विश्र्वनाथ नारायण लवंदे

विश्र्वनाथ नारायण लवदें गोंयचो सुटकेझुजारी.

गोंयचो सुटकेझुजारी. शिक्षण बिएससी,एलएलबी. ताचें उच्च शक्षण कोल्हापुरांत जालें. गोंकोल्हापूर शारांत शिकता आसतना ताणें भारत छोडो आंदोलनांत वांटो घेतिल्लो म्हणून ताका बंदखणीची खयास्त जाल्ली. उपरांत कोल्हपूर शारांत ताणें राष्ट्र सेवा दल फांटयाची स्थापना करुन कांय तेंप ताचें फुडारपण चलयलें. उच्च शिक्षण सोपल्या उपरांत गोयांत येवन, नोव्हेंबर 1942 त ताणें मडगावांत राष्ट्र सेवा दल फांटयाची स्थापन केली . 18 जून,1946 दिसा डॉ.लोहियान मडगांव शारांत घडोवन हाडिल्ल्या सत्याग्रहांत ताणें वांटो घेतिल्लो म्हणून ताका आठ दिसांखातीर बंदखणींत दवरलो. उपरांत त्याच वर्सा 18 नोव्हेंबर दिसा व्हडल्या गोंयच्या, मायणा गांवांत सभा घडोवन हाडिल्लयान नारायण पालेकारा वांगडा ताका 45 दीस खर बंदखणीची ख्यास्त फर्मायली. 18 डिसेंबर दिसा हळदोण्यां सत्याग्रह घडोवन हाडिल्ल्यान पुर्तुगेज पुलिसांनी ताका आनी सूर्यकांत नायक हाक धरुन खूब मार दिलो. उपरांत 23 एप्रिल 1947 दिसा तांकां खड्डे करुन सोडून दिले. विश्र्वनाथ राष्ट्रीय काँग्रेस गोंय फांट्याचो वावुरपी वांगडा आशिल्लो. पूण तांचेभितर वाद निर्माण जाल्ल्यान तो काँग्रेसींतल्यान भायर सरुन एप्रिल 1947 त आपल्या सांगात्यांच्या आदारांन तांणव कुंकऴ्ऴे आझाद गोंमतक दल फाटयाची स्थापना केली. उपरांत तांणी पुर्तुगेजांआड गोंय मुक्त जायमेरेन आपल्या हिंसक हालचाली चालूच दवरल्यो. जुलय 1947 आपल्या कांय वेंचीक सांगात्यांच्या आदारान ताणें म्हापशेंचे भांडार(फाझेंद) लुटलें. तशेंच ,डिसेंबर म्हयन्यांत विश्र्वनाथ आनी ताच्या सांगात्यांनी सरकरी पयसो घेवनवचपी वाहनाचेर घुरी घालून सगऴो म्हालवज लुटलो. हाका लागुन ताच्या कांय सांगात्यांक पुर्तुगेजांनी धरुन बंदखणीची ख्यास्त फर्मायली पूण विश्र्वनाथ भूंयगत रावून आपल्यो हालचाली करपाक लागलो. उपरांत ह्या गुन्यावांक लागून मे 1949 त पुर्तुगेजांनी तांचे गैरहाजेरींत लताचेर खटलो ताका 28 वर्सां तडीपार आनी एक वर्स बंदखणीची ख्यास्त फर्मायली. 1951 ते 1954 ह्या काऴांत बेऴगांव,मुबंय,बांदा आनी आरोंध्याक राष्ट्रीय काँग्रेस गोंय संघटणा उबारपाक तो खूब वावुरलो. तशेंच हे संघटणेवरवीं तो गोंयांत रा राश्ट्रवादी लिखाण धाडपाक लागलो .वझरें गांवांत आझाद गोमंतक दलाचो कॅम्प उबारुन तो आपवावरुप्यांच्या आदारान नगर हवेलीचें राजपाटण सिल्वासाचेर घुरी घालून तें सुवादीन घेतलें. उपरांत धा दिसांनी सबंद नगर हवेलीचेर ताबो मेऴयलो आनी 15आँगस्ट 1954 मेरेन तिचो कमांडो प्रशासक म्हणून वावुरलो . गोंयाक मुक्ताय मेऴेमेरेन ताणे आझाद गोमंतक दलाच्या वांगडयांनी संख्या 400 वयर वाडोवन पु्र्तुगेजांआड गनिमी डावपेंच आनी हिंसक कृत्यां दवरिल्ली. ताका लागून ताणें आनी ताच्या सांगात्यांनी खर ख्यास्तूय भोगली.