Povitr Pustok
| |
Romi
|
Bible mhonnge kitem
बदलBiblia zaun asa Kristanvanchem Povitr Pustok. Taka Povitr Pustok aniek nanv. Haka 2 bhag asat. Adlo korar ani Novo korar. Adlea koraran 46 pustokam, zalear novea koraran 27 pustokam asat. Sogllim mellun 73 pustokam Bible-ant melltat.
English bhaxentlem, ‘Bible’, hem utor ailam ‘ Biblia’ Latin ani ‘Biblos’ Greg bhaxent san. Bible hea utracho orth asa Pustok (book). ‘Pustok’ hem ek uchit nav kiteak hem pustok soglea lokak, soglea kala passot. Hea pustoka oxlem dusrem pustok na. Bible, soglea kallantlem vortem khoplolem pustok, billions copies soglea sonvsarant vanttlolem hem pustok. Povitr Pustok, 2400 ani zaiteo bhaxen, bhaxantor kelolem meota.
Bible ant veg veglea vixoi acher pustokam meotai. Kaideacher pustokam – Levi-Xastr ani Dusri Somurt, Itihas acher pustokam – Ezra ani Dhormdutancho Itihas, Kovita acher pustokam – Stotram and Upodexok, Bhovixiovanni – Izaias ani Juanvak Prokasovnni(Revelation), Peleamni boroil'lim jinnye kotha (Biography) – Matev ani Juanv ani toxim Potram ‘Epistles’(formal letters) Titak Pauluchem Potr ani Hebrevank Potr.
Baibol Kiristamv ani jyu lokancho dhormogronth. 'biblia' hea grik utraposun toyar zal'lea 'baibol' hea utracho orth 'pustokam' oso asa. Uprant hem utor lettin ani her bhaxamni ailem. Baibol hem devo ani tache lok hanchebhitor zal'lea korarachem vrit oxem mantat.Ho korar ijiptantlea sinai porvotacher i.So. Poilim 12 vea xenkddeant purai zalo. Dekhunuch tem, 'povitr baibol' (Holy Bible) hea namvan pacharotatoi. Hea gronthache don vibhag asat. Poilea bhagak porno korar ani novea bhagak novo korar oxem mhonnttat. Pornea korarant 39 ani novea korarant 27 mellun 66 lhan-vhodd pustokancho ho ek jhelo.Him sogllim pustokam ekach kallant boroil'lim nasun, khub poilim kallasaun ixrvorobhktank zal'le prernnen him lhou lhou nirmann zaleant. Sonapoilim 1400 te i.So. 100 ho baibolacho rochnakall mantat. Ho gronth ixrvori prernnen nirmann zal'lo aslo. Tori to ixrvoronirmit nhoi. Tatuntolim pustokam vingodd vingodd lokamni apaplea vicharank onnsorun apapole xoilin rochleant. Baibolant ixrvorachem prokttikoronn axil'lean tem povitr manlam. Hea prokttikoronnavixinchim pustokam baibolant aspauleant. Hea pustokank baboibolancho mulstrot mhonnunuy mantat.Hibru ani kaim promannant aeremaik ani grik heo baibolacheo bhaxa axil'leo.Heo bhaxa povitr mantale toxench lettin, siriaek, kopttik,slauhik heo kiristamv upasonent vapropi bhaso legit povitr mantale. Survek saun baibolache onnkar lokanche boli bhaxentlean keleat. Kirstamv lokancheo bhaxa ani vakyoprocharancho legit baibolacho kholayen porinnam' zala. Baibolacho sondex ho eka vixixtt kallant, kaim vixixtt lokank,vixixtt somskritayechea sondrbhant dil'lo doivi sondex oxem mantat. Kiristamv somzutipromann sakxatkaran, svoimsidhdoponnan, atmoxudhdin ani zannvikayen sidhd zaupi sakxatkarak legit prokttikoronn maninat. Baibolant aspavo zal'lim pustokam boroitona zal'le doivi prernnenuch kiristamv prokttikoronnachea binchukoponnachem kiristamv prokttikoronnachea binchukoponnachem rohsy asa hem eka vachnauylean kolltta tem oxem- 'baibolacho sondex monxanche itsen ken'nach prapt zaunk na, zalear povitr atmean prerit zal'lea monxamni devakoddlean ayil'lo sondexoch sangla.Hem povitr baibol boroupi prerok xokti mhonnun devakuy baibolacho lekhok manla.Hachoch orth oso, devachech urben ani prernnen lekhkamni tem boroilam ani oxe prernnek lagunuch devachoch sondex tatuntlean porgottola.Oxe ritin baibol hem je toren devachem utor, toxench manvi lokanchey utor, devi prokttikoronnak lagun tatuntolo mull dhormik sondex nirdox mantat.
