October 30ver 1971 vorsam ti Igroz zali. 26ver Janeracher 2007 Padriche Nove Ghor ani Igorjeche hall tenneachea Padrvigar, Fr. Salvador Rodrigues hachea hatant ugttavnni zali Maiachea dusrea aitara Igorjeche fest monoitat.

Siolechi Kopela

Gaunsavaddeche Mae de Deus Kopel

Gaunsavaddeche Mae de Deus 1847 hea vorsam bandle. Tea adi Kristi lokek Tropache kopelant Atmik gorzank voitalint. Gaunsavaddeche teg bhav Santa, Ganexa ani zagre Gauns poile Kristanv converts zaun asle. Fr. Cyrico Fernandes (MSFS), Victor Santas, dr. Cosmas ani Fr. Damian Fernandes tanche sonsod zaun asle. Fr. Cyrico Fernandes jivit Brazilak ho pustok “Indian Apostle in Brazil” Rev. Fr. Damian Fernandesan boroila. Hem Kopel Gaunsavaddeachea Holy Cross Conventa mukhar assa. Hea Kopelache Fest Maiache Poilea aitarak zata. St. Sebastian( Marna)

St. Sebastian, Marna

Hem Kopel Marnechea modlea vaddeant assa ani tin vadde: Voilo vaddo, Modlovaddo, ani Chauddivaddeantlo. He KMopel Prabhu ghoranantle zagear bandla. Fr. Thomas Lobochea adaran Padrik raupak ghor bandle. Fr. Phillip M. D’Souza hea Kopelacho Kopelaum zaun also. Tanne 15 vorsam hanga vaur kelo. Kopelache fest Janerache 20ve uprant aitarak zata.

Dongormarg Chapel

Hanga ek dhaktule, khup porne Povitr Khursache Kopelui mhuntat bandlele assa. Hem Kopel itle uchariek assa ki Arabian Sea sun disti podta. Ek dhaktule dhove sukne eka khodpar boslelea bhashen dista. Dor vorsa Korezmant xizechea budvarak Katholik lok pursavam vori voitat. Tornattem Jezu bashen ek vhodlo lankdacho khuris khandar geun hea dongrar choddtat.

Our Lady of Immaculate conception Chapel, Guddem

Hem kopel Guddemchea lokhachea atmik gorzak faiddeache poddta. Hem kopel 1763 vorsam ube kelele. Decembrache 8 tarker hanga kopelache fest zata.. Our Lady of Sorrows (Nossa Senhora das An-gustias), Portavaddo Portavaddo, Costavaddo ani Tarchibhattielo lokh hea kopelant ekttai zatat. Aiachea 23ver 1943 vorsam hea Kopelachi Somaombhni zali. Maiachea dusrea aitarak kopelache fest kortat.

Our Lady of Dolours Chapel, Portavaddo

Siole- Chopdem Poolachea rostear Portavaddea hem Kopel assa. Maiachea dusrea aitara hea kopelant Porob monoitat.

Vailankani Chapel, Bamonvaddo

Vailankanni Saibinnichi Murti Manglorak than Mr. John Fernandes hadli ani 28ver Julyche 1978 ticher axirvad ghalun kopelant vheli. Saibin Maiechea poprob Novemberache dusrea sonvora monoitat.

Nossa Senhora de Piedade Chapel, Vaddy

Missiaoacho aitar zaun tea sumanan Kopelachi Porob monoitat

St. Joao Chapel, Pereira vaddo

Heam Kopelachi porob Junachea 24ver monoitat.

Santa Cruz Kopel, Tarchi Bhatt

Porob somorombhtat Guia Saibinmaiche porbechea dusrea disa.

Dukhest Saibiniche Kopel

Hi porob Mariechea 3rea aitara zata.

Siolchim Deula

Shri . Datta Mandir

Hem devul shri. Dattareya hanka arpann kelam. Hea devlant ‘Ekhmukhi’ he murtik pujtat. Hi murti mellpak khub khatinn. Ghol , Marna hea zagear hem devul asa. Ho zago khub xant ani xitoll.

Sateri Devull

Hem devull xell hea vaddeant asa , hea devlachi mukhell devi Sateri , hem devul divzam khatir khub prasidd oxem.

Siolchim Festam ani Porbo

Konnsacher Axirvadd

Dor vorsa 15 august hea disa novea konnsancher padre axirvadd ghalta .