Baibolachea pornea korarant jyu lokanchea bhavarthachem svorup ani pornea toxench novea koraramni kiristamv lokanchea bhavarthachem poripurnn svorup avixkrit zalam oxem mantat. Romon kethlik ani imsttorn erthoddoks kiristamv dhormadhikareamni baibolache mulstrot oxe thoroileat toxech tannanch baibolachi zopnnuk korunk zai oxem mantat. Prottesttontt ponthi-i lok baibolantolinch utram promann mantat ani kiristamv dhormadhikareancho baibolavixincho ochuk spoxttikoronn korpacho odhikar omany kortat.
Devache khaxele prornnen boroil'lim ani mull dhormot'tvam sangpi pustokam baibolachea mulstrotant aspauleant.Jyu sudarok ejhtrachea kallant i.So. Poilim 398 vorsa ut'topt'ti, nirgom', levi-i, gonn'na ani onnkar va dusro kaido (ddyutteronomi) him poilim panch pustokam baibolant aspauleant. Hea panch pustokank 'tora' va 'penttottyuk' va 'l'.Oxem mhonnttat. I.So. Poilinchea dusrea xenkddeant 18 prexitanchem (do profettos)
Bible boroupi kon ?
बदलSumar 40 munxeanchem boroilolem yogdan disun eta Bible ant. Povitr Pustok, laghim 1500 vorsam hea kalant boroilolem disun eta. Lekhok aslole – Raja, Kharvi, Pujari, Sorkari Odhikari, Xetkar, Gonvlli ani Dotor. Hea Soglea vibhinnota modem ek Ojapacho ekvott dista, ek mull vixoi guntun hadlolem meota. Bible acho Mull Lekhok - Dev and hea karank lagon ho ekvot disti podta. Bible hem Devachea Svasa vorvim preritt zalam (2 Timothy 3 : 16 ). Devak zai aslolem toxem sonvsarachea lekhokani Bible boroilem ani folladik zallem ek poripurnn ani Povitr Devachem Utor (Psalm 12:6; 2 Peter 1:21) Bible hem pustok don bhagant meota – Ponno Korar ani Novo Korar. Thodkean, Ponno Korar zaun asa khobor eka ‘Rashtrachi’ ani Novo Korar zaun asa ek khobor eka ‘Munxeachi’. ‘Rashtra’ hem Devachi Yevzonn asloli ‘Munxeak’ – Jezu Christak hea sonvsarant hadpachi.
Ponnea Korarant, Israel Rashtrachem stapon and samball acho vornon meota. Devan bhasavnni dil’li, Israel rashtra vorvim soglea sonvsarak (Genesis 12:2-3) aplem besanv ghalpachem. Israel rashtra achem stapon zatoch, Devan ek famil vinchli – David achi famil (Psalm 89 : 3-4). ani tea famili vorvim hem besanv soglea sounsarak meopachem. Davidachea familik ek Munis bhasail’lo jo hem besanv soglea sonvsarak hadpacho. (Isaiah 11 : 1-10)
Novea Korarant, bhasail’lea Munxeachi yenneachem vivronn meota ani tea munxeachem nav Jezu. Jezun, Adlea Koraracheo bhasavneo sompurnn keleo ek purnn jivit jieun, sodvonndar zallo aplea mornan, ani punor jivont zallo morna uprant. Jezu zaun asa, Bible hea Povitr Pustok acho sondesh. Jezu fokot munis naslo pun Dev zo munxeachem rup ( kud ani rogot) gheun amchea modem jielo. Hea vorvim kollid amca korpak tazo mogh ani taji yevzonn munxea kula sovem. (John 1:14, 14:9). Khoincheam pann ugot kelear Dev amchea sovem uloilolem meota. Bhasavnni - Jezu, Sorvpodvedar Deva Bapachea uzveak bosla, thuim thaun jiveam ani mel'leanchi mon'subi korunk portun ietolo.