Sao Joao

Junache 24 tarkher vhodda dobajean ani vhodd umedin siolkar sanjao monoitat. Purai Goyant, Siolcho sanjao khub famad. Paromparik Sanjao Parade ek porompari aata ek festuch zaun gelam. Poilichea kallar nustekar lhanxe nhoiyentlean khursak jhelo ani vatti petounk yetale. Bhorte pormonnem tem nustekar yetale. Fuddem fuddem hem ek boat festival zaupak pavlem.

Hindu – Kristanv Zagor

Zagor ho goenchea lok kalecho ek mhukell bhag zaun asa. Goyant khub kodde zagor zatat , zoxe gauda zagor , perni zagor , pun Hindu ani Kristanv melloun fokot siole gavant zagor kortat . natalam zaun poilea somara zagor zata. Guddem ani dando hea vaddea voile lok mellon ho zagor monoitat..zagor zata tea zagear ek devul koxe asa pun tea devlan murti na. kristanv lok mennvati bhettoitat ani hindu lok tel bhettoitat. Zagor eka maandar zata. Ani ‘zagorio ‘ ho thoicho mukhel Dev.Zagrachi survat Shirodkar hanchea gharantsun survat zata ani Fernandes ‘sachea ghorat zagor sompoita.

Khellamoll

Hea khellamollachi uktavonn 1 january 1967 hea vorsa zalli. Ho khellamoll st. Antonichea Igorje sokoll podta. Hea khellamollar zaite tournament zatat , toxech zaiteo karyavolli zatat.

Football Club

Siolchem mukhel football club mhollear ‘Footbal Club of Siolim’ (FC . SIOLIM )

Paramparik vavsai ani padarh

Xetkam , nustem marap , sur kadap , khube kaddun vikop, kazkar , kazu feni korop, Poder, bamboo kaam , mest , chovrisam korop, zaun asa sioleche paramparik vavsai.

Ganvchim Vollokh Pottoun Divpi Bhuimchinn

Siole – Chopdem Pul

Ho pul 2002 hea vorsa bandlolo. Ho pul bandlea uprant yeradari cholpak khub vav mello. Ho pul hupun Morji, Mandrem , Keri, Ashvem , Harmal, Pernem, Parsem, Terekol Fort, hea sarkea gavanim vochpak ani yevpak sopem zalam. Hea pulachi lambai 499 mt asa . sanz velar hea pulaponda bosun dolle dipkavpi surya buddta toslo dekhavo pollounk mellta.

Ludvig Van Beethoven hancho putlo

Gaunsavaddean ‘ Pinta Shapai Nivas ‘ hea ghora bhair tanchea angnnant ho putlo asa. Hacho xhilpkar Mr. Cypriano Fernandes zaun aslo, Portavaddo , Siole . ho putlo ek mogachi bhett mhunn Mr. Manuel Souza Pinto ani tachi potinn Mrs. Eugenia Souza Pinto hannim Gaunsodkarank ani sogllea Siolkarank dillo. Pinto Shapai 1 may 1776 hea vorsa zalmolo. Tannem aplem purai jivit lokanche ani gorib dubleanche sevek oplem. Tachea ugdassak ho putlo bandlolo.

Fatima Saibinnichi vhodd murti

hi saibinnichi murti Mae De Deus kopelachea angnant asa. 8 December 1943 hea vorsa hi murti staploli. Tea velar Fr. Lazarus Andre sokol kopel cholltalem. Purai siolent hea ekuch vaddeant ghora ghoranim Saibinn bhovna . 1943 vorsa hi murti bosovpachem ek karonn mhollear. Sogllea vaddeantlea lokanim ekttai ieun purai October mhoineant saibinichea paim-ia kodde ieun ters korcho ani hantuntlean tancho ekvott anik ghott korcho mhunn tor tea vorsa saun gausoddkaram hi porpompora chalu dovrit aileat. Dor vorsa 13 october hea vorsa vhodda dobajean Saibinnichi porob monoitat.

Shivolchem Paromparik Daiz

Fatima Saibinnik Mukutt Ghalop

Mayache 1 tarkher dor vorsa , Gaunsa vaddeantlim ek ankvar choli (ji rokdich kazaracho sacrament zodtoli) ti kazrachi dhovi nhesonn ghalun Sorginche Avoik Mukutt ghalta. Ho dekhavo pollouvpa sarko asta . oxem anik Goyant ani purai Bharotant khoinch ghodonam .

Rajvadde

Torcat Souza Monteiro hachem ghor

Siolim house

Bishop Ignatius Loboche ghor

Siolkara

Siole gavant khub dotor, vazoupi, gaupi, khellgodde toxench anik famad munis zolmoleat.

Dotoram

Siolcar apli bolaikecher khas dhean ditat. Aiz legun Siole hanga khup dotor asat. Adi zaitoch lokh “gauddo voiz” ani somplolo Dotor Zeferino de Souza-xim vetalet. Kuxicheam gaumcho lokh chodd korun zantti azun Dotor Datta Ramnath Naik haka mellunk khup hora bosun rautat. Dr. Frank Pereira, Dr. Vinaik Chodankar, Dr. Bidhan C Das, Dr. Edna Pereira, Dr. Ramchandra Naik Bandorkar,Dr. Thaly, Dr. Donald D’Souza, Dr. Sachin Yeshwant Govekar, Dr. Belarmino Ribeiro, Dr. Geeta S Govekar, Dr. Anil Humraskar, Dr. Lalita Fernandesadi khup Sioleche famad dotor asat. Tossech Dotor Xavier Fernandes Gaunsavaddeacho ek Veterinarian zaun asa.

Padri

Padrichi khobor korit zalear amkam khobor mellta Bisp Saib Leonard Monteiro, adlo Archbisp Nagpuracho. Belgaumcho adlo Bisp Saib, Bisp Ignatius Lobo zaun also Gaunsavaddocho. Sindhudurgcho Bisp Saib Rev. Fr. Allwyn Baretto zaun assa Fernandes Vaddo, Siolecho. Fr. Moreno D’Souza, “Roti” masikacho editor zaun aslo Marna Siolecho. Tossech Siolechi anik zaite padri Mgr. Aires Fernandes, Fr. Walter Mathias, Fr Antonio Paulo Cyriaco, Fr. Cyriaco Fernandes, Fr. Damien Fernandes(MSFS), Fr. Matthew Fernandes, Fr. Francis Fernandes, Fr. Anthony Fernandes(MSFS), Fr. Bruno Rodrigues(MSFS), Fr. Archie Fernandes (MSFS), Fr. Vivian Lobo s.j., Fr. Ross, Frs. Francis & Xavier Pinto (C.Ss.R.), ani halich, Fr. Valerian Carvalho (MSFS), Fr. Marcos (MSFS), adi.

Songitkar

Siolkaranchea rogtan songit asa oxem mhollear otitai zauchim na. Famad gayok ani songitkar Remo Fernandes Siole ganvcho. Jhonson Carvalho zo somplo hache famad band aslolem . pun tachi porompora azun meren tacho put Juenco Carvalho mukhar vorta. Basil ho saxophonist mhunn famad aslo. Konknni romansincho patxai : Reginald Fernandes hannem 100 voir romanci boroileat . ‘Adeus korchea velar ‘ hem tachem git azum meren All India Radio ‘cher azun vazta. Sopun gello Antoninho De Souza ek music Director aslo tannem ‘Rajan - Prema‘ hem sundor duet boroilolem . Well-known cartoonist Alex Raphael Fernandes "Alexyz" and renowned fashion designer Savio Jon Fernandes are from Siolim.

Khellgodde :- Ontoraxtrya mollar hockey khellpi Gregory, Edgar, Ani Egbert fernamdes ani hockey refree Domnick . J. Fernandes hannim Bharotachem nanv voir kaddlam . Marie Simoes hem hockey indian teamichem tem captain asle . Manila 1956 hea vorsa Melbourne Olumpics hatun Bharotak protinidhi mhunn gelele. Toxech zaite footballer:- caitan (dempo) , Baptist (dempo) star player jhonny, adi.

Ier Dusre Famad Siolkar:- Sopun gelolo Rev. Bishop Ignatius Lobo . John Lobo – director , central Bureau of intelligence . Alex Rafael Fernandes “ALEXYZ “ – cartoonist .

References

↑ Bardezcheo Igorzo (Churches of Bardez), Fr. Moren De Souza S.J.
↑ "Archive copy". Archived from the original on 2014-01-11. Retrieved 2015-06-27.{{cite web}}: CS1 maint: archived copy as title (link)

[Bardezcheo_Igorzo-1] Bardezcheo Igorzo (Churches of Bardez), Fr. Moren De Souza S.J.

[2] "Archive copy". Archived from the original on 2014-01-11. Retrieved 2015-06-27.{{cite web}}: CS1 maint: archived copy as title (link)

[1]

[2]