Mandavôll
Pustokanchim Nanvam
बदलHim thoddeam pustokanchim nanvam.
Adlo Korar
बदलPentateuk
बदलItihasachim Pustokam
बदल- Joshua
- Fuddari
- Ruth
- Samuel achim Pustokam:
- Razanchim Pustokam:
- Itihasachim Pustokam:
- Ezra
- Nehemias
- Tobit
- Judit
- Esther
- 1 Makabeus
- 2 Makabeus
Zannvaiechim Pustokam
बदलProvadi
बदल- Izaias
- Jeremias
- Vilap
- Baruk
- Ezekiel
- Daniel
- Hosea
- Joel
- Amos
- Obadia
- Jonas
- Mika
- Nahum
- Habakuk
- Zefania
- Haggai
- Zekaria
- Malaki
Novo Korar
बदलXubhvortoman vo Vanjel
बदलDhormudutancho Itihas
बदलSant Paulicheo Chitti
बदल- Romkarank
- 1 Korintkarank
- 2 Korintkarank
- Galasiekarank
- Efezkarank
- Filipkarank
- Koloskarank
- 1 Tesalonikarank
- 2 Tesalonikarank
- 1 Timotak
- 2 Timotak
- Titak
- Filemonak
Dusreo Chitti
बदलSanv Juanv-ak Prokasovnni
बदलPovitr Pustok Konknnim Bhaxent
बदलSoglleam pustokam modem, povitr pustok soglleam poros chodd onnkarlolem pustok. 1974 vorsa, romi lipient Novo korar bhair kaddlo. Abrilachea 7ver, 2006 hea disa, Sant Francis Xavierachea 500vea zolma disa, ak'kho Povitr Pustok, Adlo korar ani Novo korar, bhair kaddlo. Ho vavr Povitr Pustokachea Vavrachi Gõychea Arkidiosezichi sevadhormik Somitin hatant gheun xarti pavoilo. Konknni bhaxent Povitr Pustok mobayl app-acher ui vazunk ieta.[1]
Igôrz mata ani Povitr Pustok
बदलKatolk Igôrz mata Povitr Pustokacheach utra ani Kristanv porômpore-i pormonnem doton'n xikoita. Zaiteo xikovnneo jeo Biblian boroileleo na teo amkam Kristanv porompore velean kollon ieta, oxem Katolk Igorz xikoita.
Polleiat
बदलSondorbh
बदल- ↑ May 1, TNN / Updated:. "Now, a Konkani Bible on your cellphone | Goa News - Times of India". The Times of India (in इंग्लीश). Retrieved 9 November 2021.
{{cite news}}: CS1 maint: extra punctuation (link)
Bhaile duve
बदलKonknni Povitr Pustok mobayl app
बदल- "Android-a khatir, Uzvaddaipi: Diocesan Centre for Biblical Apostolate, Goa". Google Play Store (in इंग्लीश). Retrieved 9 November 2021.
- "Android-a khatir, Uzvaddaipi: Raul Fernandes". Google Play Store (in इंग्लीश). Retrieved 9 November 2021.
- "iOS-a khatir, Uzvaddaipi: Raul Fernandes". Apple App Store. Retrieved 9 November 2021.
Konknni Povitr Pustok
बदल- "Konknni Povitr Pustok". Konkani Bible (Kannada Script). Retrieved 12 September 2022.